بسم الله الرحمن الرحيم
في السلك
• احمد البارشا اقصد احمد الباشا
• رجع من ليبيا باشا وصاحب اطيان
• دخل للقلوب الحمراء من جديد
• ولي جوه شديد
• ابداع
• كان مازدا يضعه في الكنبه
• ايام المحليين
• امتاع
• يشبعنا كل يوم اكثر
• توظيفه في هذه الخانه ساعد علي ظهوره بهذا المستوي الرائع
• شاطر يابدري
• وياريتك جيتنا من بدري
• المهم
• وارقو برضو راجع من ليبيا
• حايلعب كورة الدوره التانيه بتاعت الممتاز ضد الساكواهاب
• يبقي عليهم احمد البارشا وساكواهور ووارقو
• اتير غايتو الا ينزلها تحت الارض
• فوق للارض يا اتير الشبكه بتنشرط
• ايها الناس
• هذا الموسم موسمنا
• يحتاج لبعض الجديه
• وعدم الغرور
• قلنا انه موسم الجماهير
• لكن بصراحه ياشفوت يوم كورة هلال شندي ماكنتوا بالعدد المتوقع
• نعم كنتم اربعه اضعاف الجماعه الدخلوا كورة الساكواهاب والمورده
• ولكن العز اهل
• ولكي تعزوا المريخ
• يجب ان نأتي
• العميان شايل المكسر
• نرفع معدلات الدخل
• نرفع معنويات اللاعبين
• نرقص مع الحضري
• ونستمتع بمريخنا
• الفات مات
• كورة انجولا دي دايرين نعتذر ياجماهير
• نجي نملي الطابقين
• امال نحنا عاملين طابقين ليه لو دايرين الناس تقعد في البيوت ؟
• نجي قاشرين وحلوين
• نقوم بدورنا كامل
• نقنع الانجولي باننا كبار شديد
• عشان يقنع بدري بدري من تيم البدري
• وينتظر حظا اوفر الموسم القادم
• بصراحه ياشفوت
• الفات ده ماكنت شخصيا اتوقعه منكم
• لاني مقتنع انكم شفوت حمر
• في فقه اولوياتكم المريخ ثم المريخ ثم المريخ
• العتره بتصلح المشي
• تعالوا نقنع الاداره واللاعبين
• باننا جمهور المريخ اصحاب الوجعه في المقام الاول
• ثم يأتي بعدنا من يأتي
• انا مالي يدي منكم
• لانكم بتملوا العين
• الفات مات
• تعالوا كلكم
• بعمل جماعي سنهزم الانجولي
• والهدف الاول لابد وان تحرزه الجماهير
• والباقي يبقي علي باقي الناس
• اتفقنا ؟
• لاتنسوا
• انجولا اخرجت السودان من بطولة المحليين
• وعندها مباراتين تاني مع فرق سودانيه
• يجب ان لاتفوز علينا انجولا في الثلاثه لقاءات
• المهم
• امس بحضر في اخبار ليبيا في الجزيره
• لمحت لي زول بشبه تسخاني
• اللهم اجعلو خير
• انتوا فلكساني لاعب ضد انجولا ؟
• اول مره اشوف لي مهاجم مستواهو ثابت
• سبحان الله
• لاعب ومالاعب واااااحد
• اثناء كورة المورده الكوره جات ليهو
• ومشت منو
• واحد من الساكواهاب قال
• الجاب الزول ده منو ؟؟؟؟؟؟؟؟؟
• قلت ليهو يمكن جا براهو
• الكوره رجعت لي اتير
• زولنا كورك ده السجلو منو ؟؟؟؟
• قلت ليهو المصائب لاتأتي فرادا
• المهم
• ايها الشفوت
• يوم السبت بدري بدري
• نقيف مع اولاد البدري
• نغلب من بدري
• وننوم بدري
• وتاني يوم نقوم بدري
• نتمرن
• دايرين كاس افريقيا
• هدف واضح جدا
سلك كهربا
لن ننسي انك هداف هذه البطوله , يبقي لن ننساك
والي لقاء
سلك
babikir maki [b_silik@hotmail.com]
