معانا ولا مع الخيانه !

أخبار أخرى

الله اكبر ولله الحمد .. بقلم: بابكر سلك

22 سبتمبر, 2015

اليوم نترحم علي المليون شهيد .. بقلم: بابكر سلك

22 أغسطس, 2015

خالد خالد فينا .. بقلم: بابكر سلك

21 أغسطس, 2015

بسم الله الرحمن الرحيم

 

في السلك

 

 

 

•       بالفي بالمافي الهلال في دور الاربعه

•       يعني ممثل الوطن الذي تبقي في المنافسه

•       اليوم نداء حاجات كتيره يدعونا لنصرة السودان

•       لا نعامل الاخوه الاهله بما بدر عن بني جلدتهم تجاهنا في مناسبات كتيره

•       سنعامل الناس باصلنا  لاباصل الذين حملوا تابوتا وتوجهوا به لمقابر حمد النيل يوم خسرنا من الصفاقسي

•       لا نفعل كما فعل الذين في قلوبهم مرض يوم خسرنا من زيسكو

•       لانحمل اعلامنا ونطوف الشوارع فرحين كما فعل الذين طافوا يوم خسارتنا لسيكافا

•       نعامل من تبقي من الاهله بأصلنا المتأصل الاصيل ونشجع الوطن

•       المهم ان ينتصر الوطن

•       تضرب في ظهر مدافع يعلن الحكم عن ضربة جزاء نفرح للوطن

•       تخرج ضربة مرمي يحتسبها الحكم ركنيه نتغابي العرفه ونعمل ما شايفين ونردد كورنر صاااااح

•       المهم ان ينتصر الوطن

•       ضربة الجزاء تطير الحكم يأمر باعادتها نهتف حكم نزيه

•       التحكيم ناااااجح

•       المهم ان ينتصر اللوطن

•       والاهم ان نعامل الناس باصلنا

•       ان لا نفعل مثل الذين فرحوا ونحروا الذبائح يوم خسارتنا من البيره الكيني لنهائي سيكافا

•       نتمني ان ينال الهلال البطوله ليشرف الوطن كما شرفه الزعيم قبل واحد وعشرين سنه

•       نعم واحد وعشرين سنه كامله عدا نقدا

•       لا نحقد ولا نتمني خسارة الهلال لأن نيل الهلال للبطوله ليس بالحدث الذي ( يخلعنا ) ةنحن الذين حققنا بطولة الكاف زماااااااااان

•       سيكون حدثا للاهله

•       لانها ستكون المره الاولي في حياتهم

•       وسنعترف بالبطوله ولن نبخسها كما فعل بعضهم في سيكافا الاولي والتانيه ومانديلا والشارقه ودبي

•       لاننا نعاملهم باصلهم ولا نؤاخذهم علي مافعل السفهاء منهم تجاهنا في ايام كثر

•       في مبارياتنا كنا نسألهم معانا ولا مع الخيانه ؟

•       كانوا يقولون والله لو لعبتوا ضد اسرائيل ما بنقيف معاكم

•       لكنهم قله لا نحسبهم علي الاهله

•       واحد ولدو امتحن الشاده مرتين وما نجح

•       في المره التالته ابوهو قال ليهو لو مانجحت المره دي المنطقه الصناعيه طوالي

•       والمنطقه الصناعيه تقع غرب استاد الهلال

•       مع المقصوره

•       نتمني لكم النجاح

•       حميدو ابن اخي 

•       عمره خمسه سنوات

•       كان ماشي معاي في الشارع

•       انا عندي سته جنيه

•       لا املك غيرهم في الدنيا

•       قال لي اشتري لي عصير

•       اشتريت ليهو موبايل بجنيه وفضل خمسه

•       مشينا لقدام قال داير تسالي وترمس

•       اشتريت ليهو بجنيه فضل اربعه

•       اتقدمنا شويه قال لي داير بيرقر

•       اشتريت ليهو باتنين جنيه ( عادي ما جامبو ) فضل اتنين

•       ونحنا جوار المكتبه قال داير كراس رسم

•       اشتريت ليهو باتنين جنيه وقعدت ساااي

•       ساااي زي  المريخ في البطوله الافريقيه السنه دي

•       اباطي والنجم

•       ولا مليم

•       جينا جوار محل ادوات رياضيه

•       حميدو قال لي عمو اشتري لي كوره

•       قلت ليهو ياولد اشتري ليك كوره انا صلاح ادريس ؟ ماعندي قروش

•       انت قايليني مليونير

•       ضحك وقال لي خلاص اشتري لي حكم اقصد صفاره

•       قلت ليهو السنه الجايه اشتري ليك مية وخمسين حكم وكاس

•       قال لي لييه السنه الجايه ؟

•       قلت ليهو الموسم الجديد الاجانب جايين 0000 استثمار اجنبي كبير

•       كان مشواركم طرشق تعالوا لينا في الحتانه

 

الناس الفرحانه 000 الله لاجابكم  لينا في الحتانه 0

 

والي لقاء

سلك