ياريت اهل كل مدينة او اقليم يفهموا ويستوعبوا اهمية وضرورة اللامركزية وتوطين القيادات فمثلا مدير الشرطة ومدير المحلية يجب ان يكونوا من ابناء الاقليم او المدينة عشان يكونوا حاسين باوجاع اهلهم واحتياجاتهم .
تخيل لو كان مدير الشرطة في ام درمان من اولاد ام درمان . هل سيكون في نهب او تقصير في الظروف دي؟
ولاة الولايات كان متوقع انو يعملوا غرف لادارة الازمة وخطوط اتصال مفتوحة كل في ولايته يقود عمليات حفظ الامن و تقديم سبل التعاون والتكافل للمحتاجين واللاجئين والنازحين من الولايات المجاورة وضمان تدفق السلع والخدمات
طبعا بدون انتخاب وشعبية للوالي حيكون اثره ضعيف واحساسه بالناس صفر.
الوالي المنتخب انتخاب حر بيكون محبوب من غالبية السكان وغالبا بيكون لانو السكان حاسين انو قريب منهم وقريب من اوجاعهم واحتياجاتهم.
عشان كدا الوالي ورئيس المحلية والبلدية لازم يكونوا تعبير عن ارادة السكان المحليين.
شريف محمد شريف علي
٢٤/٤/٢٠٢٣
sshereef2014@gmail.com
//////////////////////
