والله حاجة محزنة ومقرفة ومخجلة جدا يا أحباب اعترافات الرئيس المعزول البشير..
ـ زول كان رئيس بلد يقول فلان اداني 25 مليون دولار قال لي اتصرف بيها وفلان عصر لي مليوناية بس كانت مستفزة..?
ـ رئيس بلد بفك الدولار في السوق الاسود وعن طريق طارق سر الختم بتاع سين للغلال..?
ـ رئيس بلد..يقول كنت بدي من ملايين الدولارت دي لقناة طيبة بتاعت عبد الحي..(وعرفنا ليه ناداهو للفتوى فيما يفعل بالمتظاهرين وقدامهم البطيخ اللذيذ.. وعرفنا لماذا يبكي عبد الحي الان على ضياع ذلك العهد الدولاري بدعوى نصرة الشريعة?).. ولو ما صح خليهو يطلع المنبر ويقول بشه كذاب..?
لكن يا بشه كان تكرب قاشك وتملى هدومك وتسترجل وتقول للمتحري يا عسكري انضبط وانا كنت الرئيس وما عندي كلام ولا اقوال.. ?
او على الاقل يا ريتك كان قلت ليهو يا زول دي قروشي وبس وتاكل نارك..اصلها دي تهم هايفة جدا مقارنة بما فعلت انت والكيزان السمان في ال30 سنة الماضية لكن اهو ده اللعب على الدقون والمجمجة بتاعت المجلس العسكري..?
أوقفوا هذه المحاكمة البائسة بتلك التهم الوضيعة..
# وأحيّ أحيّ يا عبد الحيّ..قناة طيبة والقبض حِلا ليّ..
بشه جاب النجيض والنيّ.. ويااا حليل الدولار الحيّ..احي احي يا عبد الحيّ..
https://www.facebook.com/100003057957151/posts/2143103372468240/
