جنتلمان

أخبار أخرى

الله اكبر ولله الحمد .. بقلم: بابكر سلك

22 سبتمبر, 2015

اليوم نترحم علي المليون شهيد .. بقلم: بابكر سلك

22 أغسطس, 2015

خالد خالد فينا .. بقلم: بابكر سلك

21 أغسطس, 2015

بسم الله الرحمن الرحيم

 

في السلك

 

 

 

·        سباق الاداريين نحو لاعبي الانديه المنافسه كبر كوم اللاعبين

·        ودخلت الانديه في خسارات كبيره

·        لاعب مايسوي يقبض ملايين متلتله

·        ويجي يتلتل النادي

·        لذلك نجد ان اتفاق الجنتلمان بين الوالي والارباب هو اتفاق عقل

·        بس المخوفني النطه

·        اصلوا الهلال مافيهو لاعب نجري وراهو

·        الخوف الجماعه ينطوا

·        لكن لو نطوا برضو من صالحنا

·        لانو السعيد بشوف في غيرو

·        الداير راسو يلف

·        والارض من تحت اقدامو تلف يمشي للجماعه

·        واحد هلالابي قال لي اتفاق ما اتفاق بنسجل الدافي

·        قلت ليهو دايرين تعملوا مكمدات ولا شنو ؟

·        قال ليك الهلال يغسل الاحزان ويهزم الارسنال شلسي برباعيه

·        اقصد الارسنال شندي

·        الاخ الرشيد فتح المزاد وقال عن كامبوس الشاطر يجب ان يذهب ذلك الماسوره

·        حد يزيد

·        راح نبيع راح نكسب

·        نداء لكل الصفوه

·        طالما اعطي المجلس العيش لخبازو يجب ان نتعاون كلنا

·        خلوا المدرب يشتغل بدون احتجاج

·        يعني الصفوه تتفرج وبس بدون تعليق

·        خلوا القطاع الجديد والدائره يعملون علي تنفيذ اهدافهم دون ان نزعجهم بالحرب والاحتجاج

·        شوية صبر وتشوفوا كاس افريقيا في الاحتفال الكبير المقام في حوض السباحه الاولمبي

·        اليومين دي اشتقنا ليوسف السماني والكاردينال

·        اشتقنا لنغمة لم الشمل الهلالي

·        الجماعه اتلملموا اتلملموا جا موبوتو كشحهم ليك

·        كدقيق فوق شوك نثروه

·        ياربي الرياضيه ماعامله لم شمل تاني

·        الهلال للكنغو بدون الارباب

·        يا ساتر

·        ترباس ماشي ياربي !

·        كان مشي جيبوا ليهو المويه جمبو

·        الزول ده كان مشي يشرب صعب

·        الاهله بحبو ترباس عشان اصلو ترباس ماحضر قون في الهلال بعينو

·        يخليها درون يمشي يشرب تدخل الاقوان

·        لكن ناس القلعه ديل قدامهن عيانا بيانا

·        كج كبير

·        يعني لو هلالابي عرس والعروس رقصتها ندي القلعه العريس بياخد خمسه بياخد خمسه

·        قال لي امبيلي جنسو شنو ؟

·        قلت ليهو من الكنغو

·        قال لي لا00لا00لا 00 كان من الكنغو كان جاب قون 00 الكنغو كلها جابت اقوان

·        قلت ليهو ود الحله زاتو من الكنغو

·        قال لي صاح لانو جاب قونين في المعز

·        ياحليل امولادي

·        بركة الاعاره طلعت صاح يامزمل وامولادي مشي وجا ود الحله

·        سادومبا زاتو الجا بدل كواريزما بركة الاعارتو طلعت صاح

·        اقل حاجه كواريزما رزق كان جاب قون

·        تاني اعملوا اعاره

·        قالوا في القون الخامس ديدا ما شاف الحديده

·        نتمني لفريقنا القومي ان يظهر بمظهر مشرف

·        ان يمسح الفضيحه التي تتحدث عنها افريقيا

·        قال ليك في مالي الجمهور كلوا جا يشوف اللاعب السوداني البلعب وراسو لافي والارض لافه

·        كانوا بقولوا سوسونا لعبونا راسونا لفلفونا ارضونا لفلفونا وينونا

·        يعني اللاعب السوداني البلعب وراسو لافي والارض لافه وينو ؟

 

سلك كهربا

                  الحتانه كيييييييييييييييييييييف

                               والي لقاء

                                سلك