بسم الله الرحمن الرحيم
في السلك
• قالوا مانديلا كاس صفيح سااااي
• مانديلا البطوله الرسميه
• مانديلا احدي بطولات الكاف
• آآآآآي والله
• قالوا صفيح سااااي
• من تسعه وتمانين يرددوا صفيح ساااي
• وقالوا سيكافتين بطولات مجاعه سااااي
• رغم انهم شاركوا في سيكافا وكان لهم شرف اكتر فريق سوداني يشارك في سيكافا
• وطلعوا من سيكافا سااااااي
• مارين الصومالي غلبهم
• وبرضو من سته وتمانين يرددوا سيكافا بطولة المجاعه
• وقالوا ما دايرنها عشان كده ماجابوها
• جابوها بالجا !
• وقالوا كاس دبي الذهبي البطوله الدوريه المنتظمه قالوا كعب
• وبعد شهر لعبوا امام الاهلي القاهري بالامارات وهزمهم الاهلي بالصف التاني
• وبرضو كاس دبي كعب
• وقالوا كاس الشارقه كعب
• وكاس جوبا برضو كعب
• الكاسات الفوق دي كلها خليها
• الي الدقيقه خمسه وتسعين في مباراة اول امس كانوا بقولوا كاس بن ياس كعب وكاس رابطه ساااي ومادايرنوا
• لمن درنوا صدفه قالوا احتمال كاس بنياس يبقي كويس
• ولما انتاكا الماسوره شاتها في الماسوره قالوا كاس بن ياس بقي حلو
• بالغتوا
• كاس دبي المنتظم الذهبي كاس اي كلام
• ودورة بن ياس المامنتظمه كاس دولي
• اخجلوا
• الطشاش في بلد العمي شوف
• المهم
• اسلام حضرت معاي الكوره
• بعد الكوره قالت لي يا بابا ناس الهلال لما يرجعوا بدخلوهم القصر الجمهوري وادوهم وسام الاعجاز والانجاز وكل زول قطعة ارض في الحتانه مربع سبعه زي ناس عيسي صباح الخير ويندهوهم السيد فييرا والسيد مهند الطاهر زي ما ندهوا السيد عاطف فضل المولي والسيد حامد بريمه والسيد كمال عبدالغني ؟
• قلت ليها في البلد دي الناس سواسيه , لما يسوا زي ماناس حامد بريمه سووا بندهوهم في القصر الجمهوري
• القصر الجمهوري بالقا ؟
• قامت اسلام ضحكت
• قلت ليها بتتكشمي مالك ؟
• قالت لي لو 000 يعني لو 000 اعتبرنا كاس بن ياس دولي وجوي ورسمي ومعترف بيهو من الكاف والفيفا يبقوا الجماعه عندهم سنينه واحده في خشمهم كان ضحكوا بنضحك فيهم
• قلت ليها ونحنا كان ضحكنا
• قالت لي كان ضحكنا الخشم مليان سنون للاضراس , سيكافتين ديل قول الانياب , مانديلا ده القاطع , والقاطع قلب الناس , الشارقه ضرس يمين وجوبا ضرس شمال
• قلت ليها تاني فضل شنو ؟
• قالت لي فضل لساننا الطويل ده
• بدون تعادل او هزيمه
• قلت ليها الفرق بين سيكافا 1986 وبن ياس 2010 كبير
• البنات الحلوات الزيك المولودات لما المريخ جاب اول جويه دوليه رسميه اولادهن دخلوا كورة بنياس
• ضحكت وقالت لي يعني البنات الولدوهن لما المريخ جاب مانديلا اولاد بنات اولادن حايدخلوا كورة الهلال البجيب فيها كاس من الكاف ؟
• قلت ليها زيديهم جيلين ياحلوه
• المهم
• بدايه جيده
• والسعودي لما يحرز اول اصابه في اي منافسه بكون بطل المنافسه الزعيم بدون مناقشه
• قالوا بالعشره جبنا الكاس
• طيب بالحداشر حصل ليكم شنو ما وريتونا ؟
• اسلام عاينت للكاس وقالت والله اول يوم اشوف كاس توتيا
• يعني ده كان قطهوهوا شرقرق ماينفع
• غايتو المحيرني توقيت البطوله الوديه الهديه مع زيارة الرئيس
• خلي بالك البطوله دي كلفت الجماعه كتييييييييير
• تذاكر سفر واقامه واكل وشراب وتبادل اعلام تذكاريه
• مبالغ ضخمه غايتو
• ولا شنو يا الرشيد !
• ياربي صحي انتاكا الضيع ضربة الجزاء لاعب اختبارات وغير مسجل في بن ياس ؟
• يكون ياربي !
• اليومين دي في مكنه ان الهلال احرز اربعه بطولات جويه
• ما كترتوا المحلبيه شويه
• قلنا الاولي جبتوها جويه متين ومن وين ؟
• قالوا في الستينات ومن الكنغو
• معقوله ؟
• في الستينات ؟
• ومن الكنغو ؟
• الكنغو ياتها فيهن ؟
• يا اخوانا في الفتره ديك الانجليز مرقوا بالقطر تقول لي جويه !
• قالوا اربعه وغير الكنغو ما ورونا الحاصل
• ياربي التلاته التانيات اعاره ولا شنو ؟
• اضحكوا
• هاااااااااااااااااااااااااااااي
• ابو سنينه
سلك كهربا
البتبدأ بالفتي الطائر بتجيب كاس بالجو طائر
والي لقاء
سلك
babikir maki [b_silik@hotmail.com]
