بسم الله الرحمن الرحيم
في السلك
• الكلام عن الوطن لذيذ
• ما بكمل اصلوا
• بالذات لو كان الوطن البتتكلم عنو زي وطننا ده
• ولذا لسه الفرحه بالتعادل مع غانا في غانا عاجبانا
• ولما نتكلم عن الوطن لابد وان يكون الرائع اكرم زكي حاضرا براعته ياوطن
• يقول فيها اكرم
• ياوطن في قلبي دقات اسمك ايقاعها بيزيد
• ياوطن في قلوبنا انت ونحنا بي حبك نجود
• ياوطن ساعاتنا دقت واعلنت انك في عيد
• ياوطن في عيونا رسمك لوحة النيل والخلود
• انت00 انت 00 وانت لينا وليك من الافضال علينا
• وياوطن يكفينا انك في بطاقاتنا الاسم
• نحنا نفخر بيك سمعه وانت شمعه تضوي لينا
• ويا شرف اسمك يدقدق في جوازاتنا الختمي
• ياشرف اسمك يدقدق في جوازاتنا الختم
• يا شرف اسمك يدقدق في جوازاتنا الختم
• ياناس
• في حب للوطن اكبر من كده ؟
• شفتوا الوطن ده رائع كيف ؟
• مهما جريتونا
• مابنعود للقبليه
• ولا للعصبيه
• ولا للرجعيه
• عشان ما تتأثر مسيرة الفريق القومي
• فريق الوطن
• قال قبليه قال
• عليك الله لو مشيت هولندا مثلا
• ولاقاك هولندي
• برتقالي عدييييييييييييل
• بموت في هولندا
• وقال ليك بالهولندي جنسك شنو ؟
• وانت رديت عليهو بالهولندي الماخمج
• بتقول ليهو جعلي (مثلا )
• ولا اخير تقول ليهو سودااااااااااااااااااااااااني !
• تملي سدرك وترفع راسك وتترفع عن العصبيه
• وتقول بكل فخر
• انا سووووووووووووووووووداااااااااااااااااااااااني
• اها
• اعجبتني حقيقة المبادره الرائعه للسوبر العملاقه للم الشمل
• في السلك ياسوبر ياكبيره بي ناسك من ساسك لي راسك
• وكبير جدا مجتمع الصفوه الذي ساعد وسيساعد السوبر علي انجاز المهمه بسهوله
• لانه مجتمع محترم
• ياناس
• الارباب قال انه لو كان رئيسا للاتحاد العام لما خرج المريخ من الكونفدراليه
• العباره دي مفروض ماتمر ساااااااي
• فهمتوها !
• المعني واضح
• ويطل بين الحروف ( يتبسم )
• بعد نجاح مبادرة السوبر التي يقودها الرائع حافظ خوجلي
• يجب بعدها ان يجتمع الشمل
• ويحللوا العباره
• ويعملوا علي تنفيذ ما يصلوا اليه بكل سرعه وقوه
• الزمن ماااااااشي
• ببساطه يمكن الرد علي انصار القبليه
• الذين ينسبون نتيجة الفريق القومي للاعبي الهلال
• ممكن نقول ليكم
• لاعبي الهلال ديل موش ياهم زاتهم الاتغلبوا من الفريق المالي في مالي ؟ يبقي كيف يقهروا المنتخب الغاني ؟
• عشان كده يبقي في سبب تاني للنصر السوداني
• وهو ان 00000
• شفتوا
• دايرين يجرونا للجاهليه
• ما بنرجع
• والنتيجه تنسب للفريق القومي
• والقبليه ما حبابه
• يعني لو اسي الفريق القومي (لاسمح الله ) كان اتغلب من غانا خمسه
• كان قلتوا الهلال يكرر نكسه مازيمبي ؟
• طيب ليه !
• نحن نتمني حتي علي مستوي الانديه
• ان تحقق الانديه السودانيه ( موش سودانيه )
• بطولات الكاف
• عشان مايغرد المريخ (كسوداني ) وحيدا في لوح الشرف الافريقي لحاملي بطولات الكاف
• تمنياتنا لكل الانديه
• بري , ابو حشيش , المورده , اهلي ام صفقا عراض , هلال امدرمان
• المهم في الآخر يقولوا في فريق سوداني شال الكاس
• شفتوا حب الوطن ده بودي لي وين ؟
• المهم
• اليوم مباراتنا ضد الساحلي
• ماشين بدري
• قاشرين جدا
• آخر كوره لينا ضد الاهلي الخرطومي
• طلعنا من الاستاد بناطلينا ( شلاتيت )
• زي فساتين (عشره بلدي )
• هو نحنا كنا في استاد ؟
• الليله تعالوا قاشرين
• النسي النضاره ماضروري
• بشوف
• الكشاافات زينه في زينه
• لامفرقه زي سنون السكري
• لا (بتبقبق ) زي الرتينه
• والكوره في الجناح الشمال ما بنتابعها من داخل الاستاد في الراديو زي كورتنا ضد الاهلي
• تعالوا بدري
• لنستمتع بكوره علي اصوله
• نداء
• لكل المسميات داخل الاسره المريخيه
• مريخابي اسمي مسمي واعمق انتماء
• دعونا من المسميات البتجيب الفرقه والشتات
• وهونوا علي الاستاذ حافظ المهمه يرحمكم الله
سلك كهربا
ننساك وين يا حبه !
والي لقاء
سلك
babikir maki [b_silik@hotmail.com]
