-دي المرة الثانية وانا اكتب حول هذا الموضوع.
– الواتساب خرب بناتنا تب.
-كان الزواج في الماضي من بت العم والخال وبت الجيران
– اليوم الزواج بقى زواج مصالح تشوف ليك واحده عبر النت او الواتساب انشاء الله في إسرائيل ممكن تتزوجها .
– تعمل كل الاجراءات في مصر.
– وبعدين تعمل ليها جنسية تشادية وتجيبها السودان
-وممكن كمان تعمل ليها السودانية او الاثيوبية ما كلهم شبه بعض .
-بناتنا غصبا عليهم يكون بايرات.
-نعم العنوسة في العالم العربي كبيرة جدا في كل من مصر والمغرب وتونس والجزائر ودول الخليج
-الحل شنو؟
-لازم نعمل تكامل اجتماعي عربي اسلامي في الزواج
-بس ناس الخليج ما بيوافقوا على ببناتنا ديل
-عشان وضعنا المادي اللي تعبان
– ناس اجي وهنايا ديل
– يقول قائل هم اتزوجا من الهنود والباكستان
-ديل اقرب في اللون والمعاملة
-ونحن افارقة وليس عرب
-لكن جميع الحكومات مايلة الى العرب
– مع انو لو عملنا تكامل اجتماعي مع الافارقة كان احسن
– بس الافارقة ماعندهم بوره كثيرة ذي بوره العرب
– وزواجهم بسيط
-حبني واحبك (انتهى الموضوع)
-ونحن لسع متاخرين في موضوع الزواج
-حتى الزواج الجماعي ما حله مشكلة
-كله كان دعاية في دعاية
-مانرجع لزواج الفاتحة واتذكر الحين اغنية الفنان النوبي زكي عبد الكريم ( اميرة الشباب يا سمحة انا جايكي ليكي عريس بفتح الكتاب مالك ما رخيص)
– بالفاتحة ماحرام
– موضوع مهم للغاية وناس الحكومة مافضين من رفع الحصار والارهاب وفتح سفارة في اسرائيل ولم غنائم عاصفة الحزم
-المجتمع المدني اللي في مقدرتو بيعمل
-والوضع ذي ما انتو عارفنو(منتهي الصلاحية)
– مافي زول قادر يعمل حاجة
– مافاضله من شراء الملابس المستعمله وحق الحلة وايجار البيت لو كان في المدينة
– نعمل شنو يا ناس كلمنا؟
writerahmed1963@hotmail.com
