أصل الحكاية
أمسكوا الخشب موضوع مدير الكرة المصري السابق (حتي الآن) دخل الحوش والكلام بقي (بالمفتشر) زي ما بقولوا المصريين .. بالنسبة لي لم أتوقع في أسواء الظروف أن يصل الأمر إلي الحد الذي نشر علي لسان الرجل أمس بالزميلة (السوبر) فقد قال النحاس لا فض فوه مايلي : ( علي مجلس الإدارة المحافظة علي صمتي وإسكات من يهاجمني يوميا علي صفحات الصحف بالتصريحات المفترية حتي لايأتي اليوم الذي أخرج فيه عبر كل المحطات التلفزيونية المصرية والسودانية ووسائل الإعلام المسموعة والمقروءة وأكشف المستور ومايدور من قذارات داخل ووساخات داخل أسوار القلعة الحمراء ويتسبب فيها بطريقة مباشرة الشخص الواحد الذي ذكرته) إنتهي ..
ياخبر إيه ده ياعماد يانحاس .. إيه اللي بتقولوا ده .. قذارات إيه ووساخات إيه اللي في القلعة الحمراء .. بتتكلم عن إيه يا إبني مش تختار ملافظك أحسن؟ وبدل الكلام اللي مش مفهوم ده مش تكون شجاع أحسن وتقول اللي عارفه لو كان فعلا زي مابتقول .
مصيبة بكل ماتحمل هذه الكلمة من معني وماقاله الرجل يجب ألا يمر مرور الكرام مثلما مرت أشياء كثيرة خطيرة ولم يتوقف عندها أحد ولكن ماقيل هذه المرة أخطر من كل المرات السابقة ووصل اللحم الحي (قذارات ووساخات داخل القلعة الحمراء) وراءها شخص كما ذكر يعرفه حق المعرفة ويعرف ممارساته .
بس ياعمدة الكلام مش هو برضه .. خاصة وإنك كنت شجاع أوي مع موسي الزومة لأنه زي ماقلت شتم الجهاز الفني السوداني قبل المصري وسألت سؤال مهم أوي مهمتي إيه إذا لم أتصد لمثل هذه الأشياء ؟
وإحنا بدورنا بنسألك فين راحت مهمتك وإنت بتتفرج علي القذارات والوساخات وهي موجودة داخل أسوار القلعة الحمراء .. قلعة مين ياعم؟ إنت سبت فيها قلعة ده بالكلام اللي إنت قلته القلعة تحولت (لمكب نفايات) عندكم إسمه إيه؟ .. بس هو لأني مش قادر أقولوا ..
إيه اللي منعك ياعمدة .. الفلوس؟ ده أنت ياعيني ماكنتش تحلم في يوم أنك تأخد الأجر اللي بتاخده من الوالي كل شهر وماخدتوش بالمناسبة وإنت لاعب .. وماكنتش تحلم في يوم إنك تكون مدير كرة في نادي من الدرجات الدنيا في مصر ..
طب نسيب المجلس وأعضاء المجلس ونصدق زي ماقلت إن فيهم اللي بيعيشوا من النادي ودول غير بتاعين (القذارات والوساخات) مع إنه كله محصل بعضه .. طب ياراجل كان علي الأقل تعمل حساب لجمااااااااااال بتعرف جمال أظن؟ وإنت تقدر، ده إنت تعرفه من (الجيم) قبل مايكمل الاسم.. كنت تقوله علي الأقل وتراعي العشرة والعيش والملح والفرصة اللي ماكنتش تحلم بيها.
قول له ده الراجل تعبان أوي ياعيني وبيصرف من دم قلبه علي النادي والفريق وعليكم (إنت والبدري) بس اللي حواليه هم اللي .. إنت قلت بيعملوا إيه ؟
يخرب بيت اللي حواليه ده كل واحد يفشل في عمل يقولوا السبب اللي حواليه طب هو مين اللي جابهم ؟ ماعلينا ياعماد يانحاس خلينا في مسلسلك العجيب اللي كل يوم نقول خلاص إنتهي يظهر لنا بجديد لغاية ماوصلنا حتة صعبة اوي (قذارات ووساخات).
هو فيه غلط حصل بس مش منك صدقني؟ إنت ليك مليون حق في اللي بتقوله كل يوم .
مسلسل النحاس الذي يعرض يوميا علي وسائل الاعلام عندنا وفي الفضائيات والإعلام المصري لن يكون شيئا إذا قارناه مع البدري بعد المغادرة النهائية .. ده أنتو حاتشوفوا العجب ..
آخر الحكاية
قلوبنا مع منتخبنا الوطني في مواجهته الهامة اليوم امام سوازيلاند
hassan faroog [hassanfaroog@hotmail.com]
