كلنا خلف الكيان .. بقلم: بابكر سلك

بسم الله الرحمن الرحيم
في السلك
b_silik@hotmail.com
*بالامس اثبت الشفوت انهم شفوت
*بمبادره من ابراهيم ملاح 
*وتحت ضيافة الشفت امير سيد احمد الخليفه
*اجتمعت امة المريخ
*بكل مسمياتها
*وتعاهدت علي تجاوز عزام
*بالاتحاد 
*بصهر جميع المسميات تحت راية
*مريخاب خلف الكيان
*وهكذا هو المريخ
*اسره واحده
*تتداعي في كل الاوقات
*من اجل معشوق واحد هو المريخ
*وكلنا خلف الكيان
*المهم
*اكتب والدقيقه تلتين من مباراة الهلال والنسور قد شارفت
*حرام والله فريق زي ده يكون وصيفنا
*ده فريق بينا وبينو سنوات ضوئيه 
*والتحكيم كعادته
*اخطأ في صرف ضربة جزائ اوضح من الشمس لصالح النسور
*والواعون من جماهير الهلال
*اطلقوا الصافرات منذ الدقيقه العاشره
*القصه ما باتريك
*القصه قصة فريق زي السحابه
*يمشي اي ولاية ينقط
*الهلال اصبح ديمه سمحة القياد سكوب
*وسكوب دي ياها البتجيب السكليب
*اتمني فيما تبقي من وقت
*ان يفتح التحكيم عينو
*ويعطي كل زي حق حقه
*فصرف ضربة الجزاء لصالح النسور
*قاصمة ظهر لفريق مجاهد ومتطلع
*المهم
*حضرنا الكورة مذاعه في قناة النيلين
*اقول مذاعه
*لاننا لاول مره نشاهد كوره فوق
*وشريط اعلاني تحتها
*وشريط اسود عريض
*ثم الجماهير في ادني اسفل الشاشه
*لكن الحكم بالغ في الصهينه عن ضربة جزاء النسور
*ولا نقول الا مايرضي الله
*انا لله وانا اليه راجعون
*ايها الناس
*التحيه لشفوت كوستي وشفوت الفاشر
*واضرب اللون يا ولد
*المهم
*علي الشفوت عمل كبير
*يوم عزام هم سلاح العبور
*نتداعي لا لنتفرج داخل الاستاد
*ولكن لنطلق الزئير
*يحول الملعب لمرجل
*يحرق اقدام عزام
*ومبادرة مريخاب خلف الكيان
*تستطيع ان تقودنا الي بر التأهل
*فقط نعمل
*والباقي علي الله
*المهم
*حاج كاريكا ده حيرنا
*قلنا لي بكري وين اقوانك
*قال القصه احترام للعمر والسن
*لما كاريكا الكبير يجيب بعدين اجيب انا
*فعلا يابكور
*البر هو احترام زي شيبه مسلم
*بالشايفو انا ده
*النسور لو لعب شهر ما بجيب قون
*ماعشان الهلال قوي
*ولكن لان صافرة الحكم دائما تنطلق عندما يهاجم النسور
*طبعا يخطئ ولا يظلم
*ايها الناس
*القط الكاميروني مالو ؟؟
*قالوا مصاب اصابة شديده
*مصاب بدون كورة ؟؟؟
*القط ده بحوم في المطاعم بالليل ولا ايه ؟؟
*اصلو الكديس البحوم بالليل بنضرب
*نقرين والحال ياهو نفس الحال
*المهم
*لن ننسي يوم عزام
*ليسمع العالم من حولنا صوتنا
*لتؤمن الشفتنه بالشفتنه تبعنا
*وجاري الشحن يا روشا
*والسبت حانوتسب للصباح
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*مافي فكرة تخفيض لينا ؟؟
*لو مافي خفضونا يا والينا
*يمكن كترنا عليكم وكترت همومنا
سلك كهربا
ننساك كيف واي رسم عليهو رسم ودمغتين ….لكن لمتين !!!
والي لقاء
سلك