أرسل لنا مدير مكتب توزيع النكات السودانية بالدوحة القطرية نكتة سودانية قوية جاءت على النحو الآتي:
راجل سوداني مرتو مكرهاهو عيشتو 000، تنقنق فيهو طول اليل والنهار ، الراجل عرف من شيخ المسجد انو في درس هام حول طاعة الزوجة لزوجها ، قام عمل فيها حريف وقال لي مرتو : الليلة الشيخ عندو درس مهم في الجامع امشي احضريهو 000 المرة مشت الجامع بعد نقة كتيرة وملاوة شديدة، الشيخ درسو كلو كان عن وجوب طاعة الزوجة لزوجها ، الشيخ قال للنسوان : على المرأة أن تطيع زوجها فالجنة تحت قدميه 000 المرة جات راجعة من الجامع ووشها يلعن قفاها 000 راجلا سالها بي لهفة: اها الشيخ قال ليكم شنو؟ قالت ليهو: الشيخ كلامو كلو مسيخ ، قال الجنة تحت كرعيك المشققات ديل ، وانا هدا طرفي منها!!!!
فيصل الدابي/المحامي
menfaszo1@gmail.com
