سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• التسجيلات التكميليه شغاله
• وكل زول بتمني اشياء
• وكل زول بسعي لاشياء
• لكن جميع الاشياء يظنها الجميع هي الافضل
• اغلب الناس كلامهم ضرورة اعارة وارقو
• وفي ناس يحذرون من ذلك
• وفي ناس بفتكروا التخلص عن وارقو جريمه في حق المريخ
• ياناس
• نتحدث بعقل
• بعيدا عن اي ردود افعال
• هل يملك وارقو المهاره اللازمه !
• بالطبع نعم
• والدليل ان الذين ينادون باعارته يستندون علي ان وارقو لم يهزم لنا الترجي
• ولم يهزم لنا كانو بلايزر
• ولم يهزم لنا زيسكو
• يعني كانوا يثقون في ان وارقو يستطيع ان يهزمهم لنا
• وارقو سيهزمهم بالفكي ؟
• اكيد بالمهاره
• يبقي طالما وارقو يملك المهاره مافي داعي للاعاره
• يجب ان يبقي وارقو ويذهب من هم دونه موهبه وغيره
• وانا بقول انشاء الله الاعاره ماتنجح
• يعني بالواضح
• ياوارقو يا اخوي لاتفوت لاتموت
• اها
• قالوا اكرم مشي مصر للحصوه
• جبل طوريه كمل وحصوة ام ضبيبينه دي ماكملت
• التسجيلات شغاله
• والجماعه فرحانين
• قالوا سجلوا ونحن ما سجلنا
• ياناس
• في تسجيلات ماستر
• وفي تسجيل من ماستر
• وفي تسجيل حفلات سااااااااااااي
• اورغن
• واها
• رو رو رو رو 000
• تيت تربت ترت
• ورقصة القرد
• مستويات
• اعمل حسابك من تسجيلات حفلات المدينه الحزينه فارغة المحتوي والخزينه
• شرائطهم كعبه وبتتشربك في المسجل
• تاني الاتسمع راديو سااااااااااااااي
• اصبروا وحاتشوفوا التسجيلات الماستر المستورده
• المنطق يبعد كلتشي المصاب الي حين الشفاء
• ويبعد طمبل المصاب الي حين الشفاء
• ويبعد من عجزوا عن العطاء
• لكن وارقو لأ
• مسؤلين من الخير
• ايام الاضراب المستوصفات الخاصه والعيادات كانت مضربه !
• والله ماعارف
• قالوا العجب وموسي وغيرهم من اللاعبين عندهم رأي سالب في كاربوني
• من حقهم
• لكن الحق ده يا عجب وموسي كان مكفول لكما ايضا عندما تم استبعاد كروجر الذي تمدحانه الآن
• اين كانت تصريحاتكم وقتها ؟
• الدافي مهم
• عشان ما نقلبوا ثقافي
• ادريسو مهاجم مهول
• وعدم نجاحه في الامارات لايعني انه غير جدير بالتسجيل
• ياناس الاتحاد افتونا
• الكشف بتاع الفريق بكون فيهو تمانيه وعشرين ولا ميه تمانيه وعشرين ؟
• طيب يوسف مسجل ولا مامسجل
• حيرتونا
• ساكتين ساااااااي
• مكضمين
• اسمكم ورد في نيالا ولا في سواكن !
• طالما تم استثناء المدينه
• ايه كان حايحصل لو كانوا ناس المدينه محتاجين لحارس اجنبي !
• احلها انا
• الجماعه يشوفوا ناس المدينه جايبين حارس من وين اول
• بعدها يسجلوهوا بالموبايل
• بعدها يصرحوا
• طبعا اول بعرفوا بلد الحارس
• قول اثيوبي مثلا
• طوالي يقولوا قانون الحراس الاجانب لا ينطبق علي الحراس الجايين من اثيوبيا
• فهي جارتنا
• وبت حارتنا
• وبنريدها
• وسمحه 000سمحه
• وللاثيوبيين علاقه قديمه معنا
• ومصاهره
• ويكفي ان المك نمر عامل متمه عندهم
• وبمسكوا في المك نمر دي شدييييييييييييييييد
• ونلقي الحارس الاثيوبي ينطط علي كيفو في اتحادنا
• اتحاد المس كول ده
• الرائع احمد محمد احمد كتب الاتي
• منذ ان انضم وارقو الي الكشوفات في العام الماضي لم ننتصر علي فريق كبير
• انتهي كلام احمد
• يا ابو حميد
• في العام الماضي كان في عجب وقلق وسفاري وباشا والسعودي والتلاته حراس
• وبرضو زي ماقلت ما غلبنا فريق كبير
• يبقي نعيرهم كلهم يا ابو حميد ؟
• وارقو بلعب براهو ؟
• منذ توقيع وارقو في المريخ راجع اهداف المريخ المحليه والدوليه
• شوف وارقو كان السبب في كم قون
• اذا لقيت ان وارقو لم يصنع علي اقل تقدير تمانين في الميه من الاهداف
• يبقي يستحق الاعاره
• عيرووووووووهو
• خلوها تعير
• لكن انا بقول
• انشاء الله يا وارقو يا ود حاجه كولن كولن لاتموت لاتفوت
• سينتصر لنا وارقو
• وستغني معنا يا احمد
• حاجه كولن كولن
• باشاكا
• بذكرك
• تسجيلات استريو المدينه شهر اطناشر كلها بتلقوها بره
• غير تتشربك في ( الهيد ) مابتعمل شئ
• غايتو ( الهد ) يبل راسو
• بعدين ما يجينا بتنظير جديد
• العمل العام
• ويجب الا يتم القبض عليه
• والمديون هو النادي
• عم محجوب
• ياراجل يا رائع
• كنا دايرين ليك البرادو
• لكن تفوت من قسمتك وين !
• المدارس فتحت
• وقالوا ( انا ماسمعت ) الوزير قال في المدارس الحكوميه مافي زول يدفع مليم
• اسلام قالت لي بدفعوهم
• قلت ليها قالوا الوزير قال
• قالت لي بدفعوهم قلت ليك انا
• قلت ليها كيف يعني ؟
• قالت لي ناس المدرسه يقولوا للطالب ادفع
• الطالب يقول الوزير قال
• ناس المدرسه يقولوا ليهو امشي للوزير يدخلك مدرسته المجانيه دي
• قلت ليها انا لو محل الطالب بمشي للوزير
• قالت لي تلقاهو وين
• سبعين موتر قدام وسبعين موتر ورا
• الا تنزل ليهو مع المطره
• قال لي الوالي قال داير يستقيل بعد التكميليه طوالي
• قلت ليهو بعد ما لبنت داير يخليها للدقير !
سلك كهربا
ادريسو قريبه لايداهو 000 عشان كده بنتذكرك
والي لقاء
سلك
babikir maki [b_silik@hotmail.com]
