سعيد عبدالله سعيد شاهين
waladasia@hotmail.com
كنــــدا -تورنتو
لأن قناة الجزيره كذاااابه وتتحرى الكذب بالصوره والصوت من موقع الحدث ، وتنقل ما يدور على أرض الواقع وكذابه و(متنيله) و(عميله) دى كله من تحت (لسان) الأطهار الأبرار ، فى قمة السلطه بالقاهره (لحين إخطار آخر ) !؟
ظهر السيد شفيق رئيس الوزراء الأخير المنتهيه صلاحيته قبل أداء القسم ! بأمر صاحب الحق فى الميدان .وبعد أن فعل فعلته الليليه الخسيسه وضرب شباب وأبناء وطنه فى خسة ونذاله (ينكسف) منها (الغازى) ، جاء وبالفم المليان يقول (أنا آسف ) لما حدث !؟ ولاعلم لنا من أين أتت هذه الشياطين ،( شفيق يا راجل) ! أشفق على دماغنا ياعم دى يعنى حتى إعتذارك حيتفهم إزاى إذا كميه كهذه من البلطجيه و(أيه) راكبه جمال ما تعرفش عنها حاجه ، يا اخى دى رئيس حاره بيعرف (دبة) النمل فى حارته هى عايره ولا عايره دا أنت رئيس دوله لها أقوى وأكبر إستخبارات فى المنطقه ، تترعب منها دلوعة (القوى العظمى) ما تعرفش الجمال دى كانت مستخبيه فين ؟ يكونش لافينها فى شوالات ، و(دلقوها) فجأة فى الميدان ؟ آل أعتذر ، شفيق يا راجل . تانى (الفرعون وقلة عقله) ما خلاص بأه؟؟
طيب ماشى ، الجمال دى شبيك لبيك طلعت كده هو ؟ من الذى سمح بفتح السجون للبلطجيه ؟ دى إذا ما إتلموش من (الجماعه) ؟ طيب خدنا حسب عقلنا يا سيدى ، عدم المؤاخذه هو لما الناس الفى الميدان أكرمتهم وطلعتهم من (نيلة) وبهدلة السجون ! تتوقع منهم إيه يا عم ؟ مفترض أول هام( ما) (يشفقوش) على شفيق . ليه ؟ لأنه ما شفقش عليهم!؟؟
مفترض جنازيرهم واسلحتهم توجه نحو جهات أخرى إكراما لمن عمل فيهم معروف و(أشفق) عليهم من حالة بهدلة وذلة السجن ؟ إلا فى حالة أن يكون من شفق عليهم شفيق بى ذات نفسه ؟ (شفيق ياراجل) ؟ آل أعتذر ولن يتكرر هذا مرة أخرى وحاروح أتفاهم مع العيال فى الميدان ؟ ولأن الجزيره (كداابه) سأل أحد الماعندهمش ذوق أو شفقه على (شفيق) بى وهو اللفيه مكفيه و + ؟ بسأله واحد إزاى تعتذر وتعد بعدم التكرار والآن وأنت تتحدث يتواصل العرض يا شفيق بى ؟ تانى (فرعون وقلة عقله) شفيق بى حتى لا تغرق أكثر ويغرقكم من أتى يحتمى بكم فى الزمن بدل بدل الضائع ، حتى لا يلعنكم الله والتاريخ أرجو وبإعتبار مهنتكم الأصليه (مجال) الطيراااااان ، تنصح البيى الكبير إنو يستعجل لأن مواعيد الإقلاع خلاص . أشفق على نفسك وأولادك وشعبك وبلدك يا (شفيق يا راجل ) وغادروا سريعا ، ونجى من الآخر حسب ما ورد على لسانك (إزاى يعنى عايزين الريس دلوقت يروح ما لازم فى وقت عشان يسلم الأمانه ، ولسوء حظك أنطقك لسانك وأعدت مشهد رحيل فاروق بى . والوداع الأخير له ؟ طيب ما العملوا مجلس قيادة الثوره فى 52 هو نفس الطلبوه ناس (شقلب الرقم) 25 فى الميدان ؟؟ هم طلبوا وقالو لفاروق موديل ال (70نات) حل عنا بأه ، وشكرا على خدماتكم يا بى ، وفكروه إن الإحاله للمعاش فى سن أقصاها 65 سنه دى لأكبر عالم فى الدوله . وكل شعب الميدان ممكن يدى الطياره زقه للمساعده فى الإقلاع لا ديل حتى ممكن يحدفوه فى السماء بدلا من وجع دماغ (التك أوف) يا كابتن شفيق ؟ يا ريتك متكلمتش من أصلوا يا( شفيق يا راجل) …
دائما يتحدث (المسؤولين الكباااار ) للطلاب فى مهرجاناتهم ومناسباتهم ( أنكم نصف الحاضر) وكل المستقبل يعنى لما تبقوا شباب ، طيب يا عمى ما هو (كلوا) (جت) خلاص عايزين حقهم ؟؟
سيدى الرئيس ، نعم أنت بطل من أبطال مصر وحجزت مقعدا مميزا فى العسكريه المصريه ، وكل من أجل مصر وشعبها ، فهل يشرفك أن تركل كل هذا الأرث بالتمسك بسلطه ، طلب منك أصحاب الحق أن ترد لهم أمانتهم ، أليس من شرف الجنديه أن ترفع لهم التمام ؟حتى يردوا لك التحية بأحسن منها حبا أبديا .
عن إذنكو بأه (أوما) نشوف (باقى) السودان الفضل جرالو إيه يا عمى ؟ الى اللقاء .
