الآغا خشمو خفيف

بسم الله الرحمن الرحيم

في السلك

 

•       في برنامج صدي الملاعب تحدث الآغا عن بطولة العالم للانديه

•       البطوله الفيها ناس مازيمبي

•       والآغا طبعا صاحب الوالي

•       والدليل آلولوا

•       الدليل الاتصال الدائم بالتلفون بين الآغا والوالي

•       المهم

•       الآغا تحدث عن بطولة العالم للانديه

•       وتحدث عن مازيمبي

•       وتحدث عن موبوتو

•       وفت  الكلام

•       قال موبوتو لاعب مازيمبي الكنغولي والمريخ السوداني

•       وافصح ان موبوتو الموسم القادم لاعب في المرييييييييييخ

•       طبعا في ناس كضمت وفي دجيتلات وقعت

•       وقال الآغا ان موبوتو السنه الجايه في ابو ظبي برضو حايقود المريخ

•       وناس برطمت وناس اتمنت القيامه تقوم قبال طيارة موبوتو الجايباهو تقوم

•       جنس حساده

•       المهم في الموضوع ان الآغا طلع خشمو خفيف وضري الشمار للعالم

•       عشان كده يا والي مزيدا من السريه والكتمان

•       ونحن في المريخ قررنا  انو جمال الوالي لما يجيب ميسي السنه الجايه ما يكلم الآغا عشان الآغا خشمو خفيف

•       اكرم اليومين دي قالوا بتمرن في رقصه جديده اسمها القرد الهندي

•       الاغنيه المصاحبه ليها بتقول اجا 000 اجا   000 قون نهي تم كهيه

•       بنط فيها من قائم لقائم وينزل الارض يديها اتنين كديابا

•       ويطلع العارضه يديها اتنين كده يمه

•       ويتدردق ويديها كدياحبوبه

•       لكن مافيها جدو

•       عشان كدياجدو دي رقصه دوليه ممنوعه في المباريات المحليه

•       قالوا ختفوا التايواني

•       شبهينا

•       الدعيع طلع من المخزن لقوهوا طاشي شبكه

•       يا سيدي الحسن

•       طلع يوم الميرغني

•       وطبعا الجماعه حا يرجعوا لعزو

•       البقع براهو ومافي زول بلزو

•       قالوا اسامه المتعاون بعمل في تمارين علاج طبيعي

•       ياربي تشفيهو بسرعه

•       منير الانتر عامل كيف في ابو ظبي !

•       انشاء الله البرد ما غلط عليهو يا محمد عبدالماجد

•       كاريكا جاب كم قون في الميرغني ؟

•       ولا قون ؟

•       بلنت مافي ولا شنو ؟

•       قابلت صديقي الهلالابي

•       قلت ليهو عندك جرايد ؟

•       قال لي جبت قون بس

•       قلت ليهو لو فيك عمار كان تجيب قون في الميدان

•       قرب يشرطها

•       استاذنا ماجد مهدي كلتشي ده زي الباسطه برفع السكري

•       وطبعا ياماجد الدكتور قال ليك ابعد عن الحلويات عشان كده مشيت للحاله المره

•       مزمل قال كلتشي المساخ

•       لكن يا مزمل في حاجه امسخ من لقب المساخ

•       الكسره الفطيره ؟

•       لا ابدا

•       اهلنا ال0000

•       لا000 لا 000 لا 00 ديل ناس حلوين

•       ما عرفتوها ؟

•       موية الترمس

•       من الليله اسمو كلتشي موية الترمس

•       قزقز

•       يا ربي الزول في المقصوره كان بمدغ في شنو ؟

•       ال ( تي ) قالوا محتاجين ليهو في بلجيكا

•       مواسيرهم  كترت خلي بالك

•       يا بلجيكاب جاييكم امهر سباك في الشرق الاوسط  وافريقيا

•       بس اتعاونوا معاهو

•       يعني اهم شئ التعاون

•       والله في جماعه كده التعاون كرهم الجمعيه الخيريه زاتها

•       ده حالتوا الضربت في الحديده مادخلت

•       ياوالي ما تكلم زول

•       ابراهيموفيتش عندو راي

•       اس اس  اس  اس  ماتكلم زول

•       الآغا خشمو خفيف

•       والطاقه بتوري الخريف

•       بمدغ في شنو ؟ واحد يقول لي

سلك كهربا

               اراضي الحتانه الجديده جهزت والقرعه يوم 14

والي لقاء

سلك