سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• قال لي نحن ناس الحركه
• قلت ليهو هيييييييييييييييييي يكا
• امشوا بعيييييييييييد
• وتاني بعيييييييييييد
• نحن مرخصين ياناس الحركه
• ورافعين القزاز
• ومكندشيييييييييييييين
• رخصه مدوره
• ورخصة مدلوره
• ورخصة قياده
• ورخصة رياده
• ورخصة سياده
• اضرب بوري
• واعد يوروري ( من يورو )
• نحمد الله
• قال لي مكندشين شنو ؟ نحن ناس الحركه الوطنيه
• قلت ليهو انتوا لسه في حركات الشفع دي ؟
• قال لي نحن حانغلبكم ونهدي النقاط لطارق احمد آدم
• قلت ليهو وتهدوها لي طارق ليييه ؟ اهدوها لي رئيسكم وتاج راسكم ايام الاستعمار والتعامل مع الخواجات
• المستر كلارك
• يا بتوع الحركه الوطنيه
• قال لي كلارك ده شنو ؟
• قلت ليهو واحد من ناس الحركه الوطنيه
• خواجه
• جاب ليكم الكشافه
• وجاب ليكم الكلام
• سكت
• قلت ليهو مما تقولوا الحركه الوطنيه طوالي بعرف الفيكم كملت
• المهم
• لازم الخميس تجوا
• وجيبوا معاكم قطرة ونضارات لحام
• كشافاتنا قووووووووووووويه
• ما بتقدروا عليها
• بجيكم الرمد
• وبجيكم ابو القبط
• وبتجيكم الطاويه حبالها
• قالوا الزول سافر نيالا
• ياربي مشي يجيب لاعبين للتكميليه ؟
• كان احسن الفاشر يازول
• طالما داير لاعبين
• عديييييييل سوق المواسير
• ولا عشان قفلوهوا !
• الرشيد رائع
• طوالي الفيهو ببدربو
• قال دافنين
• دافنين بالدا؟
• وحمار كمان ؟
• كان بندفن كان مشينا نيالا
• الله يسألك ياروشا
• منير امبده ده داير رتينزا !
• ياخي ده مدور بدون رتينزا
• معقوله بس
• هليفه نمشي ليهو الفكي ؟
• اسي لو الفكي قال هليفه ده نعمل ليهو شنو ؟
• نقول للفكي شنو ؟
• كتفوا ؟
• حايقول زولكم ده براهو مكتف ,
• ماشايف الكتافين يا روشا !
• لو مشينا الفكي ياروشا بقول جيبوا لي الاسامي في ورقه
• تخيل نكتب ليهو خليفه وامبده والدروشاب والصحافه والمورده ومهند كسلا وود البخيت
• حايقول شنو يا روشا ؟
• حايقول انا فكي ولا كمسنجي ؟
• بعدين موقف جاكسون كلو مع بصات الوالي دي ما بياكل عيش
• ذكرتني ياروشا ايام ناس خليل جوا
• قالوا جوار استادكم كانوا راكبين التاتشر وهاربين
• واحد منهم عاين لاستادكم مساااااااااافه
• وقال للتانيين جماعتنا اظنهم جوا بي جاي
• قالوا ليهو ( ارفت ) كيف ؟
• قال ليهم المحل ده مضروب
• جبتوا لينا الكلام مع المتمردين كمان
• قال حركه وطنيه قال
• عمر المختار بتاع ليبيا مامعاكم ؟
• غايتو فرق سعر سااااااااي مفروض نديكم اربعه
• المنطق بقول كده
• لكن عندنا طلب
• المسؤل كامبوس ولا طارق !
• حددوا المسؤليه من اسي
• وليد جمبلاط مطمئن شديد
• واب شنب ده ماهضراب
• عارف بعمل في شنو
• اليومين دي قفل موضوع الهلال وشغال في كورة الكونفدراليه
• زي الطالب الممتحن
• المواد الساهله بقفلها بدري
• وفي ايامها بذاكر المواد القويه
• ايها الصفوه
• الاستاد استادكم
• تملوا الطابقين
• ولو ضاعفوا الفئات ياكم الدخلتوها براااااااااااااااااااااكم
• ناس منين يا حسره ديل قناة قون
• جري
• والغريبه النور لو قطع
• تبقي زي مازيمبي
• تسألوا في الشوارع عن النتيجه
• يقولوا ليكم مازيمبي صفر
• طبعا شجاعه للسؤال ( الغالب منو) ماعندكم
• تسكتوا
• الزول السألتوهوا يتبرع بالاجابات
• القونين الاول والتالت جابهم وارقو
• الباقي ما تسمعوهوا
• اجروا 000 اجروا
• تجروا بس
سلك كهربا
فاقدنك وما ناسنك
والي لقاء
سلك
babikir maki [b_silik@hotmail.com].
