بسم الله الرحمن الرحيم
في السلك
*امس التقينا السلاطين
*سلطان قابل سلطان
*في موقعه نزيهه
*وقد كانت حامية
*امتعت شعب الفاشر
*ايها الناس
*المريخ الاب هو سيد شرق ووسط افريقيا
*سيدها كلها
*يوغندا وكينيا ودولة الجنوب الوليده
*واثيوبيا والصومال وجيبوتي وتنزانيا
*ورواندا وبورندي وبالطبع سيد السودان كمان
*فالسودان هو احد دول شرق ووسط افريقيا
*وبما ان المريخ هو السيد علي تلك الدول
*يبقي المريخ هو سيد السودان كمان
*والعندو سياده مختومه بالشمع الاحمر محمولة جويا
*يستأنف ويقدمها كدليل يدعم بيهو استئنافو
*والبتكلم ساي بدون دليل ينقطنا بي سكاتو
*فمحمد عبدالماجد حفظه الله ورعاه
*معجب بالكتابات الرقميه
*والكتابات الرقميه هي الكتابات التي لا تعتمد علي غلاط
*ولا علي استهتار ببطولات
*ولا علي كلام ساكت
*الكتابات الرقميه هي التي تتحدث بلغة الارقام
*مثلا المريخ شال سيكافا تلاته مرات
*وغيرو مافي زول في البلد دي عملها
*ومثلا المريخ هو سيد اندية دول سيكافا بما فيها اندية البلد دي
*واندية البلد دي مثل هلال امدرمان وهلال بورتسودان وهلال كادوقلي وهلال ام صفقا عراض
*كلهم السيد عليهم واحد
*وبي حقو
*وهو المريخ
*ومثال للكتابه الرقميه
* الرقم الدولي للهلال صفر
*دي لغة الارقام
*ودي اللغه البحبها محمد عبدالماجد
*بس ما بقدر ينطقها
*المهم
*سيد اندية سيكافا
*سيد الكل
*امس اكد زعامته وسيادته
*في لقاء دوري هام
*واصل فيه السيد سطوته وسيادته
*لان الطبيعي ان يأتي الناس خلف ملوكهم
*ومن غير اللائق ان يأتي الناس امام الملوك
*المهم
*اليوم فرح فاشري كبير
*اتوقع ان تفرح فيه الفاشر كثيرا
*لنستمع للحكامات في وصلة من الوصف الرائع لفتية الفاشر
*ويبقي السلطان سلطان والديدبان ديدبان
*تلك هي لغة الارقام يا محمد عبدالماجد
*ايها الناس
*في ناس ظروفها في الدوري ده صعبه
*ولذا لن نقبل ان تصالح نفسها علي حساب الاخرين
*ولن تبرر لنا ذلك العبارات القديمه
*من شاكلة يخطئ ولا يظلم
*فما ممكن يخطئ اليوم لصالح الغد
*ويخطئ في الغد لصالح نفس الغد
*يخطئ هنا
*يبقي يخطئ هناك
*موش كل الاخطاء اتجاه واحد
*ايها الناس
*التلفزه والنقل لهما اهمية كبري
*نتمني نقل وتوثيق جميع كمباريات الممتاز
*باقي عدم التلفزه بكتر اخطاء ناس يخطئ ولا يظلم
*ولكن علمنا ان هناك شفوت يستطيعون فعل شئ
*وسيستطيعون
*المهم
*دائرة المناشط تتقدم بشكرها للقطب ود عقيد علي دعمه لتسجيلات السله بعشرة الف جنيه
*ووعد ود عقيد بالكثير منه ومن الغير
*المهم
*امس فازت المورده في التأهيلي
*افرحتنا بفوزها
*لاننا افتقدنا مورده حضاره مورده جداره مورده جساره
*وهاردلك لاولاد سنار
*ولكن عودة المورده تعني عودة الروح
*ياناس الفاشر
*ست الودع رمت الودع وقالت الليله الفرجه محمداكم
*ولي كشكشي
*وكده !!
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*حيلنا بقي ميييييييييت
*وصوتنا بقي مييييييييييت
*مشينا بقي ميييييييييييييييت
*نفسنا الطالع ونازل ده بقي مييييييييييت
*ميتنا بقي مييييييييييييييييييت
*ولا زلنا نذكر حي قيوم حي قيوم
سلك كهربا
ننساك كيف وندهنا الحي القيوم
والي لقاء
سلك
b_silik@hotmail.com
////////