انتبهوا: السودان قارة في وطن تحت التشييد والدمج!!

ركن نقاش
** مادبو (في فيديو متداول في الاسافير) يقول: برضو سمعنا - نحن من الله خلقنا - زول هددنا مافي (اصوات عالية من التكبيرات والتهليلات٨) المهدية ما هددتنا يا جماعة والله واقسم بالله لولا شعبنا في الخرطوم واهلنا في الخرطوم (ودمنا) في الخرطوم وسودانا في الخرطوم والله الخرطوم دي نطيها (نطويها) في خمسا دقايق..
** ما الذي يجعل مادبو ينذر الخرطوم بهذه اللهجة العنيفة وبهذه الكلمات التي تحمل في طياتها هذا القدر من الكراهية والعنصرية وكانه ليس من الارومة السودانية ماذا فعلت الخرطوم حتى شحنته بهذه الروح العدائية المتجافية عن الوطنية وروح التسامح الذي جبل عليه السودانيون هل هو زعيم قبيلة ام قائد مليشيا عسكرية قبلية مدججة بالسلاح وحاملة لدوافع الغزو والقهر والقتل والابادة نحن نعلم يقينا ان ما فعلته الانقاذ وكيزانها في بلادنا من العار ما لا تمحوه السنون الطوال حيث اشاعت العنف بعد ان نزلت من ألطائفية السياسية الى القبلية البغيضة وسلحت القبائل وأشعلت بينها الفتن والاقتتال هل هناك دولة في السودان (نحن نعيش في ظل اللادولة واللا شرطة واللا جيش وطني واللا نيابة عامة واللا قضاء وطني بل قضاء مؤدلج ومسيس حتى النخاع ولو كنا نملك ما نفقده من هذه المكونات - دولة وشرطة ونيابة وقضاء - لتم التحقيق مع هذا المادبو حتى يستقيم الجميع على الجادة).. المرجو اذن ان نصل الى الحكومة المدنية لتحتكر العنف ولتصلح خراب الجيش والشرطة وليقوم جهاز استخباراتي داخليا وخارجيا معتمدا على الكفاءات الشرطية المؤهلة وابعاد العسكر من الاستخبارات واصلاح النيابة العامة والقضائية واصلاح الاقتصاد بابعاد يد العسكر منه..الا هل بلغت اللهم فاشهد..
ألبرهان والانفلات الامني:
** "أكد البرهان على موقف القوات المسلحة الثابت تجاه قضايا استقرار وامن البلاد في ظل التحديات الحالية" (اجتماع القائد التنويري بالضباط برتبة اللواء فما فوق الاحد ١٦ اكتوبر ٢٠٢٢)..هل نقول "اسمع جعجعة ولا ارى طحينا" اذ اين هو هذا الامن في ظل هذه الانفلاتات من اولئك الذين يحملون السواطير والسكاكين ويجوبون الطرقات يروعون المواطنين ويستولون على ممتلكاتهم عنوة واقتدارا مع غياب الامن الرسمي..واين الامن مع تصريحات مادبو باجتياح الخرطوم بلا مساءلة او ملاحقة ؟!!..
يا عنصري ومغرور كل البلد دارفور:
** جبريل ابراهيم (في فيديو متداول في الاسافير) يقول: "نحن نمهد الطريق لانتخاب حركة العدل والمساواة الاسلامية ومشروع الحركة هو حكم السودان كما بعد فترة ودا الهدف ودا الفهم عشان كدا يا جماعة ما تركنو للفترة الانتقالية نحن لو ما جهزنا حالنا من الان مشروعنا ما بيتنفذ.....نحن مشروعنا كبير رؤيتنا كبيرة وبنعاين لي قدام نحن دايرين نحكم السودان دا كلو... اعتبرو نفسكم بديتو الحملة الانتخابية ونجهز.. ما تركنو للشيئ الحصل نحن دايرين نحكم السودان دا كلو - صيحات هستيرية الله اكبر الله اكبر - وان شاء الله الحي فينا بيحكم"..اذن يا فكي جبريل لا مانع لدينا ان تحكمنا حركة العدل والمساواة فقط نريد ان تتخلص الحركة من شكلها العسكري وتعود حركة شعبية سودانية ببرنامجها السياسي ومذهبيتها و"الحشاش يملا شبكتو" بلا تهديدات عسكرية وقبيل قال الثوار: (يا عنصري ومغرور كل البلد دارفور) وارضا سلاح وحباب الديمقراطية!!..
eisay1947@gmail.com