بسم الله الرحمن الرحيم
في السلك
• عندما يلقي خبر علي انسان فانه يكون في حالة من ثلاثه حالات
• اما ان يكون خالي الذهن من المعلومه التي استقاها من الخبر
• واما ان يكون منكرا لها انكارا بسيطا
• واما ان يكون شديد الانكار لها
• وعندو راي براهو
• ويستمد هذا الرأي المخالف من مصادر اخري
• يصدق تلك المصادر ويثق فيها
• يعني زول يقول ليك شوف عيني
• لازم يثق في عينو
• تاني لو حلفت ليهو ما بصدقك
• في اشياء يمكن للانسان ان يشرع فيها زي ماداير
• يجيب كلام قاطعوا من راسو
• وفي هذه الحاله يكون المخاطب خالي الذهن من المعلومه التي وردت في خبر المتكلم
• القادني للكلام ده ما شاهدته وسمعته خلال الاستوديو التحليلي لمباراه نيل الحصاحيصا
• ياناس الاستوديو
• يجب ان تعلموا ان المخاطب ليس بخالي ذهن
• فهو رياضي
• وكورنجي
• ويعرف التسلل
• ويعرف ضربة الجزاء
• ويعرف اللاعب الجيد من اللاعب غير الجيد
• عشان كده
• ماكنا محتاجين للخبير الطاهر محمد عثمان عشان يفتي لينا في حاله تسلل راعي الضان في الخلا عارفها
• يجينا الطاهر ويقول ليست بحالة تسلل
• الطاهر خبير تحكيمي
• والجمهور ليس بخالي ذهن للدرجه دي
• وفي حالة مجئ الطاهر بكلام يناقض معلومات المشاهد
• يتغير تقييم المشاهد للخبير
• ولا تتغير قناعات المشاهد بما شاهده
• يعني نحنا شايفين البحر
• لما يجي زول يقول مافي بحر
• ما بقنعنا ولو كان كولومبوس بتاع علوم البحار داك
• ولكننا نقتنع انه ما براهو
• عشان كده كتير من المشاهدين بدوا يشكوا في خبرة الخبير
• الخبير يجامل ولكن علي حساب تقييمه عند المشاهد
• ياناس
• لنيل الحصاحيصا تلاته ضربات جزاء
• والهدف الثاني تسلل
• ادوا الكاس في بداية الموسم للدايرين تدوهوا ليهو
• ولعبوا لينا موسم نضيف
• انشاء الله يارب
• البشوف ضربة جزاء ويسكت عنها متعمدا ان تسحب منه نعمة الابصار وتديها لي زولا بستحقها وبقول الشافتو عينو
• موش قلت ليكم اسماعيل حسن كراعو سمحه
• تلاته بلنتيات في اول يوم يكتب
• ولسه
• قون من رفاعه
• رفاعه شنو
• من تمبول
• تقول لي عرين وما عرين !
• اما بقية ناس الاستوديو التحليلي فحدث ولا حرج
• النيل كان ممتلك المباراه
• بالذات الشوط التاني
• والجماعه كالعاده
• حارس وتسعه حارسين الحارس
• ملاحظات
• السيد المخرج اغفل اعادة حالات ضربات جزاء النيل
• ستعاد
• اعملوا فقره ياناس قون سموها بعد المونتاج
• اما الاستوديو التحليلي لما يكون بحلل في وقائع قاطعه من راسو
• يبقي ما استوديو تحليلي
• يبقي استوديو تضليلي
• اها
• استمتعنا بالليل
• بي حقنا
• بالمناسبه
• قون راجم عبد العاطي كان من ضربة جزاء
• ارتكبت معه
• لكن ارجعوا معاي للزول الحاورو راجي قبل الزول العمل البلنت
• تتفقوا معاي انو راجي كان فاتح خيال
• وحاور الزول ده بالخيال داك !
• النفطي ابدع
• سعيد السعودي سعيدين بيك يابطل
• لكن العملها اليوغندي في بويا خلتنا مع خيار الوحده
• انفصال كيف ويوغندا جارت الجنوب
• ويوغندا فيها زي ديل
• العملها اليوغندي في بويا خلت ميشو مع خيار الخندقه
• ناس قون مهتمين شديد بتقديم الخدمات لفريق القناه
• عشان كده نحنا نسمع يا الرشيد اجرتوا الجنريتر ؟
• اهتموا بالقناه من اجلها
• ومن اجل الحيده
• تتطور كثيرا بالطبع
• بالطريقه دي يا سمو الفريق القناه
• ياسمو القناه هلال الرياضيه
• لكن بيني وبينكم
• نحنا محتاجين لقناه فضائيه مريخيه اسمها المريخ عديل كده
• ومحتاجين لاذاعه رياضيه اف ام انشاء ميه واربعه ونص
• ونسميها اف ام الرياضيه سيده فرح ميه واربعه ونص وخمسه
• اسي الجاب مازيمبي شنو ؟
• سيده فرح عبد المسيح
• عشان خالد ما يزعل
• يامعاويه الجاك
• ماتميت لي موضوع السمايه
• اها
• وضبحوا كم خروف ؟
• غايتو رمزي الشفناهوا امس ده الا تعملوا ليهو كوره بين فلسطين وتشاد علي حسابكم يوم كورتنا معاكم
• بيع ياروشا
• واعمل الكوره
• ياعجب
• ولا يهمك
• ارقد
• اتمدي طويييييييييييييييييييييييييييييييييييييييييييييييل
• كورة عطبره زاتها خليها
• تعال لينا يوم الاحتفال
• راجم عبدالعاطي نجما لمباراة الجزيره
• مووووووووووووووووووووووووووووتوا
• في هذا الموسم
• تبقت لراجي تلاته اهداف
• ونجومية مباراه
• كلكم فوق
• محكمه
سلك كهربا
ننساك عشان شنو ؟
والي لقاء
سلك
babikir maki [b_silik@hotmail.com]
