بسم الله الرحمن الرحيم
في السلك
• كورة شندي طبعا ما اتنقلت
• عشان كده كان عشمنا كبير في مشاهدتها ليلا
• من حداشر اتكاملنا قناة قون
• اقتنعنا انو القناة دي قوميه
• قوميه شديد
• قناة كل الانديه
• عارفين الاقنعنا شنو ؟
• القناه ما اعادت الكوره
• القناه احتفلت بي نصر اهلي الارباب
• وقدمت لينا هجيج شديد
• غناء وطرب
• لاخلوا افراح عصام
• ولا خلو كمال ترباس
• لا خلو البلابل
• بلبله بلبه
• غناء زي الغناء
• طرب زي الطرب
• احتفال كبير بنصر اهلي الارباب
• الكورة الاتغلب فيها الهلال دي اصلو ماجابوها
• حفله بس
• اتثاقلنا علي القناه
• قعدنا للصباح
• والقناه اتثاقلت علينا
• طرب شديد
• الشريط التحت داك كان مافي
• لازول يكتب شنو ولا شنو
• بدون تعليق
• المهم لما الشمس مرقت الكوره من قون مامرقت
• اها
• بعد كورة شندي انتهت ماكنا عارفين النتيجه كم
• التلفزيون ماجابها
• والاذاعه الفيها مذيع بقول لاعب من الجمهور في ارضية الملعب
• ويعيد العباره دي كتير
• ماصدقنا كلامها
• وكمان ماممكن ننوم ونحنا ما متأكين من النتيجه
• علي اقل تقدير نطمئن علي ولدنا مزمل ابو القاسم
• المهم
• فكرنا وقررنا
• بالليل داك مشينا موقف شندي
• موقف شندي موقف جميل
• موقف رجولي
• موقف بطولي
• المهم
• وقفنا في موقف شندي
• دخلت حافله فيها ناس مشوا شندي مخصوص للكوره
• ورجعوا بعد الكوره طوالي
• سألناهم
• الكوره وين يا شباب ؟
• قالوا الكوره جايه في الحافله الورانا
• جايه مباشر
• والكوره جات
• لانها تاني يوم عرضوها علينا
• جنس كوره
• ياخ بعد القون ناس شندي طقطقوها ليك زي الورد
• الميدان كلو فنايل بيضاء رااااقده في واطات الله دي
• والكوره في الحديده
• بعدها بي شويه
• طقطقوها تاني
• والفنايل البيضاء رقدن في واطات الله دي
• ايكي دخل الشبكه وخلي الكوره بره
• يعني الحكايه كانت تلاته
• لكن قناة قون قوميه
• لانها عندما عرضت الكوره ما منتجت الحاله المفروض ينال فيها سامي الكرت الاحمر
• المخالفه الخطيره الارتكبها مع فيصل موسي بعد الهدف وقريب النهايه علي الخط محل الباك الشمال
• اتير للامانه ما عمل البلنت
• ده بويا
• شفتوا شوتت فيصل موسي للبلنت ؟
• شفتها يا موسي الزومه
• في الحلق
• ياناس
• هزيمة الهلال في شندي نتيجة مؤامره
• لانو ابو الهل ده يوم يلبس الابيض عينك ما بتشوف الا النور
• منو اللبس ابو الهل الابيض ؟
• كان تلبسوا اخضر
• زي ما لبستوهوا في الجبل الاخضر
• يوم الفيصلي الاردني
• متذكرين انتهت كم ؟
• المهم
• ناس قالوا ميشو في كورة شندي كان قاعد ساااي
• ياناس ما تظلموا ميشو
• ميشو كان بجيب في الكوره من بره مع الشفع
• ويرجعها الميدان
• ماكان قاعد ساي
• ايها الناس
• امس قلنا ليكم الافريقي غالب تسعه واحد
• نعتذر
• الكوره عشره واحد
• القون العاشر ما كلمونا بيهو
• عمك احمد هرمنا هو الكلمنا
• ولما مرق من الكوره خلاها تسعه
• القون العاشر ماحضرو
• وهذا للمعلوميه
• في كم هجمه كده ناس الهلال كانو بتزحلقوا في الواطه دي
• اسلام قالت لي عرفنا طريق شندي فيهو مزلقانات
• ميدان شندي برضو فيهو مزلقانات ؟
• اتزلقي
• ما تنسوا
• كورس الرياضيات المجاني
• قررررررب
• حداشل
• خلوهوا يحسب
• حلاتووووووو
• كان قال اناشل
• شوفوا الكرت الفضل
• لو ما آس اتو
• اجدعوهوا واجروا
• اناشل دي قريبه للسيك
• بشير عبد المجيد قال لي لما ناس شندي جابوا القون الجماعه بكوا
• قاموا الجعليين قالوا للحكم حرم ماتعدوا
• نحنا ما الناس الببكوا الضيف
• لكن قرار الحكم نهائي
سلك كهربا
ننساك كيف والفرق سته بس
والي لقاء
سلك
babikir maki [b_silik@hotmail.com]
