سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• اليوم يعرف المكابرون اهمية ضربات الجزاء الوهميه
• ديباجه في كل ضربة جزاء
• صنع في الممتاز بايدي خفيه
• اليوم تتضح الرؤيه
• لانقارن كابوندي بالزومه
• ولا يقارن خليفه ببله
• والله حرام
• بدأت الحرب علي اكرم
• قالوا المريخ داير يشطب اكرم عشان عمايلو
• اكرم لم يهرب ولم يتهرب
• اشطبوا انتوا الناس البتتهرب وتقوموا ترسلوا ليهم عشان يجوا التمرين الختامي
• قال لي اكرم مشكله كبيره
• قلت ليهو بالنسبه لي منو ؟
• سكت
• قلت ليهو اكرم مشكله كبيره بالنسبه ليكم
• حاربوا اكرم زي مادايرين
• اكرم ( شفت ومفتح )
• اكرم مابياكل من جنس ده
• ايداهو وكلتشي ووارغو والسعودي وقلق ومصعب
• المفروض الكوره من تشوف ديل تخش قون براها
• وووووين ابو كدايس !
• الصفوه اليوم باذن واحد احد ستغني للصباح
• غناء مباح
• ومن يوم السبت حا نبدأ في الاناشيد
• للمعلوميه
• رتشارد وقع في كشف الهلال قادما من الخرطوم (3)
• كان وقتها يافعا
• وقع في الهلال ووجد ناس قاعده في الهلال ليها سبعه سنوات
• لاعبين ما اداريين
• كيف يكون رتشارد كبر والناس اللقاهم قاعدين لسه نونو
• لأنو ننو
• بالقرآن يا حسن حمد مريخنا قطعا مصان
• صحف السبت الهلاليه اتوقع فيها كثير من المانشيتات
• مثلا
• الاتحاد يهدي الفوز للمريخ ترصدا للهلال
• قون كلتشي ايداهو كان متسلل
• وقون ايداهو كلتشي دفر ليهو منير ايطاليا
• وارغو لم يحاور دفاعاتنا ولكن دفاعاتنا اتحاورت لوارغو بالعنيه
• المعز لم يك في مستواه
• ماعارف الذكرني قون مازيمبي الخامس شنو
• باي تشكيله النقاط بنشيله
• اعاراتكم المكندشه عجلوا ترحيله
• سدوا ديونكم وغيروا النجيله
• المهندس الشغال في كشافات الزعيم قال بتولع انشاء الله اليوم الساعه عشره الا عشره
• ايييييييييييييييييك
• نسيت الدافي
• الدافي في الشتاء ده مرغوب شديد
• اليوم يجب ان نتوجه جميعا لاستاد الخرطوم
• ضبح بعد العيد
• كرامه ساااااي
• الله يقبل
• الناس الزعلانه من تحويل المباراه تعالوا كاس السودان عندنا
• في الرد كاسيل
• وقفوا عرباتكم ( كان عندكم ) في موقف الكاف
• جوار ملعب بعشوم
• واقطعوا التذاكر من قبلكم هناك
• زمااااااااان تتذكروا كشة الكشكه ؟
• عليكم الله الكراكه كانت غلطانه لما قالت كشك كبير ورفعت سنونها وحلفت تكسروا !
• اسي بعد الكاف عملوا كشك تذاكر لي مباراة مصر والجزائر تعالوا نعتذر للكراكه صاحبة النظره الثاقبه
• سبق صحفي عملتوا الكراكه في كشة الكشكه
• اشتغلي شغلك ياكراكه
• الليله
• ماتنسوا
• انا وانت
• انت وانا
• والصفوه قطعا جمبنا
• وكلنا
• ياربنا وياربنا
• في حفل نص الليل تلمنا
سلك كهربا
الحتانه اجهزي
والي لقاء
سلك
