– المرة ديه ناس جبال النوبة جادين بحق تقرير المصير
-قالوا انفصال بس (على منوال عرس بس) وماديرين حكم ذاتي
– ودا حقهم في العيش ضمن دولتهم الجديدة
– وفي الطريق ناس الانقسنا ودارفور وشرق السودان
– الباقي شنو؟
– الخرطوم والعرب الباقين
-نحن بالاصل ماعرب حن افارقه من اللون واللغة.
-بس داخلين ساكت كدا في العرب بالطول والعرض السودان مع العرب
– ماقالوا انتو مشتركين مع العرب في (وحدة الارض، والدين،والتاريخ المشترك،ووحدة المصير، وغيره)
-برضو ماعرب
-انا ضد انفصال جبال النوبة بالاساليب الانتهازية والعشوائية.
-ناس جنوب السودان (عبرة للجميع)
-تبقى دولة ثالثة مع كل من دولة شمال وجنوب السودان.
-بعدين دايرين نكرر المشهد للمرة الثالثة .
-ماخلاص موجوده دولة جنوب السودان الفاشلة ودولة شمال السودان الفاشلتين( مشهدين)
– يعني لازم تكون في دولة ثالثة فاشلة
-كفاية علينا كدا
-بعدين جبال النوبة كمنطقة موبؤه بالعرقيات والقبليات التي (لاحول ولا قوة لها) ذي دولة جنوب السودان.
– ودولة ليس لها ميناء يعني تعتمد ذي تشاد وجنوب السودان على الشمال في الصادر والوارد( دولة مغلقة)
-نعم في يورانيوم وارض بكر والقطن والثروة الحيوانية والامطار(ماشاء الله)وبترول لكن كدا ما كفاية
-الناس اللي بيطالبوا بحق تقرير المصير من ناس جبال النوبة كلهم بره السودان.
-ماخدين جنسيات تانية وقاعدين هناك مرتاحين
– والقاعدين هنا لو تم الانفصال بياخذوا خاذوق كبير ذي خاذوق دولة جنوب السودان الوليدة.
-وكفاية كدا والله يستر والقادم اصعب
– والانفصال نكثة
– الحمد لله
– (معليش) انا قلت اللي في خاطري بس
– انا ما مؤتمر وطني ولكن السودان وطن ويسع الجميع
– الصادق المهدي اخير بيقول في حق تقير المصير لناس جبال النوبة (افضل ليهم نضالهم لنيل حقوقهم من مطالبتهم بحق تقرير المصير)
-دا كلام ابونا الامام (مع فائق الاحترام)
– ودار راي انسان عرك السياسة وعركته
– وانتو يا ناس جبال النوبة الكرة في ملعبكم لكن ما تختوا العاطفة في قلوبكم كثير
– قدموا العقل على العاطفة
-وربنا معاكم
– والنصر لقضية شعبكم
writerahmed1963@hotmail.com
