الحركة الاسلامية حركة براغماتية انتهازية بامتياز عادى تبعد او تبيع او تسلم (اى شخص) مهما كان فى سبيل مصلحتا
والتاريخ ممتلئ بحاجات عجيبه وبيع علنى
قد يكون اشهر الاحداث ابعاد اسامة بن لادن بعد ان استولو على امواله.. ولمع بعدها اسماء عدد من الراسمالية الاسلاميين (ورثة المال المنهوب)
وكذلك تسليم كارلوس للفرنسيين بعد ان استخدموه فى عدد من العمليات واعطوه الامان والاقامة فى السودان..
كذلك الاطاحة بالترابي نفسه فى ما عرف بمذكرة العشرة للاستئثار بالسلطة كاملة (اكلو ابوهم) بل فى اقول ان محاولة اغتياله فى كندا قبلها كان فى تواصل بين على عثمان وهاشم بدرالدين ..
اغتيال على البشير امام زوجته واطفاله وهو المطلع على كثير من اللفات والقضايا وما يخص الاستراتيجية والدوائر الامنية ثم زعموا ان الرصاصة خرجت دون قصد..
اغتيال رجل الاعمال عكاشة محمد احمد صاحب المطاحن فى السجن بتهم فساد (وهم الفساد والعلاقات ما فايتاهم شبر) وادعائهم انه شنق نفسه وهو اخ مسلم كان عضو امانة محمد خير فتح الرحمن بجامعة الخرطوم..
تسليم الاسلاميين الليبيين للقذافى الذى قام بتصفيتهم مباشرة..
تسليم ملفات السودان بالكامل للمصريين بعد المحاولة الفاشلة لاغتيال حسنى مبارك والان قوش قاااعد متوهط فى مصر..
فالجماعة ديل ما عندهم قشة مرة.. فى سبيل المصلحة او عقد اتفاق او تحقيق مكسب ما او اخفاء اثر.. عااااادى يصفوا او يسلموا اى زول كبير ولا صغير ويشجبو وينددوا ويستنكروا الجهات الاستلمتو
واسلاميين كتاااار قاعدين فى مصر وعلاقاتم سمن وعسل مع الحكومه والاجهزة المصرية (ما مجان) ..
المهم
حرب_عبثية
حرب_الكضابين
