مواسير يعيش ما بتختشيش .. بقلم: بابكر سلك

بسم الله الرحمن الرحيم

في السلك

•    قالوا
•    انا مامشيت
•    عشان كده ما متأكد
•    لكن قالوا
•    قالوا التوانسه حضروا للتمرين بالزي الرياضي
•    ولم يتمرنوا
•    تمردوا
•    قالوا عندهم باقي استحقاق
•    ياناس
•    الكلام ده لو صاح يبقي الناس ديل ما بختشوا
•    استحقاق شنو ؟
•    انتوا ياتوانسه  القبضتوهوا اديتونا مقابله شنو ؟
•    انتوا يا توانسه الضبحتوهوا سلختوهوا !
•    اسلخوا الضبحتوهوا بعدين اضبحوا جديد
•    النفطي ده قول عمل كم حاجه
•    ضيع ليهو كذا ضربة جزاء
•    وجاب ليهو كم قون
•    وحاور ليهو كم زول كده
•    بن ضيف الله ده مالوا !
•    ود ضيف الله مابتخجل عليك الله !
•    من جيتنا انت في علاج
•    تمرق من علاج وتدخل في علاج
•    نحنا اتعاقدنا مع لاعب كوره ولا مع فار تجارب مختبرات يازول !
•    وكمان ماتخجل
•    قون واحد واكلك ليهو العجب
•    اي كوره ود ضيف الله ما دخل الفورمه
•    طيب داخل البنك لي شنو يا حبيب
•    بن ضيف الله خليهو
•    مرابط
•    ماشفنا ليك شئ غير حلاقة راسك القاطعها من راسك دي والشورت المدلدلوا لي ركبتك ده
•    قريشات شنو البتسأل منها !
•    الله يجازي فخري يعيش
•    جايب لينا مواسير لابتلعب وما تختشيش
•    ده من ناحيه
•    من ناحيه تانيه مجلس المريخ ليه يقصر في سداد استحقاقات لاعب ؟
•    ومن متين بقصر في ذلك ؟
•    الوالي موش قال ملتزم رغم الاستقاله بالسداد ؟
•    يبقي الحاصل شنو يا عبدالله
•    تتذكروا قصة انيس وبدر ؟
•    عبدالله 000 ياعبدالله
•    اشرح لينا وفهمنا حاجه
•    النفطي سافر للنقاهه
•    النفطي رجع من النقاهه
•    بن ضيف الله مشي العلاج
•    النفطي سافر تونس يخطب
•    بن ضيف الله رجع من العلاج
•    النفطي سافر دبي يجيب الشيله
•    مرابط قرب يجي
•    النفطي جاب الشيله ورجع
•    بن ضيف الله سافر العلاج
•    مرابط جا
•    النفطي سافر يودي الشيله
•    بن ضيف الله رجع من العلاج
•    النفطي اتأخر عشان خيلان العروس اصروا علي العقد
•    المريخ يطير من البطوله الافريقيه الاولي ويخرج
•    النفطي عقد ورجع ولم يدخل
•    بن ضيف الله سافر يعمل صور لرجلو
•    مرابط لسه جاكي حول الملعب
•    المريخ مشي معسكر خارجي
•    النفطي سافر شهر العسل
•    بن ضيف الله رجع من الصور ما لقي المريخ
•    النفطي يلحق بالمعسكر آخر يوم ويعود مع البعثه
•    مرابط لسه جاكي
•    البعثه تعود ومعها النفطي
•    بن ضيف الله رجلو وجعتوا تاني
•    النفطي يسافر لاحضار العروسه
•    بن ضيف الله يرجع للعلاج
•    مرابط لسه جاكي ومادخل الميدان
•    المريخ يخرج من المنافسه الافريقيه الاخيره
•    النفطي يدخل البلد بعروسته
•    مرابط لسه جاكي
•    المريخ يفقد صدارته للممتاز
•    بن ضيف الله يعود من رحلة العلاج
•    مرابط لسه جاكي
•    النفطي احتمال يسافر عزاء بتاع نسابته
•    فكونا منها سيره
•    يفترض ياناس عند التعاقد مع لاعب اجنبي ان تكون بالعقد شروط تحفظ حقوق النادي
•    ورجال اشداء يتمسكون بحقوق النادي
•    وتنفيذ الشروط بصوره صارمه
•    لان المحترف ماجانا عشان سواد عيوننا
•    جاء للمال
•    ونحنا ما سجلناهو عشان خاطر نسابتوا
•    نحنا سجلناهو عشان يضيف للفريق
•    وطالما المحترف ما بمهلنا دقيقه في قبض اموالو
•    يبقي نحنا ما بنمهلوا  نص  دقيقه لاجتماعياتو
•    عرس وبكاء وتمارض
•    وعشان ماندخل في ماسورة علاج زي بتاعت بن ضيف الله دي
•    يبقي الكشف الطبي الدقيق واجب
•    وان يتضمن العقد اقرارا من اللاعب بعدم معاناته من اصابه مزمنه شئ ضروري
•    عشان لما يدعي الاصابه
•    وتثبت الفحوصات انها اصابه مزمنه
•    يبقي حقنا بره
•    ونقدر نحافظ علي حقوق نادينا
•    توانسه ما بخجلوا
•    ما بختشوا
•    يظهر انهم فاقد  تربوي تونسي
•    استكشات ساااااااااي

سلك كهربا
                      ننساك كيف والمواسير قاطعه وبتطالب بي فاتورة المويه !

والي لقاء
سلك
babikir maki [b_silik@hotmail.com]