بيعوا القضيه وصلحوا الاستاد … بقلم: بابكر سلك

 

بسم الله الرحمن الرحيم

في السلك

 

• البرازيل بايته في الحتانه

• من المغرب اتحركوا علي الميناء البري الجنوب افريقي

• قال ليك مشوا باتنين كريز وتلاته امجادات وركشتين

• شوف عين احمد محمد احمد

• في السوق المحلي بتاع جنوب افريقيا مالقوا بصات ماشه الحتانه

• الواطه مغربت

• بتاعين الحفلات كانوا واقفين بالجمبات

• الكمسنجيه يكوركوا

• حتانه علي الفين

• حتاااااااانه

• يا مستعجل

• دونقا عاين كده وعاين كده وسكت

• كاكا قال يا اخوانا خلونا من الدموع دي وعيشوا الواقع

• لو مامشينا الحتانه اسي بنتمقلب

• الناس دي كلها جايه الحتانه

• ارح بدري بدري نشوف لينا محل نبيت فيهو في الحتانه

• واتصلوا علي كامبوس

• بوصفه خبير مبيت في الحتانه

• قالوا ليهو لما مشيت الحتانه بالليل يوم مازيمبي بتوا وين ؟

• قال ليهم الحتانه كبيييييييييييره في اي محل بتبيت

• انتوا بس امشوا

• غايتو اي زول قال كبير بات في الحتانه

• جماعتنا

• ناس السينما الوطنيه اقصد الحركه الوطنيه

• طولوا ما جابوا سيرة الحركه الوطنيه

• الجماعه القالوا كباااار

• طولوا ماجابوا سيرة كبار

• كونفدراليه نورت

• لكن الي حين

• الحتانه حاتنور كالعاده

• وياحله تنوري

• المهم

• الناس بتبحث عن وحدة العرب

• امه عربيه واحده

• يكون ليها مواقف خالده

• يموت ثائر

• تنبت ارض العرب الف ثائر

• ولكن للاسف

• ينبت الي جانب الثوار حسكنيت

• لا يهزم العرب الا العرب

• كلنا نعرف كيف استشهد الشيخ يس

• قالوا خاين كبير الصق علي عجلة الشيخ مايوضح مكانه لاجهزة الترصد الاسرائيليه

• واتت الاشاره

• فكانت الضربه

• وقالوا مروان البرغوثي اوشي عن مكان تواجده واحد من الامه

• قبض الدولار وباع القضيه

• وسمعنا عن قيادات عراقيه قبضت الثمن وادخلت مواد انجليزيه سامه تخرب عقول الاجنه

• برضوا باعوا القضيه

• واي مناضل ينسف في مخبأ يكون بارشاد من باع القضيه

• لذا

• كان المناضلون يقتلون الخونه ويعلقونهم علي الاعمده في الشوارع

• ولاننسي قصة الشيخ الفلسطيني عندما علم بان ابنه يتعاون سرا مع العدو

• كلهم باعوا القضيه وقبضوا الكاش

• اها

• انتوا بيعوا القضيه وصلحوا الاستاد

• قولوا للاسرائيليين رمزي في استاد المريخ

• خلوهم ينسفوا الاستاد

• وتستفيدوا تلاته مرات

• الاولي قبضتوا كاش يصلح ليكم الاستاد

• التانيه استاد المريخ الواجعكم ده تهده الصواريخ

• التالته رمزي الحارق الحشا ما يلعب في المريخ

• الرابعه تنسوا قصة الحركه الوطنيه العاملنها حركه دي

• قال وطنيه قال

• المهم

• هنو

• قبل ان يوقع كانت كل اقلام الفوفازيلا تكتب عن انه استفز المريخ

• وكانوا في نفس الوقت يفاوضونه

• معلوم عن اعلام الفوفازيلا انهم يحاربون اي لاعب قادم للمريخ يكون موهوب

• ايها الصفوه

• اكتر لاعب كرهه اعلام الفوفازيلا هو ايداهور

• تفتكروا ليه !

• لا تنجرفوا وراء محاولات التحريض

• ادعموا هنو

• قدموا السبت

• وانتظروا الاحد

• فيصل عجب فعل بهم العجب ايام كوبر

• ولما حاور اتنين منهم وجاب قون كوبر عمل ليهم الطياره قامت

• الطياره قامت دي الحركه العملها يوم جاب القون لما ختف الكوره من داريو كان

• طيب

• زول بقول ليكم طيارتكم قامت

• ساكينوا للتسجيل من كورة عطبره ليه

• شهر ونص بتفتشوا فيهو ليه ؟

• قال هنو قال

• سمعنا تحت تحت قالوا يوسف محمد سجل علي الحساب

• كاش مافي

• علي باقي الحساب القديم

• بختك يايوسف

• اصابتك كانت مع الفريق النيجيري

• لو كانت مع الجماعه الا يطلعوا ليك تأمين صحي للعلاج

• شوامخ ساااااااااااااااااااي

• الله مرقك

• ميشو

• لو ادوك عربيه

• انا قلت لو

• اتأكد انها مرخصه

• زول بدفع ليك الايصالات مافي

• قطع ناشف

• بالمناسبه

• البرازيل عندها مدافع امبده

• لما المهاجم الهولندي ضايقو والحارس كان بره

• اتعامل مع الكوره بطريقه امبديه

• الاستاد كلو ضحك

• رجل استطاع ان يضحك كل جماهير كأس العالم

• حتي ناس السامبا

• كايسين للدرون

• ضحكوا لما كاكا وقع في الواطه

• ياربي هناك برضو بكون الزول ده من ساوباولو الجديده ؟

• ولا برضو عندهم رجعت للاسم القديم

• بكون اسمها ساوبدو

• احتمال

• اتمني الفوز لغانا

• الفرح لافريقيا

سلك كهربا

انت ما بتتنسي 000 لسه الوقت بدري

والي لقاء

سلك

babikir maki [b_silik@hotmail.com]