اعلن دعمى الكامل للسيد كامل ادريس
الشهير بكيمو الجاهز
الراجل دا ناجح جدا وكفاءة نادرة وعالية
لكن الناس ما عاوزه تعترف
لانهم ما فاهمين ان النجاح دا اصلا ما شى مطلق وانما حاجه بتقيسا بالمكان الانت فيه..
الزول دا بالضبط بيشبه شخص قاعد فى نص مجموعة من الحرامية واللصوص والكضابين والمزوراتية والقتلة وبتوع مخدرات (وهم كذلك)
جبريل ابراهيم من جهة البرهان واخوه وقريبه من جهة شلة الصحفيين من جهة شلة بنات دبي من جهة الكباشي من جهة حرامية المؤتمر الوطنى من جهة والباشمهندز بتاع الدهب من جهة ونور الدائم ومهرباتية السلاح وكمييييه من المستهبلين ياخ نهب ولغف ولبع وخم بالكوم والردوم
يلا فى ظل المجموعة دى عندك زول اااي ما بيعمل اييي حاجه جابوه يعملو بيه بوهية وتلميع لاستهبالم زول وهمى حدو الاكل لامن يجيه اسهال والكلام بالاسبانى وزيارة القهاوي يودوه كدا يمشى يجيبوه كدا يجى
فالزول دا ناجح جدا
هو قاعد فى فصل الناس بتجيب سالب مية وسالب خمسين وسالب ستين
وهو ما شاء الله عليه جايب صفر فدا شاطر
الصلاة على النبي والله دا نجاح بالنسبة للحاصل

حرب_الكضابين

حرب_عبثية

حرباللصوصوالمهرباتية