الماسورة المحلوجه بتنقط نقطه نقطه .. بقلم: بابكر سلك

بسم الله الرحمن الرحيم
في السلك
*الماسورة ماسورة
*مافي شك انها ماسوره
*في ماسورة مقفوله وتمام
*لكن برضو ماسورة
*وفي ماسورة علي العليها بتنقط وهي مقفوله
*نقطه نقطه
*الماسورة المحلوجه بتنقط
*ايها الناس
*مقدم كان في امكانه ان يحسمها والشمس بره
*ولكنه تسرع
*ولو اتبع هلال التبلدي استراتيجية الهجوم الضاغط علي البتنقط
*كان البنتقط نقطه ما نقطتها
*كان الماسورة رجعت تشخر
*خخخخخخخخخخخ 
*الموية قاطعه
*الماسورة المحلوجه بتنقط
*وبتهدر المويه وبتملي السبتك
*ماسورتكم دي ياروشا جيبوا ليها جلده
*تيم كردنه اي كورة درنه
*من خمس مباريات تسعه نقاط
*نقطه نقطه
*نقطه وسطر جديد
*وهنا نقطه وهنا نقطه
*آآآآآآآآآآآآآي سمح انت وعسل انت
*في شندي نقطه وفي الخرطوم نقطه وفي الاربيض نقطه
*الكاردينال يضع النقط فوق الحروف
*اتنقطي ونقطي يا ماسورة 
*لكن مقدم بالغ
*كان قطع المويه وخلي الماسورة تشخر
*خخخخخخخخخخخخخخخ
*خلوهم يدوكم كاس الشبكه
*قال ايه
*خمسه مباريات مادخل فينا قون
*الرقم القياسي باقي ليكم عليهو كتير
*الرقم القياسي حققوا كالعاده المريخ
*انهي الدورة الاولي بدون ما يلج مرماهو هدف
*وواصل في الدورة التانيه بدون مايلج مرماهو هدف
*وكان الاهله وقتها كل امنياتهم
*موش المريخ يتغلب او يتعادل 
*كانت امانيهم يدخل قون في المريخ
*واستمر المريخ بشباك عذراء حتي تبقت للدوري فقط خمسه مباريات
*وحينها احرز ود ابليس اول الاهداف
*يعني في دي برضو
*الاعجاز والرقم القياسي مريخي
*نقطه سطر جديد
*ايها الناس
*قبائل السودان ليها شلوخ بتميزها
*يعني اهلنا الشوايقه شلوخهم لا ورا
*والجعليه خواجات ساي
*ناس تي واتش 
*والدناقله شلاخهم وقفن شهود
*وحتي قبائل الجنوب ايام الجنوب كان جنوبنا
*النوير شلوخهم كانت نقط مرصوصه علي جباههم المشرقه
*تلقي ليك جنوبي جبهتو النقط فيها تتطاقش
*تعرفوا طوالي نوير
*اهل فاولينو
*اسي بعد الانفصال
*البنلقاهو منقط نقطه نقطه
*نعرفوا طوالي هلالابي
*اتاريك ياكردنه بتحب الجنوب من زمان
*وكشفناك في الجنوب بتحب النوير
*نقطه نقطه
*وياماسورتنا نقطي
*واجمل اعذار الاهله قالوا
*سته ما لاعبين
*ياربي الهلال لعب بي خمسه في الميدان ؟؟؟
*الحارس والدفاع الما اساسي عندكم منو ؟؟؟؟
*بشه وفيصل الجوهره بقوا ما اساسيين ؟؟؟
*كيبي وكاريكا من الرديف ؟؟؟
*نلسون الغاني مو اساس دحين ؟؟؟
*سيدي بيه احتياطي يا ربي ؟؟؟؟
*ولا الاساسيين في الهلال اربعه
*مساوي ووليد والشغيل
*ولو ديل اساسينكم اساسكم ضعيف
*وماسورتكم محلوجه
*بتنقط نقطه نقطه
*ايها الاهله الشرفاء
*ماتزعلوا من كردنه حبيبي
*كردنه زول واضح
*ومن اول يوم قال ليكم انا اموري واضحه
*وقال ليكم جيت لقيت نادي الهلال تربيزتين وسته كراسي
*وجيت عشان اخت النقط في الحروف
*يبقي لما ينقط نقطه نقطه ما تزعلوا
*فطومه
*فيصل الجوهره امس وقع كم وقعه ؟؟؟
*اول مرة اشوف لي زول بقع اكتر من الجنيه
*برج التجاره القدر الضربه
*وقع مرة واحده
*واتجوهري
*ايها الناس
*الجمهور هو زاد العبور
*واليوم نلتقي مريخ السلاطين بالقلعه
*تعالوا نعمل من الموضوع برفه تشجيعيه
*بروفه نوصل فيها للاعبين اننا اسد تزأر
*اننا ليس من بيننا اشتر
*اننا نعتد علي الله والله اكبر
*تعالوا نثبت للاعبين اننا سندا لهم
*اننا نسينا اخفاقهم في تنزانيا
*اننا نثق في قدرتهم علي تخطي الزامبي
*اننا جينا لنصرتهم لا لمحاربتهم
*ايها الناس
*انهم اسلحتنا التي نقاتل بها
*فلا تفرطوا في قدرات اسلحتكم يا شفوت
*ومهما كان نوع السلاح
*بحقق النصر اذا كان في يد فارس
*ونحنا فرسان وشفوت وقدرها
*المهدي عليه السلام
*بالسيف انتصر علي آلية الاتراك
*لان ايمانه بجنوده ومن قبلهم بره كان اكبر
*ونحن نؤمن بجنودنا
*اتمني ان يحينا اللاعبون
*وان نرد التحيه باحسن منها
*لتنطلق الحناجر
*وحينما تنطلق حناجر الشفوت
*يسكت الجميع
*البلد فيها اسد
*ايها الناس
*تعالوا نقلبها برفوه تشجيعيه 
*نعتبرها تمرين لينا
*هيا ايها الشفوت
*المهم
*كردنه
*اقفل ماسورتك دي يا حبيب
*المهم
*الابيض فيها شنو يا وليد ؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*عشان نطبق قانون نتصرف بدون قانون ؟؟؟
*قصة الالمحليات البتشيل نمر العربات الواقفات في الشارع يا والينا
*قال ايه
*قال مموع الغسيل هنا
*خلاص البلد نضفت فضل فيها غسيل العربات وطينها
*والغريبه يا والينا
*مافي قانون بدي الحق في قليع لوحات العربات اللينا
*وافرض يا والينا
*زول زعلان من زول فينا
*كشح ليهو موية تحت عربيتو
*تغرموا سيد العربيه بدل الميه ميتينا !!
*والدليل يا والينا
*يا العربيه جمبها اثر مويه وحتة طينه
*يا اعربيه نضيفه والود الغسلها ما لقينا
*يعني تاني نكندك عرباتنا زي رماد وشوشنا نمرق ؟؟؟
*افتينا
سلك كهربا
ننساك كيف وعلي اليمين جاطت جنس جوطه 
والي لقاء
سلك
b_silik@hotmail.com
///////////