سودانايل أول صحيفة سودانية رقمية تصدر من الخرطوم
أخبار أخرى
النيل حالف يفيض
والنخيل ينكسب رطب
والأبنوس يزداد صلابة
يشد حيل الغلابة
الشايلين
تعب السنين
والشباب لابسين
الشموخ وشاح
يزين صباحات
ومساءات أم در
بالهتاف
وضجة الأغنيات
وبهجة الروح
تكسي الأفق
تنثر عطر
يفتح
للشمس
ألف باب
يفيض
شعاع
يتوارى
خلفه
الظلام
تنطلق
الخطى
نحو الحقول
تنهمر
السحابة الراحلة
زخات مطر
تروي الأرض
تسقي الجروف
يشرق حلمنا الأخضر
يفرهد سنابل
وغصون
تتمايل طربانة
مع زقزقة العصافير
وهديل الحمام
نغني ونرقص
مع أمواج النيل
وأنغام البلابل
البسأل ما بتهوه
يا عازة نحن
بنسألك السماح
نحن قصّرنا
في حقك كتير
لكن النيل حالف يفيض
يلبسك النصر وشاح
ويجدد إيقاع الحياة
ويبعث فينا السنا
الطيب الزين
٢٠٢٢/٢/٢
Eltayeb_Hamdan@hotmail.com
