المنقله والمسطرة .. بقلم: بابكر سلك

بسم الله الرحمن الرحيم

في السلك

*عندما تختلف لغة الهتاف عن لغة الخطاب المكتوبه

*يكون الهتاف لشئ في نفس يعقوب

*وتلكون لغة الخطاب المكتوبه لشئ في مفس يعقوب ايضا

*يوم كورة النسور يعقوب احتار وحيرنا

*لافتات انيقه وجميله وجديده

*جديده لانها تمت طباعتها بعد مباراة مريخنا ومريخ السلاطين

*مكتوب عليها اشادة بالشرطه ووجوب احترامها

*ماقلنا شئ

*وعندما تغاضي الحكم عن ضربة الجزاء الثانيه للنسور

*ثار بعض منسوبو النسور

*ومن حقهم لان الحكم اخرجهم عن طورهم  بالصهينه عن ضربات الجزاء

*المهم في تلك اللحظه

*جاء الهتاف من المدرجات مغايرا تماما لماهو مكتوب علي لافتات لازالت معلقه علي السياج

*حتي اللافتات استغربت

*وكأنها رددت

*حيرتني يا يعقوب

*ولكن خرجنا بان  الهتاف من جهه و المكتوب علي اللافته من جهة اخري

*لم يكونا الا لشئ في نفس يعقوب

*المصلحه قبل اللقاء كانت لاجل هدف معين

*وسرعان ما تبدلت المصلحه اثناء اللقاء

*بالذات بعد ان اطلقت الجماهير الهلاليه صافرات الاستهجان منذ الدقائق الاولي للمباراه

*فاختلط حابل المكايدات بنابل الصفر الذي سكن النفوس

*وتناقضت اثر ذلك الكتابات مع الهتافات

*المهم

*ناس التعليم بقولوا ليك الشافع ينطق افضل من تجبروا ينطق ويكتب مع بعض

*ولكن بقولوا لازم تركز علي انه يقرأ ولا يحفظ

*يعني لما تجيبو وتخت اصبعك علي صورة كراس مثلا وتقول له اقرأ

*حايقول ليك كرسي

*ما تقتنع انو قراها

*يمكن يكون حافظ الصورة بس ولا يدرك الحروف

*عشان كده ممكن تجيب ليهو شكل خط مختلف من كتاب لم يعتاد عليه

*وتكتب له كرسي

*وترسم جمب الكتابه كرسي النوع الهزاز القاعدتو خشبيه عامله فوس وبتأرجح

*تقول ليهو اقرأ

*بقول ليك سفينه

*لانو اساسا ما بقرأ

*حافظ الرسم سااااااااي

*وشاف شكل الكرسي مختلف فضاعت عليه حروف كلمة كرسي

*عشان كده قال سفينه

*اها

*عندما احتج ناس النسور علي صرف ضربة الجزاء التانيه

*قلنا للجمهور اقرأ اللافته التي تعلقها علي السياج

*كلهم بصوت واحد قروها

*سفيييييييييييييييييينه

*ايها الناس

*المنقله بتعرفوها ؟؟؟

*المنقله البتكون في علبة الهندسه

*الشكلها نصف دائري

*وبتجيب بيها الزوايا

*لو رسمتا حولها خط

*بتعمل لينا شكل هلال

*تصميمها كده

*تخيلوا المنقله تدعوا المسطرة للاستقامه

*المسطرة العديله دي البتعمل خط مستقيم

*تخيلوا المنقله تدعوها للاستقامه

*فعلا قرب يوم القيامه

*المنقله تدعونا للاستقامه

*والمنقله بتعمل هلال

*والهلال حق عصمت

*بالقانون والحق

*ومن يدعوا المسطرة للاستقامه

*يطالب علنا بتعطيل القانون

*ونزع حق عصمت ليعطوهوا لفريقهم

*يدعون للضرب بالقوانين واللوائح واحكا القضاء عرض الحائط

*ويطالبون الحكومه بالتدخل لابطال حكم قضائب بات

*لا لشئ

*فقط لنزع حق عصمت بقتل القانون

*فهل من يدعونا لقتل القانون ووأد احكام  القضاء

*يجوز له ان يتحدث مع المسطرة عن الاستقامه ؟؟؟

*يالغنتي يا المنقله

*المهم

*اكملنا العتاد

*وقررنا تخطي عزام

*بالقرآن مريخنا مصان

*وحينما يلتف الشفوت حول الكيان المقدس

*ينصاع المستحيل

*وينقاد الصعب بايدينا

*وتحضر الينا  النصره منقادة تجرجر ضنبتها

*في ختوع وخضوع واعجاب بنا

*جاء الجميع

*وظهر الجميع علي خشبة المسرح

*يخلق عرضا متجانسا وقويا وهادفا

*ايها الناس

*حسن اسد والعراقي وطارق المعتصم وعمر حجوج وحامد بدوي وشفوت المدرجات

*اينما اجتمعوا ونادوا النصر

*يأتي غصبا عنه

*مبروووووك يا شفوت

*والدور عليكم في التشجيع القوي

*واذكركم

*مريخنا مصان بالقرآن يا يعقوب

*فقط نديها جكه

*والجكه هلي التهليل والتكبير

*فكنا نردد لا اله الا الله لا اله الا الله

*لااله الا الله منتصرين باذن الله

*تخيل كل جنبات الاستاد تقولها مع بعض في نفس اللحظه

*باقي ليكم شيطان  ولا سجمان ولا يعقوب تاني بقعد ؟؟؟؟

*نرددها يا شفوت

*باعلي صوت

*وصدقوني عزام بموت

*المهم

*خرج نسور الشرطه مظلوما

*وملوما علي احتجاجه علي الظلم الفاضح

*ولكن العزاء

*ان الحكم يخطئ ولا يظلم

*ايها الناس

*بدأ العد التنازلي

*النصر لنا بالايمان والاخلاص والعمل

*ايها الناس

*لازم المكتوب يكون موافق للهتاف

*عشان ما تبقوا زي يعقوب

*ايها الناس

*ان تنصروا الله ينصركم

*اها

*نجي لي شمارات والي الخرتوم

*والينا

*دايرين ايصالات تطبعها لينا

*ومعاها امر محلي يا ولينا

*تغريم المحليات والجهات الحكوميه سلطة يخولها لينا

*نطلع الصباح يا والينا

*من خشم الباب نقطع ليك ايصال لبتاع البعوض المكترها لينا

*وقبل نقطع الزلط يا والينا

*نقطع ليك ايصال للمحلية البتهمل فينا

*البتخلي الحفر فاتحه يا والينا

*وتقع فيها عربات الناس ودرداقات الشفع وتروح جواها مصالح لينا

*ونقطع ايصال يا والينا

*لي ناس الكهربا السايبين الشارع مضلم علينا

*واهم ايصال يا والينا

*هو الايصال البنقطعوا للنفايات الخلتنا اوسخ مدينه

*لكن صدقني يا والينا

*لو  كلو يوم تعمل ايصالات زي وتدينا

*علي اليمين من قصور الحكومه المسئوله عن الخدمات يا والينا

*في كل ساعه نحقق ليك الربط ويبقي دخل ولايتك اعلي دخل تجيبو مدينه

سلك كهربا

ننساك كيف ويوم نغني الزلط ربط البلاد ولما تتأخر عربية النفايات وتعفن المويه في الجداول برضو بنغني القرف ربط البلاد من هنا لي ……لي هناااااااك

والي لقاء

سلك

b_silik@hotmail.com

///////////