سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• تحيه كبيره للاخوه في سودانايل اللالكترونيه بمناسبة عيدهم العاشر
• سنوات طوال وسودانايل تسبح في فضاءات العولمه نفخر بها
• اخص بالتحيه صديقي محمد علي عبدالحليم المدير العام
• وصديقي الاستاذ طارق الجزولي
• والاخ الصديق مالك جعفر رئيس مجلس الاداره
• عقبال تطفوا الشمعه الخمسميه
• اها
• اليومين دي الكلام كلو استفتاء
• اسلام قالت لي ناس الهلال مادايرين يعملوا استفتاء ؟
• قلت ليها لي شنو ؟
• قالت لي هلالاب كتار دايرين ينتموا لدولة المريخ
• ادوهم الفرصه
• قلت ليها يا بتي مرحب بيهم
• لكن ما اسي
• بعد نعمل الطابق التالت
• ونجيب جوية الالفيه الجديده
• لما يهتفوا معانا
• ارقص … يا حضري
• قال ليك هلالابي مغيوظ شديد من حكاية الحضري دي
• كتب في دفتر الحضور دفتر الحضري
• ارقص
• المهم
• امس قمت بزياره لصحيفة المريخ بمقرها الجديد
• بنادي المريخ
• شفت العجب
• طابق كامل للصحيفه
• ماشاء الله
• الطابق التاني
• وحاتم عبدالغفار قال لي دايرين يعملوا الطابق التالت ارشيف للصحيفه
• في الطابق التاني مكاتب كتااااااار
• بتاعات المكتب التنفيذي
• مكتب لرئيس النادي
• مكتب للامين العام
• قاعة اجتماعات
• مكتب للمدير التنفيذي
• صالة استقبال الزوار
• وقاعة لاجتماعات اعضاء المجلس
• وفي الطابق الارضي شاشه قدر الكتله
• وديقيتال
• وناس بتتفرج في كورة السعوديه وسوريا
• ناس تانيين بلعبوا في العاب تسليه
• والشاي مدور
• والقهوه في السلك
• منظر يسر العين
• احفظنا يا رحمن
• ياسابل الستر
• من عين الحسود
• ناس في القاهره
• وناس في الفيهم
• متين الموسم يبدأ
• جمهور يلبس الرقم 22
• لاعبون يلبسون من بوما
• وكوره زي الكوره
• والحضري رقم واحد
• بالمناسبه
• موضوع شعار الجمهور رقم 22 ماشي كويس
• بكره تلفون صغير
• وتلبسوا
• مجانا
• كل زول فنيلتو
• يحافظ عليها
• يغسلها ويكويها
• ويريحها
• ريحه تركيب نهي
• بتطلع اللون
• الاستفتاء ده ممكن يجيب نتيجه كده
• وممكن برضو يجيب نتيجه كده
• طيب
• لو جاب نتيجه كده
• ناس اتير ديل وضعهم كيف ؟
• تجنيس ولا تطفيش ولا تفنيش ؟
• تاني حانرجع لموضوع سجلناهو قبل القرار
• ولايسري عليه القرار
• لكن راعي الضان في الخلا
• قبل سته سنين عارف موضوع الاستفتاء ده
• مسجلينوا قبل الاستفتاء ليه !
• يارب
• تطلع نتيجة الاستفتاء بما يحقق رفاهية الشعب الشمالي والجنوبي والوطن الواحد او الوطنين الاتنين
• البجي غايتو
• مازدا
• قلت راجي بره ؟
• راجي شنو يا اخوي
• فرحت جدا بعودة قريش
• كنت عارف انها مؤقته
• غياب لفتره مؤقته
• مرحب قريش
• ونشد من ازر الروابط التي زارتك واعادتك للزعيم
• اها
• قريش ده برضو مشوا ليهو عشان عندو قروش ؟
• عشان تعرفوا
• لما الناس مشت للوالي
• مامشت للقروش
• مشت ردا للجميل
• واهو برضو الناس مشت لي قريش
• وبنمشي لاي مقاتل مريخي اراد ان يستريح استراحة محارب
• قلت لي الارباب بجي متين ؟
• اتنين بتاعين بحر
• قاعدين في طرف الشارع
• جات واحده ماشه
• الاول قال ليها يا اخت
• ما اشتغلت بيهو
• اتلفت علي التاني وقال ليهو الليله السكر ده رافع سعرو
• التاني قال ليهو ما تظلمو ساي , رفعوهوا ناس البرلمان من اول امس
سلك كهربا
ننسي شنو ومنو ! انسي بس
والي لقاء
سلك
babikir maki [b_silik@hotmail.com]
