سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
· زول حي العرب انقتل الشوط التاني جوووه الخط ياهريدي
· بقدرة قادر بقت بره الخط
· تقول لي بلنتيات
· زمن احتساب البلنتيات انتهي
· لكن ما تزعلوا يا اخوانا
· في القانون في مقوله بتقول القانون لايعتد ( يهتم ) بالنوايا الا اذا اتخذت مظهر خارجي
· ونية لاعب الهلال في قتل لاعب حي العرب اخدت مظهر خارجي من دايرة السنتر
· وبما ان الحكم قانوني لايعيبه الاخذ بالمقوله اعلاه
· عشان كده ما تزعلوا
· قال دوري ممتاز قال
· لاقاني فرحان
· قال لي الفرق تمنيه
· قلت ليهو المعز كتل مهاجم الخرطوم تلاته جوه الخط
· وانتوا غلبتوا الخرطوم واحد
· في حالة احتساب ضربة الجزاء يبقي الفرق سته
· اقيف لسه
· اقيف واسمع
· امس مع حي العرب في بلنتي اوضح من الشمس
· وقونكم الاول تسلل من اللاعب الاستلم الباص من امبيلي وجاء منها الهدف الاول
· يعني النتيجه العادله اتنين لحي العرب
· يبقي الفرق تلاته
· اقيف لسه
· كورة اهلي مدني ( موقعة ام بلنتات )
· ادوكم ضربتي جزاء لاوجود لها في قانون حامورابي
· وحرموا الاهلي من ضربتوا الصحيحه بدون سند في قانون حامورابي
· يبقي الفرق صفر
· زي صفركم الدولي الكبير
· شفتوا كيف نحن في اسوأ حالاتنا بنتساوي معاكم وانتوا في احسن حالاتكم !
· قلت ليكم دوري محتاس
· ده غير هدف من ضربه حره بره الخط
· ضربه ثابته
· ثابته بالثا؟
· فكونا
· ياربي بابا نويل شايل هدايا شنو لناس عطبره !
· الله يهدي
· الحكام كان لهم دور كبير في ترتيب الفرق في الممتاز
· نقول دورهم كان بحسن نيه
· نصدق كده
· يبقي البستاهل البطوله هم الحكام
· اللهم لاتحكم فينا من لا يخافك يا الله
· اللهم لا تحكم فينا من يسعي للدوليه باي شكل
· اللهم لا تحكم فينا من يريد ان يحافظ علي دوليته با شكل
· نرجع لناسنا
· قالوا الشطب سبعه
· قلت ليهم سبعه بس !
· قالوا ايوه
· قلت ليهم عندي فكره
· نشطب سبعه ونسجل سبعه
· ونشطب خمسه نخلي خاناتهم فاضيه تضربها الشمس سنه
· ونعود نبذر فيها بذور جيده لتطرح محصولا يشبه محصولنا الشهير بمانديلا
· حبه وعبوه
· دايرين حارس مرمي نشوفوا طاير في الهواء انشاء الله الكوره تدخل قون
· دايرين بذور بتشبهنا
· احمد مارتن مثلا
· ود الشجره ( ود دبرق )
· في الجريف زولنا ظااااهر
· في الكنغو زولنا قاااااعد
· غايتو سولي شريف وايفوسا الشافهم معارين كندشه ساااي لفريق الحله القالوا مشي ليهو كواريزما ما كضب
· انتوا ناس ايطاليا خلوا منير امبده !
· ياربي لو مصرين عليهو بكونوا شافوهوا يوم حي العرب !
· انشاء نورهم يكون كان قاطع وماشافوا امبده
· انا ماعارف زوجة ايداهو دي العاجبها في الشارقه شنو ؟
· هنا الدكوه راااقده يا حاجه
· تعالي استقري خلي الزول يروق
· عشان كده اهلنا قالوا لاتعرس المراه القصيره ولا تعرس المراه الطويله
· المراه القصيره دي البيتهم بفتح علي بيتكم
· كان مشت اهلها عينها في عينك
· والمراه الطويله هي المراه الاهلها ساكنين بعيد
· سفر طويل
· تقول ماشه اهلها امها عيانه
· تشيل مبالغ طائله وتقعد شهر
· نصو في الدرب
· ولما ترجع تاني يوم يقولوا ليها ابوك وقع
· تركب ترجع
· وتجي بعد شهر
· يضربوا ليها
· التومه جارتنا ماتت
· تسكل وتلم هدومها وتقول ما بقدر اعتذر التومه زي امي وفي بكي جدي عاست الكسره كلها براها
· وتركب ترجع
· فاهمه الكلام ده يا ايداهووووره ولا اجيب ليك تسخاني مترجم !
سلك كهربا
لو جابوا حكم كمبيوتر الفايروس بعرف يصل ليهو كيف
والي لقاء
سلك
