الفرحنا امس يفرحنا الليله .. بقلم: بابكر سك

بسم الله الرحمن الرحيم
في السلك
b_silik@hotmail.com
*جمهور كبير محترم
*ولا غرابه
*لانه يشجع فريق كبير محترم
*فريق كبير محترم
*ولا غرابه لان تاريخه الجوي محترم
*ويتواجد في سجل الكبار المسجلين في لوح الشرف الافريقي
*مدرب كبير محترم
*لان بصمته وضحت بجلاء
*دفاع متماسك يسلم الكره باص
*وسط يعرف واجباته
*وهجوم يزعج الفيل زاتو
*ايمن المصري امس ما لعب باص
*لعب باس ويرد
*فك شفرة الانجوليين من بدري
*الباسويردات العند ايمن المصري
*قوقل مابقدر يعدها
*الفريق كلو محترم
*حتي الفريق القابلناهو برضو محترم
*تمنيه محترفين فيهم جنسيات اوروبيه
*لكن اللخبط كيانهم
*سرعة بكري وقوة وانغا
*سرعة بكري تجهجه بلد بي حالها
*اذا ثبتوا الكورة يلقوهوا تحت رجلينهم
*اذا رجعوها لي حارسهم
*يصل الحارس قبل الكورة
*حرمهم الباصات العرضيه
*قام بي واجبو كاملا
*وان كان الحظ قد عبث له مرتين تلاته
*الا انه استطاع ان يثبت انجولا كلها في خطوطها الدفاعيه
*احبك يا كردنه
*وكذلك وانغا قام بي دورو كامل
*بالذات في الضغط علي الدفاع
*وضياع ضربة الجزاء يجب ان لانحمله اكثر مما يلزم
*وياسلام علي جمهور المريخ الواعي
*الجمهور الذي هتف لوانغا عقب نهاية المباراه
*جمهور كبير محترم
*ايها الناس
*يجب الاصرار علي غرزه
*الراجل ده داهيه
*الراجل ده ماقاعد في الواطه
*يختار تشكيل
*يتذمر الناس بمجرد رؤية التشكيل
*وبعد دقيقتين تنهال همهمات الاعجاب من جنباتالاستاد
*شفتوا توظيف ضفر امس ؟؟
*احبك يا غرزه
*الراجل ده لازم لوزان تحكم ليهو بي حقوقو
*الراجل ده خبير
*خبير كبير
*ويجب ان نوقع معه عقد مدي الحياه
*فريق شكلو جميل
*بالذات لما نقارنو بالفرق الشكلها قبيح
*التي تعتمد علي تغاضي الحكام عن احتساب ضربات الجزاء في حقها
*الراجل ه داهيه
*ايها الناس
*الشفوت كانوا في الميعاد
*فقط نعيب عليهم
*الفرجه احيانا وترك التشجيع
*التشجيع المتواصل هو ميزة الشفوت يا شفوت
*ايها الناس
*كل يوم نثبت اننا كبااااااار
*كبار حقيقة ولا ندعي ذلك
*ونحمد الله الذي افرحا بالامس
*والفرحنا امس يفرحنا الليله
*فنحن سودانيين نحتاج للفرحه يوميا
*ان كانت ظروف الحياه محزنه
*المريخ يفرحنا
*اللهم افرحنا اليوم كما افرحتنا بالامس
*افرحتنا اللهم بالامس بي هدفين
*الليله اففرحنا برضو بي هدفين
*دايرين نشوف هدفين اللهم
*الليله لازم نشوف هدفين
*عشان الفرحه تكمل
*المهم
*وصيه صغيره بمناسبة الفرحه
*من حق الجمهور ان يفرح
*لكن ظاهرة نزول الملعب بعد المباراة
*والشعبطه في الشبكه
*والتوطيح في العارضه
*يضر المريخ
*لان الشبكه والقوائم والعارضه بي قروش
*ومافي لزوم لي تدمير ممتلكاتنا بداعي الفرحه
*نتدردق في النجيله معقوله
*لكن نتشربك في الشبكه ما معقوله يا شفوت
*ايها الناس
*التحيه لكل الشفوت
*ونخص منهم رجال الحوبه
*ناس الوجيه حامد بدوي وطارق المعتصم وامير سيد احمد واستاذنا ابراهيم عبدالرحيم
*ونخص دكتور مجذوب المجذوب فال الخير
*الذي وصل البلد يوم المباراه خصيصا للمباراه
*ولن ننسي مريخاب قطر والامارات من رجال الحوبه
*والاخ الاصغر ابن الرمز الاكبر محمد الفاتح المقبول
*ايها الناس
*المريخ فريق كبير
*والفرق الكبيره عندما تنصر اتنين علي ارضها تضمن التأهل
*ولن ننسي فوزنا علي بندل يونايتد في ختام مانديلا واحد صفر
*واحد بس
*وحافظنا علي الواحد بفضل الواحد الاحد
*فاتينا بمانديلا منقادا متشرفا بالسودان
*وقتها شرفنا الانقاذ التي كان عمرها سته اشهر فقط
*حقو الانقاذ يافطومه سنويا تكرمنا
*لانو زول قدم ليها غيرنا مافي
*ايها الناس
*حكاية ضياع ضربات الجزاء دايره وقفه
*لكن لا اظنها فايته علي غرزه
*الراجل ده خبير وخطير وطالب الهلال قروش
*المهم
*في انجولا لو هاجمونا
*بكري بنفرد
*ولو قعدوا حرسوا بكري
*الكورة بتنتهي درون
*احبك يا كردنه
*الراجل ده وزير معانا ؟؟؟؟
*الله يفحنا الليله كما افرحنا بالامس
*ايها الناس
*نفكر في الترجي
*وغرزه لو فضي للترجي
*صدقوني الترجي بمشي الكونفدراليه
*ايها الناس
*قلبي يحدثني
*قريبا سنغني
*برانا برانا نشيل الشيله
*المهم
*شكرا كلك من ساهم في النصر المؤهل لدور السطاشر ان شاء الله
*المهم
*كردنه قال كانوتيه الليله لاعب
*معقوله زول ن العلاج لمباراة افريقيه ؟؟؟
*الجوهره يا عمك
*بمناسبة الجوهره
*وين فيصل الجوهره
*ووين الاستاد الجوهره
*خلي بالك الهلالاب لو قالوا ليك جوهره
*معناها ماسورة
*كردنه الجوهره
*روشا وفطومه برضو جواهر
*عشره الف من كلو صنف ما بتغير في قرار كردنه قيد جوهره
*اقصد قيد انمله
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*رب الخير الفرحنا امس 
*الليله بالفرحه ممنينا
سلك كهربا
ننساك كيف وكلنا شفوووووووووت
والي لقاء
سلك
/////////