تَقْسِطْ تَقْسِطْ تَقْسِطْ بس ! .. بقلم: حامد عبدالرحمن يوسف

أخبار أخرى

يخلقون المعاناة ويحرمون المواطن من أبسط حقوقه كي يظهرون أبطال مخلصين

26 يوليو, 2025

تفكيك الأسطورة- قراءة أدبية تحليلية في كتاب الشخصية السودانية بين الواقع والأسطورة

18 يوليو, 2025

“تجليات السلطة المُستبدّة في السودان: قتل، فساد، وأمل متجدّد”

26 يونيو, 2025

بين تسقط بس وتقعد بس
الراس كبس
الغبش الغلابة ما لاقيه العدس
دايرين الستره كايسين العرس
الشعب غلبو تب ….عيان وانتكس
غالي الدواء ما في حق المِرس
دايرنو يصبر يجوع يقطع لحمه الخلص
الجوووع كافر بس انتو المغص
وحاشيتكم تعاني تخمه وافخم لبس
وِعَا المواطن الامر عليهومه إلتَبسْ
خيراتو تِتْنَهب وعليهو ضرائب المكس
تسقط تسقط تسقط بس
مافي حل الا تَقْسِطْ تَقْسِطْ بس!!
الشعب داير يطرد النجس للفساد يكنس كنس
ما بحموك الحرس
سيب الجِرس
خليك راجلاً كلس
يا بشه دَقَ الجرس….. حاتبقا من اللمس
احترم نفسك ما تنغمس ….راجييك الحبِسْ
اتنازل قبال ما تندعس وتترَفِسْ
العاقل بي غيرو اتعظ
انتا ما بتتعظ !
السوداني احسن جنس
بره البلد مالي مكانو
وجوه البلد خانو حكامو
بكره تفاؤل املاً سعيد زمانو
اكان ما الدنيا فرندقس
خيرات بلادنا تِتْلَحِسْ
يلا فارق دايرين نَفِكْ النَحِسْ

بقلم / حامد عبدالرحمن يوسف
توقيع ود المحس

hamedsudan@hotmail.com