بسم الله الرحمن الرحيم
في السلك
• مبدر من لاعبي المريخ يوم الجيش كان تهورا
• وانفلات تضرر المريخ منه
• ومحاوله من اللاعبين لاثبات الغيره والانتماء
• في حين انه كان يمكنهم ان يثبتوا ذلك داخل الملعب في مباريات تخاذلوا فيها بدرجة كبيره
• وكان يمكنهم اثبات تلك الغيره بالجديه في التمارين
• وبالمحافظه علي اللياقه البدنيه
• ولكن بعد مباراة الجيش الثانيه
• وبعد سقوط آخر الآمال
• حاولوا ان يخدعوا الجماهير بحركات الشفع العملوها بعد الكوره
• وده دليل علي انهم يفتقدون لابسط قواعد ( الشفتنه )
• وهي قواعد افتقدها الجهاز الاداري المصاحب
• لان (صعلكة) الكوره ما هي الا تصرفات تجعل المراقب والحكم يرتعدون خوفا
• ليس من ( بونيه ) يتوقعونها
• ولكن من قيادة اداريه تحذرهما بصوره غير مباشره من التواطؤ
• مثلا
• حكم اشتهر بالتواطؤ
• او قل نخاف ان يحابي فريق البلد
• ساااااااااااي
• لوجه الله تعالي
• مجرد شكوي قبل المباراه للاتحاد الافريقي ضد الحكم مؤسسه ومبين فيها ان هذا الحكم نتخوف من انحيازه للفريق الآخر ومدعمه ببعض الوقائع
• شكوي مثل هذه تخيف الحكم وتجعله ينط من الاتفاق مع الفريق الآخر ان كان قد اتفق بل وتجبره علي اعادة المقدم الذي قبضه ( لاسمح الله ) ان كان في الامر رشوه
• ولكن عدم شفتنة الاداريين وعلم المامهم بكيفية التأثير الايجابي علي المراقب والحكام تفقد الفريق الكثير
• ويمكن للحكم ان يفعل بك مايريد داخل ارضك اذا احس هشاشه اداريه
• تتذكروا حكم كورتنا ضد زيسكو في ميداننا ؟
• الزول النقض هدف ايداهو الصحيح
• واعطي ضربة جزاء قاطعها من راسو لي ناس زيسكو
• وخرجنا مهزومين في عقر دارنا
• بل وخرجنا من التنافس
• تتذكروا لما الاتحاد قالوا منعنا من استقبال ذلك الحكم
• وتتذكروا ايضا السلبيه الاداريه التي قابلنا بها ذلك القرار ؟
• شفتنه نهي كاسات باجا بالكل نهي تجي
• الحكم الذي ادار مباراة الجماعه في ليبيا
• مشهور بي حركاتو
• الاحتجاج عليهو من قبل ناسنا قبل الكوره
• جعله يحتسب ضربة جزاء لصالح ناسنا في ارض العدو قبل ما يتم الاعتداء علي سادومبا
• ده الشغل
• في شفتنه اداريه
• تجعل الحكم يديك بلنتي والكوره ضاربه في ضهر الزول
• تخليهو يقول ضربة المرمي ركنيه
• وفي شفتنه اعلاميه
• تقوم بتعبئة الجمهور عن طريق التحريض الاستفزازي
• حتي لاتمل الجماهير من الزئير والمسانده
• مثلا نكتب مدرب الفريق ( العدو ) قال جيت السودان عشان انتصر
• فريقكم حمام ميت
• ساخرس الجماهير
• علي الجماهير ان تنام بدري
• والجمهور هنا يتملي ( فل )
• يجي الكورة الساعه اطناشر الضهر
• شايل كفن الفريق العدو في ايدينو
• شفتنه
• نحنا اهل الشفتنه
• واول شفت بتاع كوره في البلد دي مريخابي
• لكن في ألاونه الاخيره تغير الحال
• لذلك قلت الغيره
• اها
• حتي ولو ثبت للكاف تحيز الحكم وظلمه للمريخ فان ذلك ليس بمبرر لما بدر من بونيه بعد المباراه
• لذا
• يجبب ان نستفيد من الحدث
• وان نعرف كيف نخدم مصالحنا دون تصرفات صبيانيه
• وان ندرك نختها للحكم كيف ومتين ووين ؟
• بشكوي قبل الكوره
• باحتجاج
• بانفعال جماهيري
• المهم
• نختها ليهو
• ولكل حدث حديث
• اها
• واحد قال لي الجماعه بتفاصحوا شدييييييييييد
• السنه دي بجيبوا الكاس
• نطه خالي بتاع امس
• قال عباس منو ؟
• قلت ليهو ماعباس يا خال —– الكاس
• قال لي الماعندو قديم ماعندو جديد
• قالوا المراقب المالي بكي مع لاسانا
• لكن لما جا الكشف بدل يخت لينا ختاها لينا
• كتب تقرير مافيهو بونية السيد الحكم
• ولا شلوت الشرطه النيجريه
• المراقب المالي قالوا ليهو لاسانا الكسروا يدو ده مالي
• قال
• وانا مالي
• قلت ليكم الموضوع داير شفتنه
• تتذكروا الحكم الليبي !
• اسلام قالت لي الامثال دي الناس بجيبوها من وين ؟
• قلت ليها بعملوها براهم
• قالت لي يعني بقطعوها من ريسينهم ؟
• قلت ليها صاااااااااااح
• قالت لي دايره اعمل امثال
• قلت ليها سمعينا
• قالت لي المثل قال
• الفاتتو كورة مازيمبي يحضر كورة الليبي
سلك كهربا
ننسي كيف بس
والي لقاء
سلك
babikir maki [b_silik@hotmail.com]
\\\\\\\\
