سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• ربنا سبحانه وتعالي حدد مستحقي الزكاه
• وهي فرض علي من تتوافر فيه شروطها
• وبما ان الوالي من الذين تجب عليهم الزكاه عليه اخراجها
• ومن مصارفها المساكين
• والمسكين في الشرع معروف تعريفه ومفهوم
• وبما انه يوجد مساكين وساكنين قريب لينا يبقي يستحقوا الزكاه
• عشلن كده ياوالي ضربها كم وجمعها واحسبها وسلمها لمن يستحقها
• وتبقي قمت بامر شرعي وكافحة مرض ام سادومبا
• المهم
• زكاة الوالي كفيله بحل اعتي المشاكل
• وبكره الناس تهدأ وتسحب الاستقالات وام سادومبا تطيب والمعز يرجع رشيق ينطط زي حمل الخريف
• بمناسبة المعز انتوا المعز جدد !
• حافظ عمل العمليه بنجاح
• بمناسبة حافظ
• سعر المعز كان كم قبل اصابة حافظ ؟
• واحد قال لي بتجيبوا الفرق ديل من وين ؟
• قلت ليهو فرق شنو ؟
• قال لي ناس الغزاله ديل
• قلت ليهو ديل من شاد
• عندهم دوله ورئيس وامجمينا وهبري و دبي
• ناس تمبو ناقص ديك بلدهم وين وعاصمتهم شنو ورئيسهم منو ؟
• جزيره ؟
• يعني رئيسهم بنطون !
• سكت
• قلت ليهو سمعت بي فريق اسمو عواسه ؟
• قال لي ده فريق ولا حلو مر
• قلت ليهو حلو مر ولا كفاح , عواسه ده لعبتوا معاهو انتوا يا الحلوين
• غزاله نمله فيل المهم مابنمشي الحتانه اول
• اكتب قبل لقاء الزعيم بالرومان
• ولا يهمني من يلعب ومن نفقده
• الزعيم تمام
• ماعندنا صف اول وصف تاني وكلام بتاع اعذار
• صف واحد لايشق له غبار
• صفوه قال لي موسي الزومه بتقدم كتير علي حساب الواجب الدفاعي
• قلت ليهو وهو موسي بمشي قدام عشان يعمل شنو ؟
• موسي ياناس لاعب صغير السن قوي البنيه
• وتطوره مؤلية الجهاز الفني
• فلو اخفق موسي يجب ان نحاسب المدرب
• لكن بتتذكروا موسي ايام كروجر المجني عليه ؟
• نكررها
• مرض ام سادومبا خطير
• علاجه معروف
• متواجد في صيدليه اسمها صيدلية العديل
• بالتلفون والدواء يصل والمرض يفوت
• ماتخجلوا
• اتصلوا
• آخرو 7574
• انشاء الله مسكلوا من اتصالات لو مفلسين
• كامبوس رجع ولا لســـــــــــــــــــع
• لسع دي ممكن تقراها بكسر اللام وبفتح اللام
• واذا قريتها بتسكين اللام يجب عليك حسب القواعد ان تسبق الكلمه بحرف فاء
• تبقي فلسع !
• معقوله !
• يعني 7574 يرسل لكامبوس في مصر ولا شنو ؟
• شنو
• في كورة الحبشه التانيه واحد قاعد جواري عاين لي كاربوني وقال لي الزول الزي وليد جنبلاط ده ياودانا النهائي ياودانا الحتانه
• الرائع ابو بكر عابدين قال لي تمشي تمثلنا مع المريخ في تشاد
• قلت ليهو تشاد ! ليه تشاد ! اديس ابابا كنتوا لسه ما بتعرفوني
• احمد محمد احمد يمشي اديس وانا تشاد
• اجلوني لمعسكر ليفربول
• قال تشاد قال
سلك كهربا
هاك الزكاه دي
والي لقاء
سلك
babikir maki [b_silik@hotmail.com]
