تسعه حكاوي

8 ديسمبر, 2009 بابكر سلك 47 زيارة

أخبار أخرى

بسم الله الرحمن الرحيم

في السلك

• الليله دايرين نحكي حكاوي يوم اربعه بالليل

• مايوم اربعه مازيمبي سنة الفين وتسعه

• يوم اربعه كلتشي

• يوم اربعه في الحيطه وكلتشي شات

• المهم الحكوه الاولي كان الصفوه ميرغني كرار السيد البكري راكب عربيتو الجياد الفاخره وطالع في المسيره

• وتيت تيت تيت 0000 تيييييييييييييييييييييييييييت

• نزل في بقاله يشتري عصير

• قال لبتاع البقاله مبروك

• بتاع البقاله قال ليهو انا بقولوا لي البركه فيك ما مبروك

• ميرغني قال ليهو الله يهدي من يشاء

• بتاع البقاله قال لكن انتوا وديتوا الكوره الخرطوم ليه !

• ميرغني قال ليهو ابو القدح بعرف بكان بعضي اخوهو

• بتاع البقاله قال ليهو والعضه الجايه وين ؟

• ميرغني قال ليهو بعد تحرقك بتعرفها وين

• الحكوه التانيه

• قالوا في لاعب مريخي كبييييير قعد مع ناس الهلال

• قلت ليهم صاااااااااااااااااح

• ماشفتوا جاد الله في التلفزيون قاعد مع قاقرين ؟

• جاد الله الله يطول عمرو لاعب مريخي كبييير قرب للستين

• حكوه تالته

• واحد سأل التاني قال ليهو اكرم برقص كده ليييييييه !

• التاني قال ليهو قصدك بقرص ولا برقص !

• الحكوه التالته قالوا اتنين هلالاب راجعين من الكوره كداري

• وكداري دي ما زعل

• فلس

• الاول قال للتاني الحكم ده جديد ولا شنو ؟ ماعارف قانون التحكيم لسنه الفين وتسعه بقول كلما كلتشي يجيب قون تدي كاريكا بلنتي ؟

• التاني قال ليهو الحكم عارف القانون الجديد وسمعت تحت تحت لما سألوهو ليه ما ادي كاريكا بلنتي , الحكم قال ليهم بلنتي مع اكرم ده ؟ ادوكم اربعه بلنتيات طلعها والخامسه البرنس لي اسي راجيها تقول لي بلنت

• الحكوه الرابعه

• ياربي كاريكا من اصبح مهاجم الفريق القومي الوحيد , الفريق القومي السوداني لعب كم كوره وكاريكا جاب كم قون ؟ تقول لي انقولا

• قسطنطين دخلو شنو !

• الحكوه الخامسه

• قالوا من وارقو ال (تي ) ربط التلاته مواسير المويه لي اسي ماقطعت

• الحكوه السادسه

• قالوا الزعيم جايب لاعب تايواني

• قلت ليهم حولوهو الهلال وجيبوا الياباني

• الحكوه السابعه

• ياربي الزول في المقصوره كان بمدغ في شنو ؟

• يكون رياضه للفك

• فك التسجيلات !

• فك بالفا !

• الحكوه التامنه

• واحد قال للتاني عرفت الزول الحكم كورة كلاتشي الاخيره !

• التاني قال ليهو ابدا

• الاول قال ليهو ده الحكم كورتنا ضد امبده

• التاني قال ليهو الكوره الانتهت تلاته صباحا لما درنا حتي نهاها ؟

• قال ليهو ياها زاتها

• الحكوه التاسعه

• قال كان في كامبوس

• في التمرين شايل ليهو دفتر ويكتب

• قام وقف جمبو واحد سوداني

• كامبوس قال كلام وهو رافع يدو اليمين

• الزول رد عليهو

• كامبوس خت الدفتر تحت اباطو وفتح يدينو الاتنين وقال كلام

• في واحد من الجماهير كان متابع الحوار وشايف الحركات لكن ماعارف الكلام شنو

• السوداني لما جا طالع من الملعب زول الجمهور جري عليهو وقال ليهو علييييييك الله انت وكامبوس كنتوا بتقولوا في شنو ؟

• السوداني قال للزول كامبوس سألني قال لي الشطب عندكم كم ؟ قلت ليهو سبعه , خت الدفتر تحت اباطو وقال لي ماشويه !

• واحكي ياراوي

سلك كهربا

بشري سااااره , ظهرت اراضي جديده بالحتااانه , الوسطاء يمتنعون

والي لقاء

سلك

تسعه حكاوي

أخبار أخرى

عن بابكر سلك

شاهد أيضاً

اترك تعليقاً إلغاء الرد