اركب ليك ركشه وتعال بحاسبها ليك .. بقلم: بابكر سلك
17 مارس, 2015
منشورات غير مصنفة
38 زيارة
بسم الله الرحمن الرحيم
في السلك
*الحديث عن جماهير المريخ لا ينتهي
*جمهور خلاق ومبدع
*وكلو يوم يدهشنا اكتر
*الليله داير اتكلم عن اسامه حافظ الشاذلي
*دكتور اسامه حافظ
*ما دكتوراه بتاعت بناء مدرج في الاحفاد
*اخصائي اطفال وقلب كمان
*مثقف متعلم وود عز
*المستشفي الدولي بتاعهم
*لما عملوا المستشفي الدولي
*في ناس كده كانوا جوكيه
*من سجن لي سجن
*من شيك طاير لي ملك شيك بالدين
*زول مؤسس
*عضو مجلس المريخ المنتخب
*هذا الرجل يدخل مباريات المريخ مساطب شعبيه
*لايغيرها اطلاقا
*يشارك الاولتراس اهازيجهم
*ويحمل الرايات والاعلام والاحلام
*مع المجلس عضو
*ومع الجمهور عضو
*مامخلوع
*مافي شئ ماشافو في بيت ابوهو
*عشان كده عادي جدا
*وصاحب افضال
*خدوم
*فالفضل يطلب من بطون شبعت في الاول وبعد داك لا يهم ان جاعت
*لكنه لايطلب من بطون جاعت لما ريحتها فاحت
*وبعد داك شبعت من حق الناس من فضل الله من الجوكيه مامهم
*التحيه للدكتور الانسان الشبعان النديان الريان الشفت اسامه حافظ
*التحيه له من المدرجات الشعبيه التي احبها واحبته
*في عضو مجلس يا روشا يقدر يدخل مدرجات شعبيه عندكم ؟؟؟
*اذا في جيبوا وتعال ادخل معاهو
*المهم
*غرزه يستطيع ان يقود السفينه حتي النهائيات
*ببساطه يستطيع
*فالرجل يدرك تماما ما يفعله
*ولكن علي المجلس ان يحتج للاتحاد الافريقي علي الحكم الذي اختير لمباراة الرد
*بالذات بعد ان علمنا ان رئيس الفريق الكنغولي يمكن ان يغير في تقرير الحكم من اتنين لي اطناشر
*فهو صاحب تصرفات منحرفه
*ومن شاكلة الذين يزورون في تقارير الحكام
*فريق ما نزيه
*لذا نطالب بتغييره
*علي الاقل التحذير منه
*يعني نعمل حركات قرديه
*حركة في شكل ورده تخلي الحكم يخاف
*والقصه ما مكلفه غير خطاب للاتحاد الافريقي
*يعني شغل شفتنه
*المهم
*سمعنا تحت تحت
*وقرينا في مواقع التواصل الاجتماعي
*قالوا الرصاصات قبل الكورة كان عندها مشاكل ماديه
*لكن ما كان عندها مشاكل كرويه
*بعد الكورة بقدرة قادر اتحلت مشاكلها الماديه
*لكن دخلت في مشاكل كرويه
*سبحان مغير الاحوال من حال الي مال
*ياربي مالو ؟؟؟؟
*ونستغرب يا محمد عبدالماجد من ابو الهل
*ابو الهل باع نقل مباراة كي ام كي للشركه
*الكورة دي الشركه ابتها
*ولا ابو الهل اشتراها لي رقبتو ونسي يبثها
*ايها الناس
*السمعناهو كتير
*ولما تقول لي زول تعال لي
*ويقول ليك معلم الله حق المواصلات ماعندي
*بتقول ليهو اركب ركشه وتعال بدفع ليك
*الرصاصات دي دفعت حق ركشتها براها يا ربي ؟؟؟؟
*نحنا كسودانيين طبعا اذا جانا ضيف بنكرموا بدفع حق المواصلات الجانا بيها والراجع بيها
*اجري وقف ركشه يا ولد
*كرم شديد
*المهم
*لازال يوسف السماني يدعي الحياد
*وهو يعد ويقدم برنامج يناقش فيه قضية بكري
*بل وفي الموضوع تهديد للاتحاد بانسحاب الهلال
*ورفع عصا سحب الثقه بواسطة الاتحادات الولائيه
*يا يوسف
*يا دكتور يوسف
*جيب من آخر وفكنا من قصة الحياديه دي
*وبالامس اعترف يوسف نفسه بان المريخاب يتعاملون مع الاذاعه الهلاليه اكتر من غيرهم
*اقصد الاذاعه الرياضيه
*يبقي يا شفوت
*اذاعه دخلها كلو من الاتصالات بالتلفون
*والاعلانات
*نتصل عليها ليه وتتربح من قروشنا وتهدف لي اي شئ عدا مصلحتنا
*وهل كل القضايا في الوسط الرياضي هي مشاكل المريخ فقط ؟؟؟؟
*اين الاذاعه الرياضيه من تجنيس جمعه جينارو الذي يخالف الدستور والقانون ؟
*اليست قضية جديره بالنقاش يا ناس ؟؟؟
*اين الاذاعه الرياضيه من معارضة الهلال التي لها صوت عال لاتسمعه الرياضيه
*اين الرياضيه من مشكلات التحكيم الهزيل الذي يقض الطرف عن ضربات جزاء اوضح من الشمس ؟؟
*اين الرياضيه من طرد جميع صحف الهلال ومنعها من دخول معسكر الفجيره عدا صحيفة رئيس النادي والاسبير بتاعها ؟؟؟
*واين لقاءات الرياضيه مع صلاح ادريس ؟؟
*تلفونو ماعندكم ؟؟؟
*واين الرياضيه من كشف الهلال الذي يضم حداشر اجنبي ؟؟؟
*ماعارفين
*اوريكم
*مكسيم وجمعه وبوتاكو وكانوتيه وسيسيه واتير ونلسون وسيدي بيه وكيبي
*ديل تسعه
*وفي اتنين تانيين اي زول عارفهم الا الاتحاد العام والاذاعه الرياضيه
*فكونا من الحياد
*وعلي راس المال المريخي ان يفكنا من العذاب ده
*اذاعتنا برانا
*وقناتنا برانا
*تستفيد من اتصالاتنا ومن اعلاناتنا
*ونخدم بيها كياننا
*وبرضو وقتها سندعي الحياديه
*ايها الناس
*وريتونا الطفي النور منو
*والشطف الككو منو
*لكن ما وريتونا الدفع حق الركشه منو ؟؟؟؟
*ايها الناس
*فجع الوسط الرياضي برحيل القامه المحبوب عبدالمولي الصديق
*رجل طيب وبسيط ومحب لكل الالوان
*رجل يمتعك برجفته وهلاليته النقيه
*دافع عن عشقه بكل ادب
*ناكف ببراءه ولم يجرح احد
*حساس ورقيق كالنسمه
*فارقنا سريعا كالبسمه
*فارتسام البسمة علي شفاه الناس لا يطول
*اللهم ارحمه رحمة واسعه
*وصبرنا واهله علي الفراق ولا تفتنا من بعده
*والعزاء موصول لكل الاهله
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*لي اسي الناس بتسأل فينا
*الدفع حق الركشه منوووووووو!!!!!!
سلك كهربا
ننساك كيف ولما جو يدفعوا بتاع الركشه قال ليهم مدفووووووووع,,,,,ركشه دفع رباعي
والي لقاء
سلك
b_silik@hotmail.com
سودانايل أول صحيفة سودانية رقمية تصدر من الخرطوم
