* ماعارف الحكام حكايتهم شنو مع اولاد الجزيرة
* ناس الاهلي سيد الاتيام بقدرة قادر طلعوا مغلوبين خمسة
* وطبعا ناس الاهلي ديل اولاد الجزيرة
* وبعدهم كان الدور علي اولاد جزيرة رنينيون
* برضو من الحكام
* مدرب اولاد الجزيرة قال للمهاجم باري ديمبا
* الكلام ده كان في الشوط التاني
* الراجل باري ديمبا
* ديمبا ضرب الراجل ضربة اوضح من ضربة العراق
* ضربة عراق عديل كده.. اقصد ضربة جزاء
* الحكم صهين ورجل الخط نام على الخط
* لقطه لأولاد الجزيره يضحكون
* فعلا شر البليه ما يضحك
* الحكم كيني
* من الشقيقة كينيا
* وكينيا دولة جميلة وناسها حلوين
* اي شي فيها رخيص شديد بالعملة المحلية
* الشي الوحيد الغالي في كينيا الدولار
* ابو صلعة دا صعب شديد
* يعني انا لو مشيت كينيا بصلعتي دي يشغلوني جمال والي
* يعني مية دولار ممكن تجيب ليك شوالين عملة كينية من الفئات الكبيرة وقندراني عملة كينية من الفئات الصغيرة
* المهم الدولار في كينيا صعب وكينيا جميلة
* في لعبة عادية من واحد من اولاد الجزيرة الحكم الكيني صفر صفارة طويلة وجري علي ود الجزيرة
* الحكم الكيني دخل يده في جيبه وطلع الشيك
* اقصد طلع الكرت الاصفر
* وانذر اللاعب الجزيرابي
* حكم بشر
* والبشر عبدالقادر
* وقادر الله
* الكشافة خجلت وغمدت
* رفضت تفتح تشوف الحاصل
* شفنا الحمام
* والحمام الميت
* ورقصة الحمامة
* لكن اول مرة نشوف حمام محشي رز
* كورة زي المغلق كلها مواسير
* مدرب لخوية مدرب عالمي وبعرف شغله كويس
* برغم قصر الفتره التي قضاها في لخويه الا انه عرف حركات كل اللاعبين
* في الشوط التاني قام لملم كل القوارير حتي غير الزول
* مدرب بستفيد من تجارب الركاردويين
* والراجل كبير اقل رشة موية بتدخله في التهاب
* ودولار يتعالج بيه ما فضل
* في الجزيرة نزرع قطنا
* كورة الرد في الجزيرة
* وقالوا ناس الجزيرة شعارهم لن تسقط لوزة قطن واحدة
* تتذكروا القطن؟ ناس بابا اسماعيل
* الغريبة ناس الجزيرهة ساكتين
* لكن ساكتين فوق راي
* قالوا اي كورة في بلدهم ستة وخمسة
* ناس لخويا اهم حاجه يشيلوها معاهم للجزيرة مصحف كبير
* عشان يحلفوا فيه البعثة ما تقول الحقيقة
* يقولوا اخدنا اتنين صفر والحكم ظلمنا
* واصلوا الكورة لا مسجلة ولا متلفزة
* الخبر يجي زي خبر البكا
* الناس لا تعرف تفرش ولا تعرف تصل المقابر
* قال لي القذافي يوم كورتكم كان مافي
* قلت ليه طبعا لانو ليبيا مابتشيل زعيمين مع بعض
* قانون ضربات الجزاء اتغير
* اصبح (بول تو هاند) (هاند تو بول) ما فارق
* حدباي الرائع عنده صفحه اسمها من جكسا ولي اسه
* عجبني العنوان
* كتبت نشيد اسمو نشيد لي اسه
* بقول في مطلعه
* من جكسا ولي اسه
* يا لخويه لا جويه لا سيكافا ولا كاسا؟
* الباقي بكره بعد اللحن
* رنينيون الماسورة
* مدد
* تم تكوين رابطة مشجعي المريخ بقرية طيبه الشيخ عبد الباقي وسوف تسير الرابطه ثلاث حافلات للحصاحيصا دعما للزعيم.
* مدد يا الصالحين
* ومزيدا من التقدم للرابطة وشكرا اخي يوسف الجيلي المسئول الاعلامي للرابطة
سلك كهربا لو وقف زماننا في طريقنا
وضاقت المسالك علينا
نحن راح نواصل ونمشي
لو شقينا
اوكامبو الماسورة
وإلى لقاء
سودانايل أول صحيفة سودانية رقمية تصدر من الخرطوم
