متيــن بتـثـوري يــاخـرطــوم
وتتفتح شرايين الزمن تاني
شـــلال فـرحـة فـوقـنا تـــدوم
ونرقص في المدى الممدود
آفـــاق مافي ليـــها حــــدود
ناس (أوهـاج) وناس( مـريـوم)
ويـرجـــع (هـيثـم) المكلــــــوم
يعـــود فرحــان يــلاقي خـدوم
تـزول بيـناتــــم الجــفوة
ويعيشوا الفرحة بى نشوة
وترحـــل من ســمانا غـيــــوم
متين بتـثــوري يــاخــــرطوم ؟
*********************
متين بتـثوري يا خــرطوم
وتشرق شمسك الغايـبة
ولـيل تضويهو ألف نجـوم
وســــــؤالنا يـــــدوم :
متين بتـثوري يا خرطــوم ؟
*******************
متين بـــتثــوري يا خرطوم
قـرفنا خلاص وملينا
وبـــلغـت روحـنا للحــلقـوم
وحتى الــشــارع المكـلـوم
بيسأل :
متين ياعروسة النيلين
(عــزة) تـقـوم كـفاها النــوم
خلاص مليـنا ياخــــــرطـوم
وفينا اتهان عــــزيز القـــوم
سياسة يمين دفاع شعبي
فساد في حشاها متخبي
ورزق اليوم وراهو الـيــوم
متين بتــثوري ياخــرطوم ؟.
**********************
متيــن بتــثوري يا خـــرطوم
وانتي الحالة عارفاها
ومخازي الدنيا شايفاها
بــلدنا خـراب .. نعيـق البـوم
كنا نعرفوا مليون ميل
أضحى خلاص وطن مقسوم
فـقـدنا الفـرحـة يــاخــــرطوم
وضـاع جـــرارنا والمـردوم
عشنا سنين .. بلدنا حزين
ليــل ونـهار وطـول اليــوم
يبكي النيل يدفق دم
جـبل أحـزانو زايـد كــوم
ومما نصحى مـن النــوم
زايــد الهـم عليـنا هـموم
ماعارفين .. وين ماشين
مآسي الدنيا فوقنا تحــوم
حليلو بلدنا ياحبان
حــليلو بلدنا بـلد الـشــــوم
واقف وحدو يترنح
أضحى مصيرو ما مفهـوم
متين بتــثوري ياخــرطوم ؟.
khidir manan <khidir2008@hotmail.com>
