حكى لنا الزول الكلس ابو الفلس نكتة قوية جداً عن مستجد النعمة فقال:
كان في دنقلاوى مفلس فلس تاريخي وكان عندو شوية جداد بترزق وبتعايش منو بي صعوبة، بعدين كانت الصبرة (الثعلب) مجنناهو عديل كده ، كل يوم تفتح القفص وتكتل ليها جدادة وتاكلا، صاحبك كره الحياة في السودان وكره الجداد وقفص الجداد وكره الصبرة، وقام سافر السعودية ، بعد خمسة سنوات من الاغتراب الراجل الدنقلاوي رجع للسودان ووصل البلد مريش وراكب بوكس دبل قبينة ، قام عمل عزومة تاريخية لاصحابو القدام المفلسين وضبح ليهم خروف شحمو ينقط، بعدما انتهت قصة الاكل والتحلية ، اخد الجميع عشرة ونسة كاربة، واحد من اصحابو القدام حبا يطاعنو ويذكرو بايام الفلس القديم، قام قال لى واحد من الناس القاعدين: يا فلان والله الصبرة جننتنا عديل كده واكلت جدادنا كلو! الدنقلاوي المغترب نطا وقاليهو: الصبرة دا كمان شنو ؟!! رد عليه المطاعن بخبث شديد: خلي بالك الصبرة دا ، الله خلقو بعد ما انتا سافرت السعودية!
فيصل الدابي/المحامي
menfaszo1@gmail.com
