الخرطوم تحترق: خماسيات بكائية .. بقلم: حسن عابدين

الخرطوم تحترق…….. من يطفئ النيران
النفايات اكوام اكوام ….. في الميدان في الأركان
مزابل مراتع لفقراء……. وكلاب وجردان
رغيفة وعضمة فضلات….من صالات الفرح وصيوان أحزان

يا حليل السودان زمان

2 شوارع ناس افواج امواج….
طرقات شاخت حفر اشكال الوان
هايسات تنفث سموما دخان …دخان
وامجاد تلهث وركشات سارحة في كل مكان
يا حليل سودان زمان

3 . فساد استشري عم الحضر والغرقان
رشوة وبلصة في كل مرفق وديوان
الغنيان اغني قصور وتطاول في البنيان
ثراء حرام نهب مصلح وقطط سمان
يا حليل السودان

4 . اقتسم الساسة كيكة السلطة والسلطان
باسم الحوار باسم الوفاق……باسم سلام ما كان
وزير من ديل … وسفير من ديل قبايل واحزاب كيمان
قسمة ضيزي……اخسروا للشعب الميزان
يا حليل سودان زمان

5. يسقط يسقط الاستعمار…..قلناها زمان
سقط الاستقلال….سقط من زمان
لا صحة لا علاج …..تعليم تعبان
انفسمنا اتنين شمال وجنوب…حليل وطنا السودان
اقتصاد منهار……وجنيه هلكان…

6. سقطت الخرطوم رسبت في الامتحان
لا غاز لا جاز …… عز رغيف الافران
لاجئين نازحين متسولين….سونامي طوفان
علقنا فشلنا في رقبة الامريكان…
ونشرنا غسيلنا في حبل الجيران
يا حليل السودان زمان

7. يبكي ويصيح كل صباح انسان…
مين يسمع مين يرفع انسان عدمان غلبان
السلطة غرور بهرج و حرس ……ومهرجان
وفود وسفر …حشود ووعود وخطاب رنان

8 . احرق نيرون روما في قدبم الزمان
من يطفئ نار الخرطوم دا الزمان
من يطفئ نيران السودان .
يا حليل سودان زمان .

hasabdin1939@gmail.com

الكاتب

السفير حسن عابدين