10 مارس 2017
بمناسبة تحرير الأسرى من قبل الجبهة الثورية والحكومة السودانية
بشرانا بشرانا
اتحرروا الأسرى
مبروك لأسرانا
الكانوا عند عقار
واتحرروا الكانو
في كوبر الخرطوم
اتحرروا الأسرى
وعم الفرح كل دار
كل الأسر باشة
هم كانوا ما عارفين
كيفن ووين ومتين
يتلاقوا والاسرى
البعض معدودين
في قايمة الشهداء
اللقيا يا ربي
في الدنيا يا ربي
أو تبقى يوم الدين
يا ربي حمدا ليك
البشرى جاتنا اليوم
نزلت دموع فرحة
وصبحنا مسرورين
معدننا اصلو نبيل
وطبعنا راقي جميل
مهما خصل بيننا
الصلح عندنا خير
والسلم لينا دليل
أيدينا للإنتاج
مَش لي ضرب دانات
أيدينا فيها الخير
لي ارضنا الطيبة
أرض النخيل والنيل
المجتمع راجي
بقرابة القرآن
والذكر والنرتيل
يُستقبل الأسرى
بي حفل راقي بهيج
بي لسان مبين يلهج
بالشكر والتهليل
يا قادة السودان
صفت القلوب وخلاص
ما باقي لينا زمن
لقتال ودم ورصاص
قدامنا لسة طريق
عاوزنه يتكرس
وحدة ووفاق وسلام
ونوقف البغضاء
بين قادة الحركات
والسادة والحكام
نتداول السلطان
ونطور السودان
نعمل بكل طاقة
مافيش زمن لخصام
مافيش زمن لشقاق
وعداء وكره ونفاق
مافيش زمن لنفاق
وعداء وكره ونفاق
imadmima@gmail.com
