ابشر يا بلد مدنية جات مبروك
بعد النم كتر والناس تعيد و تلوك
مجلسنا الوزاري ادينا لي حمدوك
الزول علمو راسخ والحكمةود تكتوك
شوف شغال يمين وشمال تقول ماكوك
ربنايحفظو لينا لي شعبنا المبروك
وافرح يا بلد مجلسنا صار مدني
وداك كرسي الصناعة ادينا لي مدني
من يوم ما بتدت شفناهو في الدجن
يوم الشعب جاد بالنفس والبدن
وكنداكاتنا ديك في الدنيا نالو شهادة
فخرا للوطن للثورة كانو قيادة
هاك الليلة ستة وانشاللة جاية زيادة
اربعة في الوزارة والباقي عضو سيادة
مجلس انتقالي راجياك مهمه كبيرة
شفنا عزيمة عالية وكمان كفاءة وفيرة
انشاًاللة السلام والعز يسود الديرة
بعد تلاتين سنة وسط الضياع والحيرة
eabter@msn.com
