بسم الله الرحمن الرحيم في السلك b_silik@hotmail.com *ايها الشفوت *بدأ العد التنازلي لمعركة الشرف *معركة الكرامه *معركة كسر عنق المستحيل *معركة النصر الكبير *علي التنجيم والحسد والتعتيم *ان الله سيبطله *الهاء تعود لعمل المفسدين *سيسطر التاريخ مولد نصر جديد للمريخ *لشعب المريخ القوي الشفت *الذي يلتف حول الكيان في اي زمان واي مكان *وبالذات عندما يتعلق الامر بالمستحيل *لامستحيل تحت الشمس *هكذا يقولون *ولكن بالليل يعني في مستحيل ؟؟؟ * لكن نحن نقول *-لامستحيل وفي عروق الشفوت يجري دم احمر *وقلوبنا تنبض بحب الزعيم *لامستحيل والقلب يخفق شفتنة وحبا واصرار *ايها الناس *السبت يدعوكم لتشاركوا في معركة النصر *لتنالوا شرف الوجود والحضور والمشاركه *نحن في المريخ اخوه *نتكاتف لاجل الزعيم *نترك اختلافاتنا خلفنا *ننسي مسمياتنا الصغيره *ونجدد البيعه للكيان *كلنا مريخاب *كلنا خلف الكيان *نعم نعم مريخاب احبكم *المهم *ناس الكوتشينه *ناس الحريق بالذات *بعرفوا يطلعوا البايظ كويس *والواحد فيهم لما تجي جرتو *حتي ولو مابقدر ينزل *مابجر قدام الزول الشمالو *عشان البي شمالو يتمكن بالورق وما يلعب علي راحتو *وفي واحدين *البايظ بعد يترمي ما بكون نافع معاهم *بكون ورقهم زي الواطه *وعشان يرهب العدو *بقيف عند البايظ *يمسك الكرت ويختو *يعمل فيها بعد في النزول *وده كلو ارهاب ساكت *لكن لو كان قنعان من خيرا فيها *ولو اقتنع انو بتقبض اربعطاشر فوق وبطير *بقوم قبل الزول الشمالو يرمي البايظ *بقوم هو يرمي البايظ ويجر *برمي البايظ قبل يجر *بسموهوا ناس الكوتشينه سمبهار *بكون البايظ الاترمي ده مابلفق مع الورق اطلاقا *ولا بتلم مع الكرت البجروهوا جديد *يقوم يرميهو سمبهار *بكون بايظ واضح ومشاتر *ونحنا يا روشا *مابنترمي سمبهار *شوف السمبهار في زنزبار يا روشا *وبدت اعذار المطره صبت *نزلت المطرة بزنزبار قبل نزول الهلال *واتمطري *جزيرة القرنفل فل الفل *نتمني ان يوفق الله السودان في القبل التلاته المشارك فيها *بس خوفنا من السنبهار في زنزبار *والرجعه لاجتماعات غندهار *لكن صدقوني *بيعت كاريكا ووعده بالكابتنيه *والزوغان من الوعد *هو سبب المستوي الهزيل للنجم الكبير مكانة وعمرا *اوفوا الوعد *واعلنوا كابتنية كاريكا *الزول ده لو مشي الح تاني *بشكيكم في الكعبه *ايها الناس *في زنزبار لايوجد حكم يتغاضي عن ضربتي جزاء *ولذا اري عدم اشراك ناس سمبو ومساوي *الناس التقال ديل *في المطره بوحلوا *الزد وايات الطين بجهجهها *والصاجات ما بتنفع في الطين *ايها الناس *لايفوتكم شرف المشاركه في معركة العبور يوم السبت *لاقندهر ولا سمبهار ولا زنزبار *وتقلة ناس سمبو دي *لو ماعملوا بلنت *القط بيجد نفسو مجبور علي البلنت *الناس بجوهوا منفردين *والاوكسجين ريحتو قرنفل قرنفل *والجو لو ريحتو بقت قرنفل *السحر اللقوهوا ناس رمضان في المدرجات ببطل *ولو بطل السحر *اتسحري سااااااي *المهم *اري في المدينه سببا للعبور *سيفرحنا المدينه لتفرح المدينه ونفرح المدينه *مدينة يفرح الوطن قرية قريه ومدينه مدينه *واتمدني *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *قلنا نعمل فيها جنينا *شرطنا القميص بي جاي يا والينا *ومزقنا البناطلينا *وعدييييل علي الصينيه مشينا *لقينا الحله كلها في الصينيه يا والينا *البمدح براهو والبغني براهو والبمرر في الحركه العاجباهو براهو والبضحك فينا والبضحك علينا *زول يقول الله يشفيهم ويدعو لينا *مالقينا يا والينا *واقفين في الشمس والعرق غمر ركبينا *وخالين الضل التحت الشجره يا والينا *مقتنعين بانو ضل الشجره ما لينا سلك كهربا ننساك كيف والمجنون يطقع والعاقل يهبش والي لقاء سلك
