بسم الله الرحمن الرحيم
في السلك
• مصر المؤمنه باهل الله
• زماااااااان ضربها زلزال
• الشاعر قال في زلزال مصر
• مازلزلت مصر من كيد يراد بها **** ولكنها رقصت من عدله طربا
• ويقصد عدل حاكم مصر في ذلك الزمان
• منتهي حسن النيه
• منتهي الدواخل النقيه
• اها
• الجاب اكلام ده انو في ناس دايرين يعملوا لموضوع صاعقة حوض السباحه كلاوي
• قالوا السبب انو في حاجات تحت تحت
• دايرين يكيدوا من الموضوع
• دايرين يفسروا الحكايه حسب نواياهم
• المامريخاب ممكن نعزرهم
• لكن المريخاب المحسوبين علي المريخ ديل خلاص فترنا منهم
• المريخاب البفرحوا عشان الصاعقه وقعت في الحوض ديل حيرونا
• المريخاب المبسوطين من تدني مستوي الفريق ديل ما حبابهم
• ياناس
• في مريخاب دايرين شطب قبل اللاعبين
• ده طبعا اذا كنا دايرين نعالج معالجات جذريه
• لكن تبقي حقيقه
• ماوقعت الصاعقه في الحوض من كيد يراد به *** ولكنها اشتاقت لعناق ذلك الانجاز
• ده فيما يخص المريخاب الدايرين يعملوا للموضوع كليوات
• اما غير المريخاب
• بنقول ليهم
• قل كده في تمرين جماعه كده
• كانوا قاعدين في النصف الجنوبي من الملعب
• ووقعت الصاعقه في النصف الشمالي
• حرقت النجيله
• الحرقه اللي الليله
• ياربي وقعت الصاعقه الوكت داك ليييييييييييييييه ؟
• اها
• قال ليك الكاردينال عزم الجماعه مجلس ولا عبين فطور
• الجماعه اعتذروا
• ياربي ليه !
• يكون الفطور فيهو العصير بتاع فييرا ؟
• العصير البلف الراس
• العصير الشربوهوا يوم مازيمبي
• مازيمبي بتاع ناس موبوتو
• موبوتو بتاع الخمسه
• الحمد لله الاتذكرتوهوا
• المهم
• رمضان يا حليلو
• الله يقبل بس
• واحد قالوا ليه رمضان مشي
• قال الجاي قرب
• ده النوع البتدخلوا العطشه من رمضان لي رمضان البعدو
• اها
• كروجر قالوا مجتهد
• لكن مع منو ؟
• هي الصاعقه زاتها ما يتخيل لي قاصده حوض السباحه
• ناس السباحه مالهم
• قصروا في شنو !
• هووووووووووووووووووي يا صاعقه
• ما للدرجه دي
• التوانسه ديل كهربة شاحن موبايل بتوديهم في داهيه
• اوعي تهاظري
• لكن بيني وبينكم
• انا لو محل الصاعقه كان وقعت في 0000 في
• خلاص وكت عارفين ما في داعي اوريكم
• لكن ما لي حق !
• واحد قال لي ما تشوف الجديه دي
• بكره كلهم ياخدوا اذونات للعيد ويمشوا اهلهم
• قلت ليهو كروجر قال لأ
• وقال في تمرين صباحي بعد صلاة العيد طوالي
• قال لي النفطي بمشي
• قلت ليهو ما بمشي , يمشي ليه !
• قال لي بستثنوهوا
• قلت ليهو النفطي ده قايل روحوا بصات الوالي
• يدخل باي كبري زي ماداير
• مافي استثناء
• بمناسبة بصات الوالي دي
• تشتري ليك جريدتين رياضيتين بجنيه
• وتركب بص الوالي الساعه اطناشر الضهر لي آخر محطه
• وما تنزل
• تقلب آخر محطه بالعكس
• وبرضوا ما تنزل
• تقلب الخط
• وبرضوا ماتنزل
• وترجع معاهو
• تكون قريت الجرايد
• وقعدت في الكندشه من الساعه اطناشر للساعه خمسه
• وكل الموضوع ده بكلفك خمسه جنيه
• اخير من تشحن كهربا وتقعد في البيت
• في المكيف من اطناشر لي خمسه داير ليك كهربه بي عشره
• وده لو ما قطعت
• ولو كان المكيف مويه
• ياكه الشغلتو هواء ساااااي
• عندي صاحبي اسمو الزين مويه
• بقولوا ليهو الزين مويه عشان شغال في المويه
• في الكتشينه اذا البايظ اتأخر بياخد ليهو دقسه
• بنوم
• الا يصحوهوا
• عرفتوا المويه بتقطع ليه !
سلك كهربا
بين الذكري والنسيان مافي اي مسافه
والي لقاء
سلك
babikir maki [b_silik@hotmail.com]
