حيوان انجولا المتوحش .. بقلم: بابكر سلك

 

بسم الله الرحمن الرحيم

 

في السلك

 

 

•       المدينه تتحدث عن المرافعين

•       عن الحيوانات المتوحشه

•       ناس يلقوا كلب في الشارع

•       جريو ساكت يطقوهوا يقتلوهوا ويبلغوا السلطات والصحف

•       ويتصوروا حول جثة الجريو المسكين الذي لم يقتل لولا الفراغ الذي يعيشه الاغلبيه مننا

•       الكلام كلو مرافعين وحيوانات متوحشه

•       فار يجي جاري الشباب يتسلحوا ويتعقبوا اثر الحيوان المتوحش

•       كديس يقول جاوووووو البلد كلها تجري وراهو وتعمل قصص

•       اي  حيوان اليف ووديع متربي مع البشر منذ ملايين السنين اصبح حيوان متوحش في عرف هذه الايام

•       وبالمناسبه دي اليومين دي ظهر باعوض متوحش

•       لامروحه بتطفشوا ولا مكيف (في البرد ده ) بعمل ليهو حاجه

•       وكت اصلوا بتكتلوا الحيوان المتوحش الباعوض اولي

•       المهم

•       شعار البطوله الافريقيه بانجولا حيوان عندو قرون بشبه حيوان اجب ابو كرعين كتار داك

•       الحمد لله انجولا ( الدوره الافريقيه ) ماكانت هنا

•       تخيلوا لو كانت هنا

•       كان كتلنا الشعار بتاع البطوله وروينا عنو قصص

•       الحيوان المتوحش يهاجم اعضاء الاتحاد ويأكل تربيزة شداد

•       مجدي شغال مراجعه في كشوفات التسجيلات الحيوان المتوحش يختف منو الكشف الفيهو سيدا وفييرا وحموده

•       اسم المعز يسقط من خشم الحيوان المتوحش وفاره صغيره بالاتحاد تنقذه

•       قصص كتيره كنا حانعملها

•       ومابعيد يقولوا لينا قسطنطين قصد خروجنا من انجولا عشان ما نتعرض لهجمات الحيوان المتوحش شعار البطوله

•       خبر عاجل

•       الحيوان المتوحش يأكل بطاقة وارقو والاتحاد الافريقي يقول وارقو لاعب حر طالما بطاقته مافيشه

•       الحيوان البياكل بطاقة وارقو ده منو ده !

•       المهم

•       انفجرت قنبلة الارباب استقالات

•       انفجرت في داخل المجلس

•       يا ارباب كان تخت القنبله بعيد بدل تنفجر في داخل مجلسك

•       استقالات مطر

•       وبرغم ذلك الناس تتحدث عن المرافعين كموضوع الساعه

•       يعني الاستقالات لم تسحب البساط من تحت اقدام المرافعين

•       اليومين دي اي كندشه بتجيب انفلونزا الخنازير في البرد ده

•       قلت ليكم الارباب لو الكورس حرن بغني بالاورغن براهو

•       يلا ارقصوا كلكم

•       اها

•       نرجع للحيوان المتوحش تاني

•       لو كان عندنا كان قلنا ناس توجو قتلهم الحيوان المتوحش في الخلا

•       والمتمردين براءه

•       قال لي الناس كلها بدأت الاعداد الا الجماعه

•       قلت ليهو البعرفو  انا الحكام بدوا التمارين بدرييييييييييييييييييي

•       قال لي والناس البقرروا ان يلعب المريخ في مستنقعات مدني ديل بدوا ولا لسه !

•       قلت ليهو ديل الوحيدين المابقيفوا في قفلة الموسم

•       ديل مننهم لله

•       الزعيم في كينيا

•       والامل العطبراوي في مصر

•       والناس الفلسانه في الحتانه

•       اها نرجع للمرافعين

•       سيكافا لو كانت ايام المرافعين كان الجماعه قالوا رئيسة البعثه الكينيه ليست سوي عشه ام ضنب

•       نمل قال انهم في السلك

•       اوعه السلك يانمله

•       اها نرجع للمرافعين

•       جيت راجع الحله

•       لقيت الناس كلها في الشارع

•       الحاصل شنو ؟

•       قالوا المرفعين ظهر وقتلناهوا بكل بساله

•       سألت واحد بالجمبه

•       قلت ليهو المرفعين ظهر وين ؟

•       قال لي شافوهو جمب استاد الهلال لكن مافي زول بجزم ان المرفعين طلع من الاستاد

•       قلت ليهو عادة المرفعين بعيش وين ؟

•       قال لي في الخرابات

•       قلت ليهو صاح

•       قال لي يكون طالع من الاستاد ؟

•       قلت ليهو انا خليني , انت رأيك شنو ؟

•       قال لي المرفعين ده سمعنا بيهو في اي محل الا شارع الستين

•       قلت ليهو انت قايل المرفعين عوير ولا شنو ؟

•       المرفعين يمشي شارع الستين بي لموزين يعني ؟

•       الحضري ولدنا امس استبسل

•       شيل ياحضري افريقيا للدول وتعال لينا شهر سته شيل معانا افريقيا للانديه

•       اها نرجع للمرافعين

•       مشيتوا للدهب ولا قاعدين في الضهب خايفين من ام ضنب !

•       هتاف جديد في الموسم القادم

•       ما بوريكم ليهو

•       لأ   لأ   ما تضغطوا علي

•       خلاص بقول ليكم اول حرف في الهتاف

•       سيبا0000 سيبا

•       بتعملوها

•       اصلكم نسايين جميل

•       شاذلي

•       معلمين والله

•       اها نرجع للمرافعين

•       خلوهم بكره

 

سلك كهربا

               انشاء الله ياكلنا حيوان انجولا بس نظهر في النهائيات

والي لقاء

سلك