سودانايل أول صحيفة سودانية رقمية تصدر من الخرطوم
بسم الله الرحمن الرحيم
في السلك
• الاخوه الاهله حلوين شديد
• بضحكوا علي روحهم وقايلين روحهم بضحكوا علي الناس
• كل الاقلام الهلاليه استنكرت تسجيل المريخ لهنو
• ليييييييييه !
• قالوا عشان هنو لما كان بلعب في المورده وجاب قون في المريخ طلع في (تربيزة ) الحكم الرابع
• وهم بشوفوا انو ده تصرف فيه استفزاز للمريخ
• عشان كده المريخ مفروض ما يسجل هنو
• وللاسف تبعهم في ذلك بعض المريخاب
• واخيرا ترك الاخوه الاهله النغمه
• والآن النغمه شغاله في موبايلات بعض الصفوه
• ياناس
• الهلال سجل ادوارد وباكمبا وعلاء يوسف
• وهم اكثر ثلاثه لاعبين استفزوا الهلال ايام لعبهم في المريخ
• وكان جمهور الهلال بكرهم عديييييييييييييل
• وماننسي كرتونه خالدونا
• رغم ان خالد لم يستفز في حياته انسان
• ولا ننسي مطاردة الاهله لابراهومه في كل المواسم
• وطبعا معروف عن الديسكو انه كان بحرق حشاهم حركات سااااااي قبل الكوره
• كان طلعت جدعه
• يلعق اصابعه
• وهي حركه تغيظ الاهله حد الاغاظه
• طيب
• وكت انتوا يا هلالاب بتسجلوا لاعبين وبتسعوا ورا ء لاعبين بعملوا ده كلو لماذا تستنكروا علي هنو حقه في ان يفرح بالطريقه التي يراها مناسبه !
• المعز محجوب
• تتذكروا آخر كوره لعبها مع المورده ضدكم ؟
• شفتوهوا كان بعمل شنو فيكم ؟
• تقول لي هنو
• لديكم لاعبين كانوا لدينا
• ناس قودوين قربوا يدخلوا الملعب شايلين مناديل ورق
• عشان يقشوا بيها انفلاتات لاعبينا ( اليوم هم لاعبيكم ) من وجوههم
• تقول لي هنو
• فكونا
• انا لو محل هنو
• بعد يجيب فيكم قون وهو معانا اطلع في غرفة الاذاعه الداخليه
• نشوف بتسكوهوا للتسجيل ولا لأ
• قسم خالد
• يارائع
• قلت لي فطنة الارباب
• فطنه بالفا !
• زول استثنوهوا الفطنه في كده شنو ؟
• ناس كسروا عنق القانون
• الفطنه في كده شنو ؟
• لكن تعال شوف
• شفت الفطنه الحيرت شداد
• فلسطيني
• بالفا
• بالقانون
• بالعرف
• بالفهلوه
• بالدقداق
• شداد يقف مكتوف الايدي
• دي الفطنه
• عرفت يا قسيم الريد
• السنه الجايه يا قسم جيبوا حبش
• قولوا ديل فلاشا آمنوا
• واعتبروهم فلسطينيين
• وسجلوهم
• قلنا ليكم فرحانين سااااي
• تسجيلات حفلات دكاكينيه
• التسجيلات ياماستر
• يا من ماستر
• يا بلاش
• الواحد البنسجلوا نحن زي اليورو
• بساوي آلاف من ناسكم الزي الشلن اليوغندي ديل
• قال هنو استفزانا
• تتذكروا عز الدين الدحيش
• يمشي ويجيكم زي ماداير
• قال هنو قال
• اقول ليهو مرابط
• يقول لي درة شندي
• اقول ليهو فلسطين
• يقول لي المدينه
• المهم
• زي قصة هنو
• الاهله شغلهم الشاغل ابعاد او استبعاد وارقو
• ونجحوا في تفعيل بعض الصفوه في الحمله ضد وارقو
• لكن
• ايها الناس
• وارقو لو امتلك الهلال لاعب لديه نصف موهبته لدق له الاهله واعلام الفوفازيلا الطار
• ياخ ديل بمدحوا اسامه التعاون وخليفه
• ينتقدوا وارقو كيف بس !
• ياخ ديل بشجعوا امبده
• بل بشتلوا حكاية الانتر عايز منير
• ينتقدوا وارقو كيف بس !
• ناس شجعوا تسخاني يانااااااااااس
• يقولوا وارقو مابعرف !
• ناس وارقو بطحهم واحد بعد التاني
• وقالوا دي المطره
• يقولوا وارقو مابعرف
• ايها الصفوه
• لاتستجيبوا لحملات ابادة موهبة وارقو
• من يقود الحمله صبر علي كابوندي وامولادي
• وبشجعوا التاج
• ياناس
• فشلوا المؤامره
• واستمتعوا بوارقو من الطابق التاني
• المهم
• التكميليه مستمره
• ولا اظن ان لجنتنا ستقصر في شئ
• ولكن
• الحروب علي الجدد ستبدأ بنية التحطيم
• فوتوا الفرصه
• درة شندي قال
• ان كان لدي الجميع الحق في محاسبة مجلس الاداره ولجنة التسجيلات اذا اخفقوا
• فعلي الجميع واجب الاشاده والثناء والتصفيق اذا نجحت اللجنه ومجلس الاداره
• لاتكيلوا بمكيالين
• اذا اساء الناس انتقدتوهم
• واذا اصابوا تعملوا نايمين
• ان فعلتم
• يكن زما عليكم
• وتبقوا شغالين لشئ في نفس يعقوب
• هووووووووووووووووي
• يايعقوب
• اقعد ساااااااااااااااااااااااي
سلك كهربا
ننسي كيف يافرده !
والي لقاء
سلك
babikir maki [b_silik@hotmail.com]
