سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• شئ غريب
• ابو ماسوره في اي معادله موجود
• لاحظوا الدوري
• الزعيم بدأ بثلاثه نقاط وثلاثه بطاقات
• نقاط هلال الجبال معاها كان بطاقتين حمراوتين وواحده صفراء
• ثم تطورت المعادله بعد تدخل ابو ماسوره
• ثلاثه نقاط للزعيم معاها ثلاثه اصابات طوالي
• ليس المقصود بثلاثه اصابات ثلاثه اهداف
• مقصود منها ثلاثه اصابات في الانكل و( النخره ) والركبه
• يعني اي ثلاثه نقاط نكسبها نخسر معاها ثلاثه ركب
• حيرتنا يا ابو ماسوره
• واحد حاسد قال لي الاصابات الكتيره العندكم دي عشان سجلتوا بقروش المؤتمر الوطني
• قلت ليهو طيب سد مروي بنوهوا بقروش المؤتمر الوطني ليه ما وقع ؟
• خليهو سد مروي
• كبري توتي
• كبري المك نمر
• كبري الفتيحاب
• كبري العقليين
• وكل الكباري العملوها ناس المؤتمر الوطني ليه ما وقعت !
• السيد الرئيس المنتخب صرح بانه لم يتوقف عن دعم الهلال يوما منذ توليه الحكم
• يكون ياربي مرض ام سادومبا الماسكم ده عشان دعم المؤتمر الوطني ؟
• يوسف محمد قبل يقبض انقبض
• يكون ياربي المؤتمر الوطني نوي يرسل حافز تسجيل يوسف ؟
• كل الموضوع ابو ماسوره
• لكن ابو ماسوره لو قعد مع الوالي مابقوم
• بتقوم قيامتكم بس
• بقلب
• زي لب
• ولب يا لب
• لب
• يا اخوانا
• علاجنا ماعند الطبيب الامريكي
• افهموني
• الامريكي زاتو ابو ماسوره بلحقوليكم لفخه
• تاني يوم تلقوا الامريكي في حوادث امدرمان
• الرائع ابراهيم عبدالرحيم كتب عن شاي التاج
• والله يا ابراهيم انا لما شفت الاحتياطي بتاع الجماعه في الكنبه طوالي اتذكرت ناس المعاشات لما يكونوا منتظرين الصرف والقروش مرقت وماجات
• راعي الضان في الخلا عارف الراعي الليبي ظلم الزعيم قدر شنو
• الطاهر محمد عثمان مشكلتو مامع المريخ
• مشكلتو مع العجب ده
• يعني اسي الاتحاد الافريقي وقف لينا الطاهر حماد !
• موش كفاية الوقفهم ابو ماسوره !
• العقوبه وطرشقت
• بالمناسبه من وين الزول البطقع بجيب الحجار داخل ارض الحضارات
• مافي حجر في استاد المريخ
• وماممكن مريخابي يجي شايل حجار معاهو من بيتو
• زول ده ولا راديو جاي بي حجارو ؟
• قال لي انتوا بتجدعوا بالحجار مازينا
• قلت ليهو صاااااح
• الناس الرقدوا تحت مرتبة الجمباز ديك طقعتوهم بالورود ؟
• ابو ماسوره وصل للجمهور
• الصفوه سيداحمد عزالدين
• يعمل بوزارة الطاقه
• دخل كورة المريخ والاهلي مدني
• لابس شعار المريخ الاحمر
• ابو ماسوره بعد لفخ غاساروكا
• واثناء ما الناس مشغولين بي علاجو
• لفخ ليك سيداحمد عزالدين جاب ليهو التهاب العصب السابع
• وهو الآن طريح الفراش
• ابو ماسوره
• عذبتنا
• قالوا شرميطي في المفاوضات قال مباريات الهلال ماداير حوافز
• واجب
• بس وروني شايتين وين ؟
• اليوم كورتنا مع الامل
• وهي مباراة البطوله الحقيقيه
• الامل فريق كبير
• بس خايف عليهم من ابو ماسوره
• عندو خبر في لاعبين من الامل جايين
• الوالي قال بجوا
• عشان كده الليله ابو ماسوره حايتعب
• يخبت يمين وشمال
• مافي قشه مره
• اليوم نؤكد الصداره
• انشاء الله
• ابو ماسوره مابخجل
• مشي بيت الوالي
• مالقي زول
• لحق بت جمال في المدرسه
• لفخها ليك في رجلها
• المسكينه دخلها شنو ؟
• حتي الاطفال يا ابو ماسوره !
• اسي المسكينه عاملين ليها جبيره
• نحمد الله لقينا ليك السم القدر غداك
• آيتين يودوك التوج
• جمعية الاصلاح
• جمعية صلاح سعيد
• كل يوم تجد تأييد من الصفوه
• قريبا الدعوه للاجتماع الاول
• حايكون في الاستاد
• الناس كتاااااااااار
• وكلهم بحبوا صلاح
• الوالي لو قال بجي يبقي بجي
• سمعنا قالوا الوالي قال شرميطي بجي
• وبجيب قونين في اول مباراه ضد ناس ام سادومبا
• والوالي قال في مهاجم اقوي من ايداهو واحرف من ميسي واسرع من الريح واشوت من عاطف القوز وبحاور احسن من كمال عبدالوهاب وبلعب راسيات احسن من الرميطي وبجي
• ده يا والي داير ليهو سبعه خانات في الكشف
• بالمناسبه
• جمعية الاصلاح بتاعت صلاح سعيد حاتكون برعاية الزعيم
• واحد حاسد قال لي زنك اللحمه ده شنو العملتوهوا في استادكم ده ؟
• قلت ليهو ده ( جملون ) حوض السباحه , ليك حق تقول زنك لحمه , كل زول حسب ثافتو , يعرفوك كيف من الزريبه ؟
• بالمناسبه
• في جملون تاني حا يتعمل , وده بتاع صالة المناشط , عشان مايجي زول يقول زنك الخضار ده شنو ؟
• المعز محجوب
• يا المعز محجوب
• هووووي
• عم محجوب ده والله خايله معاهو البرادو
• وشهر سته بنزل موديل 2011
• قلت شنو ؟
سلك كهربا
الليله بالذات لن ننساااااااااااااااااااااااااك
والي لقاء
سلك
babikir maki [b_silik@hotmail.com]
