الراجل ده وزير معانا ؟؟؟ .. بقلم: بابكر سلك

بسم الله الرحمن الرحيم
في السلك
*الليله سبتنا الاحمر
*اليوم نكرر يوم عزام
*اقلها ثلاثيه
*باصرار الشفوت
*بالوقفه المشرفه
*بالقيام بدورنا التشجيعي الاصلي
*سنقلب الاستاد جهنم حمراء علي الضيوف
*عشان يعرفوا حاجه
*نساند اولادنا
*نسعي للنصر ولا نستعجله
*فقط نجي كلنا
*الامر فرض عين لا فرض كفايه
*ونوحد الهتاف
*نبدأ بالتهليل
*لا اله الا الله لا اله الا الله
*لا اله الا الله منتصرين باذن الله
*ونوريهم الامواج المريخيه
*وبالطول بالارض مريخنا يهز الارض
*ونغني
*للمدينه
*بي بكري جينا وكيه للمابينا
*ونهتف للجميع
*فريق رئيسو جمال وحارسو جمال واستاده قمة الجمال
*قصة يتأهل ساهله ومنطقيه ليست محال
*ايها الناس
*حقو الاتحاد الافريقي يطلع قرار
*يقول قون بكري بي اتنين
*لانو بيدخل شبكة المنافس وشبكة ناس تانيين قبل المنافس
*يعني بكري يجيب قون 
*نقول اتنين صفر
*راجي يجيب قون نقول بقت تلاته
*بكري تاني يجيب قون 
*نقول خمسه
*ايها الناس
*كلنا من عصرا بدري
*قصة الجلاليب دي نخليها
*نجي بالاحمر وبالاصفر
*نشكل لوحة جميله ترهب انجولا وعميله
*غايتو يا روشا
*تبارونا تبقو زي جامعة افريقيا العالميه
*تشجعوا افريقيا دي كلها
*بلد بلد
*وفي الاخر نمشي المطار برانا
*ايها الناس
*نطمع في نتيجه تعلن تأهلنا من اليوم ان شاء الله
*ولكننا لا نستعجلها
*يوم عزام ناس روشا كتبو
*بعد الدقيقه اربعه واربعين مسحوا
*وفي الدقيقه سته واربعين شرطوا الورق
*نلعب لي صفارة الحكم
*اصلو ما نستعجل
*والنتيجه الدايرنها بتجينا
*صدقوني
*بالقرآن مريخنا مصان
*مافي خوف من دفن حمار وحصان
*والله لو دفنوا الثروه الحيوانيه كلها
*ما بغيروا في النتيجه
*غالبين ان شاء الله
*وبكري كان كعب بجيب قون
*وكان سمح انت وعسل انت
*بجيب قونين
*المره دي الا تشكوهوا لي الله الخلقو ده
*اصلو الشكيه لغير الله مذله
*ايها الشفوت
*لون النار احمر واصفر
*الليله ناس انجولا يعرفوا حاجه
*نوقد افراننا ليتصاعد اللهب
*ووقتها بنجض اي شئ
*واي ني بنجضوا
*بس نجي كلنا من عصرا بدري نعصر الانجولي
*وننجض نص الاستواء من بدري
*المهم
*حضرت لقاء كردنه مع ميرفت بالنيل الازرق
*ياخ ضحكت لمن وقعت علي صلعتي دي
*الراجل ده ما يخلصشي 
*واتذكرت مسرحية الزعيم للفنان عادل امام
*ضمت تلك المسرحيه ممثلين عمالقه
*جميعهم اجادوا ادوارهم بامتياز
*فيهم يوسف داوود
*الزول الطويل ابو صلعه اللسانو بره طوالي ده
*الزول الرموشو كبااااار وطواااااال
*بتطربق سااااي
*في المسرحيه طربق 
*عادل امام عاين ليهو
*تاني طربق
*عادل امام عاين ليهو تاني
*المرة التالته لما طربق
*عادل امام عاين لي زول تاني وقال ليهو
*الراجل ده وزير معانا هنا ؟؟؟؟؟
*لما انتهي لقاء كردنه بميرفت
*اتخيلت ميرفت حاتقول
*الراجل ده وزير معانا هنا ؟؟؟
*زي مافي مسرحية الزعيم المصريه
*عندنا مسرحية الزعيم السودانيه
*رجاء الجداوي بي هناك ابدعت
*ورجاء الصادق اقصد فاطمه الصادق بي جاي تبدع
*وكردنه قال عشرة الف روشا وعشره الف فطومه ما بغيروا قراري
*ورجع وقال الاسياد هي خط الدفاع الاول
*يعني ناس معتصم احتياطي للخط الاول خلي بالك
*لكن يا صديقي معتصم ما تزعل
*وخليك علي الخط
*اسي روشا ولا فطومه بتعوقوا
*كردنه ده بعوقم ليك اسي
*اصبر بس
*ده لو ما جلدهم ليك بالقطره
*القطره البلبسوها الخليجيين في ريسينهم وبثبتوا بيها طرحتهم ديك
*ياخ الجابوها في الفيديو في الواتس
*لما الهندي خرش عربية المواطن
*موش المواطن نزل جلد الهندي ؟؟؟
*اها الحاجه السوداء الجلدوا بيها دي اسمها القطره
*اسي قاطرنوا
*لكن باكر بلقطهم  ليك بالقطره
*جنس بطان
*احتمال البطان يبدأ الاحد عشره بالليل
*بطان من امو
*اول من تسمع يا معتصم شبطك
*اجهز
*كردنه عوق فيهم واحد
*الراجل ده وزير معانا ؟؟؟؟
*ايها الناس
*بي طبولنا وراياتنا واصرارنا
*كلنا من بدري بدري
*لنكون شركاء في صناعة النصر الكبير
*بكري لو جاب قونين
*وبكرة ناس ملاوي اتلولوا
*صدقوني كبسور المرة دي بشتكي بكري في الجنائيه الدوليه
*عندنا واحد حضر لقاء كردنه
*متخصص انجليزي 
*من حضر اللقاء دو جاري لي اسي
*كردنه رمي ليهو درابتين
*لو قالهم ازهري للانجليز كان لي الليله مامرقوا
*الراجل ده وزير معانا ؟؟؟
*درابتين انجليزي يا مرسي
*النوع التقيل داك
*ذكروني ارجع ليهم يوم الاتنين
*بفلق ساي الزول ده
*ايها الناس
*كلنا من عصرا بدري
*بالقرآن مريخنا مصان يا صديقي عراقي
*ويا صديقي حسن حمد ويا صديقي عكاشه
ايها الناس
*ان تنصروا الله ينصركم
*اها
*نجي لي شمارات والي الخرتوم
*ده يوم شمار يا والينا ؟؟؟
سلك كهربا
ننساك كيف والسؤال الراجل ده وزير معانا ؟؟؟
والي لقاء
سلك
b_silik@hotmail.com