صورة الباسبورت بتشيل عشره يا فطومه .. بقلم: بابكر سلك

بسم الله الرحمن الرحيم
في السلك
*اذا عدنا لمباراة الخرطوم
*لن نجد سببا للاداء الباهت غير الاستهتار
*التباهي والاختيال كانا اسباب للانهيار 
*لان النفوس بعضها هش جدا
*ولا يتحمل النجوميه 
*والاداء الجاد يفترض ان يولد فيهم الرغبه في التطور والمستوي المتصاعد
*ولكن الطموح محدود
*ولعمري هي اسباب الشخصيه الباهته لمعظم لاعبي المريخ
*الامر الذي يجعل الاحساس بالنديه متوافرا عند خصومهم
*برغم ان النديه منعدمه
*لايقارن المريخ بغيره
*فقط هؤلاء الاشباح هم من يجعلون غيرالمريخ يظن نفسه ندا للمريخ
*ايها الناس
*الثقه الزائده بالطبع تختلف عن ذلك الاستهتار والتهور الذي يؤدي به المدعو امير كمال
*وليعلم ذلك الفتي انه لم يصل بعد لربع مستوي كمال عبدالغني
*وانه ان اراد ان يصل لذلك المستوي عليه بذل الكثير
*والاداء بجديه ورجوله وبدون استهتار ولا استخفاف
*فعندما استخف بصلاح الامير
*لقنه صلاح درسا في وضع الانف دي فعلي الارض
*راوغه مراوغة الدافوري
*يجب علي امير ان يستفيد منالدروس
*اما رمضان
*فالاحرف اقيم من المستوي الذي قدمه يوم الخرطوم
*وكذا وانغا وعلاء 
*حتي جمال سالم الذي يتميز بالجديه
*اصبح مستهترا جدا
*فهل يعلم المريخ الناس الاستهتار ام ماذا ؟؟؟
*ايها الناس
*كنت اشك في وجود غارزيتو علي الخط
*والمريخ يؤدي بتلك العشوائيه
*فتدخل غارزيتو في الوقت القاتل
*وقتها كان المريخ مقتول
*فقام بادخال اوكرا قبل النهايه بسبع دقائق
*وزي ماقال صديقي جحا
*غارزيتو زي السواق البغير الترس بعد العربيه توحل
*اصحي يا غرزه شويه
*وناسنا ديل الببدأ كعب
*بستمر كعب ما بتحسن اصلو
*من اول خمسه دقائق البلعب كعب
*عجاج كرعينو
*لكن رمضان حيرنا
*قال انتظر التكميليه
*بي مستواك ده يارمضان
*التكميليه الا تكملها في رابطة كرري
*ايها الناس
*بالعربي بالفرنسي بالسواحلي
*جمال سالم ده كلموهوا
*قولوا ليهو الاستهتار ما حبابو
*وما احببناك الا لجديتك
*لو داير تغير طبعك
*فنيلتنا في مكانها وكمبالا قريبه
*لاعبون لم يقدروا المسئوليه
*ولم يحترموا الجماهير
*ولم يوفوا الشعار حقه
*المهم
*بالامس كردنه التقي الاهله الشرفاء بدار النادي
*ان شاء الله يكون كلمهم بالشركه
*وبالنقل التلفزيوني
*وببواطن الامور الاخري
*لان الاهله الشرفاء يريدون الحقيقه
*دايرين يدخلوا في الصوره
*مامعقولة الصوره يكون فيها كردنه والناطقه وروشا
*وباقي الكرت فاضي
*الكرت بشيل
*والصورة بدون فلاش بتوضح
*النفوس كان اتطايبت
*صورة الباسبورت بتشيل عشره يا فطومه
*وموضوع الشركه دي حارقني شديد
*مابخليهو ولو اكتب في الواتس
*لو اكتب في الفيس
*لو اكتب في الحيطه بي فحمه
*لازم الاهله الشرفاء يعرفوا الحقيقه
*ولا ايه يا صديقي ماجد اسماعيل المحامي ؟؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*في ناس ما مصدقين قصة المدرسه المزوره
*قالوا وهمه ساي لصرف الاهتمام يا والينا
*وتبريرهم انو لو القصه حقيقه 
*مافي مسئول بقعد ولا دقيقه
*لانو ماممكن البرود يصل بالمسئولين للدرجه دي يا والينا
*وفي ناس يا والينا
*قالوا بتحصل وما بعيده علينا
*مدام الجقور اكلت الكبري علينا
*شنو البخلي المدرسه ما تتزور فينا
*شرف الاستقاله يا والينا
*زي شرف الكلمه الحنينه
*بضيف للزول ما بخصم منو يا والينا
سلك كهربا
ننساك كيف وكلنا عارفين انو الاستقاله اشرف من الاقاله بعد الثقاله
والي لقاء
سلك
b_silik@hotmail.com