سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• كاس العالم واجعنا في قلبنا ده
• امس اتكلمنا عن القيادات المحتكره للقياده
• القيادات الماقدمت لينا شئ ولا قدمتنا
• كاس العالم الملعوب في جنوب افريقيا القريبه دي ماوصلناهو
• القيادات الجابت قسطنطين يسوط ويجوط لما مرقنا من جنة نهائيات افريقيا وسقط المونديال
• القيادات التي فرضت قسطنطين علينا برقم رفض الواقع له
• القيادات التي اصرت علي قسطنطين ووقفت قلق
• قال استثناء قال
• المهم
• بعد كورة هولندا والاورغواي بدنا نتخيل انفسنا في النهائيات
• ووصلت لنتائج كتيره
• لكن كان اهمها سؤال
• انا متأكد بان العالم كلو يفكر في مونديال قطر ويعمل له منذ الآن
• الا نحن
• اتحداكم لو في زول وضع استرتيجيه تقود السودان للنهائيات
• اشارطكم
• الدوله الوحيده الفي العالم المابتعد العدة لكأس العالم
• نحنا كده
• ننضف يوم الوقفه بالليل
• نستف يوم السفر الصباح
• ندخل جوه بعد المطره تصب
• نفتح الخيران بعد الخريف
• نمشي الدكتور بعد الحاله تتأزم وندخل في غيبوبه
• طوااااالي كده
• متأخرين
• صلاة الجمعه نلحقها في القيام من الركوع في الركعه التانيه
• نجيب الكهربا بعد تقطع
• نذاكر بعد يعلقوا جدول الامتحان
• نحن كده
• ننوم بعد نصحي
• وبعد نصحي لو لقينا نومه مابطال
• وبعد النومه بنحتاج نرتاح شويه حتي نقوم
• نحن كده
• المهم
• بعد كورة هولندا والاورغواي نمنا عيننا مفتحات
• وحلمنا ان نصل لنهائيات كأس العالم قبل ان نصل الي ود الاحد
• اها
• وانا نايم اتخيلت ليك صقور الجديان في كاس العالم
• كأس العالم سنة 3233
• المقام بشاد الصديقه
• الدنيا دي كلها معجبه بصقور الجديان
• كل القنوات تفتش علي شداد
• وشداد مامشي مع صقور الجديان
• مشغول
• المهم التقوا بمجدي الذي اكد لهم انهم اعدوا لهذه المرحله العده من ماكانوا ماسكين الاتحاد السوداني منذ الف وتسعميه وشويه
• وشفت ليك اسامه عطا المنان
• لمحتوا سااااي
• كل ناس الاتحاد في تشاد
• العالم كلو متابع للسودان
• وطبعا كأس العالم ده اشهر حاجه فيهو الجامولاني والفوفازيلا والاخطبوط بول الالماني
• وطبعا الاخطبوط بول كان دائما يرشح المانيا للفوز
• اخطبوط وطني
• الكوره الاخيره ضد اسبانيا رشح اسبانيا
• وطبعا دي حركه اخطبوطيه سااااي
• عشان يقنع العالم انه لا يتحيز لالمانيا
• بالمناسبه بكتب قبل الكوره وماعارف الحصل شنو
• المهم
• السودان في كاس العالم في شاد
• وشاد تحسن تنظيم كأس العالم
• المهم نحنا في كاس العالم
• مجموعة امبشي
• ومن اشهر الحاجات في ذلك المونديال العنكبوت دلدول
• عنكبوت بتاعنا
• دائما يتكهن بهزيمتنا
• وربنا يستر
• العنكبوت دلدول قدر ما يقولوا ليهو انت بتقول السودان بتغلب والسودان يغلب تاني تصر علي ان السودان بتغلب
• انت عنكبوت مجنون ولا شنو ؟
• قال ليهم انا اقول كلام وانت تقول كلام وربك رب الخير يقول كلام
• قالوا نعم بالله لكن الفيك اتعرفت , انت غتيت كده من عناكب وين ؟
• قال ليهم نحنا في سنة 3233 ولسه انتوا بتسألوا انت من وين وقبيلتك شنو ؟
• صحيت لان سؤال العنكبوت دلدول سؤال خطير
• لي سنة 3233 ؟
• المهم
• الجماعه قالوا زعلانين من عدم حضور الاجانب والدعيع
• ياربي الزول ده اجنبي ولا شنو غايب مع الاجانب !
• ولا صدفه ساااااي
• قالوا الجماعه غلبوا حرس الصيد
• اقصد حرس الحدود
• داير اسماء التشكيليه المصريه والحكام
• لو سمحتوا
• بالمناسبه
• كاربوني زعلان من تأخر وارقو
• ياكربنه
• انت جيت متين ؟
سلك كهربا
اذا كانت بروفات الغناء تسير علي قدم وساق في حاجات الناشئين يبقي حانصل كأس العالم بتاع نجوم الغد قرييييييييييييييييييييييب
والي لقاء
سلك
babikir maki [b_silik@hotmail.com]
